Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Kombinat to'g'risida Ommaviy tadbirlar OSHKORA MULOQOT TARZIDA

OSHKORA MULOQOT TARZIDA

Navoiy kon-metallurgiya kombinatida ijtimoiy masalalarni hal qilishga hamisha birinchi galdagi vazifa sifatida qaraladi va bu boradagi ishlar ko‘lami hamda natijalariga har qanday korxona mehnat jamoasi havas qilsa arziydi. Ijtimoiy ciyosat ishlab chiqarishda band bo‘lgan turli kasb egalariga munosib sharoitlar yaratib berish, ularning turmush darajasini oshirishga yo‘naltirilganligi bilan ahamiyatlidir. Bu hol korxona jamoa shartnomasida ham yorqin ifodalangan. Zero, ishlash va yashash uchun munosib sharoitlarni ta’minlamasdan turib, ishlab chiqarish unumdorligi haqida gap ham bo‘lishi mumkin emas. YAqinda «NKMK tarixi» muzeyi-da respublika ommaviy axborot vositalarining viloyatdagi muxbirlari va viloyat ommaviy axborot vositalari vakillari ishtirokida bo‘lib o‘tgan matbuot anjumani ana shu muhim, dolzarb mavzuga bag‘ishlandi. Anjumanda kombinatda mehnatkashlar va ularning farzandlariga ko‘rsatilayotgan g‘amxo‘rliklar haqida hikoya qiluvchi videofilm namoyish etildi. Shundan so‘ng NKMK bosh direktorining o‘rinbosari I. Rajabov va kombinat kasaba uyushmasi Kengashi raisi I.Rahmatovlar bu borada olib borilayotgan ishlar, kelgusi rejalar xususida axborot berdilar va jurnalistlarni qiziqtirgan savollarga javob qaytardilar Anjumanda ta’kidlanganidek, NKMK Tibbiy-sanitariya bo‘limi va beshta tibbiy- sanitariya qismlarida 103 ming nafardan ortiq kishiga tibbiy xizmat ko‘rsatilmoqda. Kombinat ishchi-xodimlari va ularning oila a’zolarini doimiy sog‘lomlashtirish uchun «Metallurg» va «Shaxtyor» sanatoriy-profilaktoriylari, «Konchi» pansionati, «Lazurnaya» dam olish bazasi faoliyat yuritmoqda. «Metallurg» profilaktoriyasi eng so‘nggi zamonaviy tibbiy apparatlar bilan ta’minlandi. Issiq va sovuq suv inshootlari yangilandi, gul issiqxonasi qurildi, isitish uchun elektr-isitgichli radiator pechkalari sotib olindi. Dam oluvchilar har bir xonada bo‘lgan televizorlar orqali dunyo voqealaridan xabardor bo‘lishadi, kuy, qo‘shiq tinglab hordiq chiqarishadi.

«Lazurnaya» dam olish bazasi kombinat ishchi-xodimlari va oila a’zolarining sevimli dam olish maskaniga aylangan. Sun’iy suv havzasi – To‘dako‘l sohilida qurilgan ushbu baza hududida barcha qulayliklarga ega bo‘lgan ikki kishilik kottejlar, dushxonasi va suzish havzasi bo‘lgan sauna, kuniga to‘rt marta ovqatlanadigan zamonaviy oshxona, ikkita bar mavjud.

«Konchi» pansionati Toshkent viloyatining Bo‘stonliq tumani YUsufxona qo‘rg‘onidagi suv ombori sohilida joylashgan. Keng tog‘li joylar bilan qurshab olingan bu noyob qo‘riqxona respublikada ekologik jihatdan eng toza kurort hududlardan biridir. «Konchi» pansionatida har yili 3000 nafar kishi dam olayapti. Kombinat mehnatkashlari va ularning farzandlari tabiatning betakror va fusunkor, toza va bahavo qo‘ynida joylashgan «Aydarko‘l», «Sovuq buloqlar» sport-sog‘lomlashtirish, turistik bazalarida ham miriqib dam olish imkoniyatiga ham egadirlar.

Navoiy kon-metallurgiya kombinati bo‘linmalarida zamonaviy asbob-uskunalar bilan jihozlangan 65 ta ishchilar oshxonalari faoliyat ko‘rsatmoqda. Ishlab chiqarishning alohida sharoitlarida mehnat qilayotgan 16 512 nafar ishchi-xodimlarga bepul davolash-profilaktik oziq-ovqat uchun talonlar ajratiladi. Markaziy kon boshqarmasi 2-gidrometallurgiya zavodi, avtotransport boshqarmasi, «1-gidrometallurgiya zavodi» kon boshqarmasi kabi korxonalardagi fitobarlarda dorivor o‘simliklardan turli foydali damlamalar tayyorlanmoqda. Qudratli ekskavatorlar mashinistlari va og‘ir yuk ko‘taradigan mashinalar haydovchilari uchun kabinada kunning jazirama issig‘i-yu qishning qahraton kunlarida ham mo‘‘tadil iqlim sharoitini yaratishga imkon beradigan sovutish, isitish jihozlari o‘rnatilgan. Bu, shubhasiz, ish unumdorligi yuqori bo‘lishiga yordam beradi.

Kombinat kasaba uyushma qo‘mitasi va uning joylardagi bo‘linmalarida 5 ta futbol maydoni, 5 ta suzish havzasi, bitta Sport saroyi, 2 ta elkanli sport uchun baza, 90 ga yaqin sport zallari va maydonchalari faoliyat ko‘rsatayapti. So‘nggi to‘rt yilda bir qancha yangi ob’ektlar ishga tushirildi: Zarafshon shahrida yakkakurash va og‘ir atletika uchun sport zali, Navoiy, Zarafshon, Uchquduq shaharlarida gimnastika zallari, Zarkent qo‘rg‘onida «Konchi» klubi va ko‘rkam sport majmuasi, Marjonbuloq shaharchasida Yоshlar sport majmuasi qurib foydalanishga topshirildi. 2014 yilda Uchquduq shahrida Yоshlar uyi, Navoiy shahrida qilichbozlik mashq zali foydalanishga topshirildi.

Kombinat madaniy muassasalarida 4 ming nafar kishidan iborat bo‘lgan ijodiy jamoalar, badiiy havaskorlik to‘garaklari faoliyat ko‘rsatmoqda. O‘tgan yilda madaniyat uylarida uyushtirilgan tadbirlarda 650 ming nafardan ko‘proq ishchi-xodimlar va ularning oila a’zolari ishtirok etdilar. «Qizilqum san’at g‘unchalari», «Qizilqum ovozi», «Qizilqum ohanglari» fes¬tival-tanlovlari xoreografiya jamoalari, orkestrlar, yakkaxonlar, vokal guruhlari, maqom janridagi an’anaviy ijro xonandalari orasida an’anaga aylandi. «Farhod» madaniyat saroyi nafaqat Navoiy kon-metallurgiya kombinati ishchi-xizmatchilari, balki barcha navoiyliklarning sevimli madaniyat markaziga aylangan. Madaniyat saroyiga 2009 yilda O‘zbekiston Respublikasi Madaniyat va sport ishlari vazirligi tomonidan «O‘zbekistonda eng yaxshi madaniyat muassasasi» unvoni berildi.

Navoiy kon-metallurgiya kombinati tasarrufida bo‘lgan «Orlyonok», «Zolotinka», «Iskorka», «Sarmish», «Olimpiets» kabi oromgohlar O‘zbekistondagi eng namunali bolalar oromgohlari ekanligi hech kimga sir emas. Bulardan tashqari, 6 ta shahar ichidagi bolalar sog‘lomlashtirish oromgohlari ham yosh avlod xizmatida. Kombinat mehnatkashlarining 9,5 ming nafardan ortiq farzandlari har yili yoz mavsumida oromgohlarda dam olib sog‘lomlashtirilmoqda.

Kombinatda mehnatkashlar uchun turar joy binolari qurilishiga alohida e’tibor berilmoqda. Keyingi yillarda yuzlab ishchi-xizmatchi, muhandis-texnik xodimlar Uchquduq va Zarafshon, Zarkent va Zafarobodda hovli to‘ylarini nishonladilar.

Kombinatda 2009 yildan e’tiboran har yili o‘nlab ishchi-xizmatchilarga qishloq joylarida namunaviy loyihalar asosida bunyod etilayotgan zamonaviy kottej hovlilar qurilishi boshlang‘ich badalini to‘lash uchun foizsiz ssuda ajratilmoqda. Hozirgacha kombinatning 703 nafar ishchi-xizmatchisi «Qishloq qurilish invest»ning namunaviy loyihalari asosida qad rostlagan shinam, barcha qulayliklarga ega, shaharlardagidan qolishmaydigan uy-joylar egalari bo‘lishdi. Bu ishlar uchun 23 milliard 445 million so‘mdan ortiq mablag‘ sarflangani kombinatda mehnat kishilari haqida g‘amxo‘rlikning chinakam namunasidir.

Ochiq, oshkora muloqot, ijtimoiy masalalarga oid savol-javoblar tarzida o‘tgan matbuot anjumani ommaviy axborot vositalari vakillari va barcha ishtirokchilarda yaxshi taassurot uyg‘otdi.

Nizomiddin SADRIDDINOV.

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Kombinat to'g'risida Ommaviy tadbirlar OSHKORA MULOQOT TARZIDA