• Created: 17.06.2021
• Updated: 17.06.2021
• Read: 2474

Youth Festival continues in Navoi

16 iyunda kunning ikkinchi yarimida Navoiy shahrida “Yangi O‘zbekiston yoshlari, birlashaylik!” shiori ostida o‘tkazilayotgan yoshlar festivali doirasidagi tadbirlar davom etdi. Shahrimizning keng ko‘chalari, ko‘rkam xiyobonlari, madaniyat va istirohat bog‘lari, madaniyat saroylari yoshlar, aholi vakillari, mehmonlar bilan gavjum bo‘ldi.

Jumladan, “Farhod” madaniyat saroyida “Quvnoqlar va zukkolar” ko‘rik-tanlovi o‘tkazildi. Ushbu tanlovda 14 ta jamoa ishtirok etdi. Yakuniy natijalarga ko‘ra, Navoiy mashinasozlik zavodining yosh ishchi-xodimlaridan tashqil topgan jamoa faxrli 3-o‘rinni qo‘lga kiritdi.

Shuningdek, madaniyat saroyining old maydonida samolyotlar maketlari ko‘rgazmasi, Bolalar ijodiyoti markazi robototexnika to‘garagining ishtirokchilari o‘rtasida robotlar jangi bo‘lib o‘tdi.

Shu bilan birga “Farhod” madaniyat saroyining ijodiy jamoalari va xonandalari tomonidan taqdim etilgan konsert dasturi barchaga ko‘tarinki kayfiyat ulashdi.

Navoiyda “Yangi O‘zbekiston yoshlari, birlashaylik!” shiori ostida yoshlar festivali 17-18 iyun kunlari ham davom etadi.

NKMK Matbuot markazi.