Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Bizning yutuqlarimiz

Bizning yutuqlarimiz

Egallab turgan hududi, faoliyati ko'lami, davlat uchun daromadliligi darajasi, ishlab chiqarish quvvatlarining kattaligi, chiqarayotgan mahsulot ko'lamining kengligi, band bo'lgan xodimlarining soni, ijtimoiy dasturlarni moliyalashtirish hajmi bo'yicha kombinat respublikada eng yirik korxonalardan biri hisoblanadi. Mamlakatning siyosiy va iqtisodiy rivojlanishining tanlangan yo'li o'zbek va xorij tovar bozorlarining o'zlashtirilgan sigmentlarida kombinat o'rnini mustahkamlash, chiqarayotgan mahsulotining raqobatbardoshligini va tegishlicha korxona daromadlarini oshirish, barcha darajadagi byudjetlarga ajratmalar miqdorini ko'paytirish imkonini beradi, bu esa kombinatning O'zbekiston iqtisodiyotining rivojiga qo'shayotgan hissasining ortishiga olib keladi. Atom energiyasi bo'yicha Halqaro agentlik ekspertlarining xulosasiga ko'ra bizning muhandislarimiz tomonidan yaratilgan uran texnologiyalarining darajasi butun jahon o'rtacha darajasidan yuqori, mini-reagent texnologiya esa dunyoda yagonadir. Yuqorida aytilganlar Qizilqumning ekologik xavfsizlik darajasiga ham tegishli. NKMK bir necha marta yuqori sifat va texnologiyalar uchun beriladigan xalqaro mukofotlar va sovrinlarga sazovor bo'lgan.

Fanning ishlab chiqarish bilan integrasiyasi

 

Sir emaski, zamonaviy innovasion texnologiyalarini joriy etilishi katta moliyaviy quyilmalar bilan bog'liq bo'lib, aynan shu sababli kombinat rahbariyati har bir yangi loyihani O'zbekiston FA olimlari, yetakchi loyiha tashkilotlari va tekshirish institutlarini jalb etgan holda chuqur tahlil etadi, o'rganadi va ishlab chiqadi. Kombinatning ilmiy potensiali juda yuqori bo'lib, kon-metallurgiya sohasining jahon miqyosidagi peshqadamlari bo'lgan kompaniyalar bilan yaqin hamkorligi bozor sharoitlarida innovasion jarayonlarni tezlashtiradi, bu esa o'z navbatida tovar mahsuloti tannarxini kamaytirish imkonini beradi. NKMKda hozirgi kunda 7 ta fan doktori va 40 dan ziyod texnika fanlari kandidatlari ishlamoqda. Kombinatning doimiy faoliyat yuritayotgan va yaxshi jihozlangan o'quv markazlarida har yili yuzlab yosh muhandislar, texniklar va yetakchi ishchi kasblar malakalarini oshirmoqdalar. Yirik sohaviy ilmiy-tekshirish va akademik institutlar bilan mustahkam aloqalar o'rnatilgan. Ular bilan hamkorlikda texnologiyalar mukammallashtirilmoqda, texnik qayta qurollanish olib borilmoqda, ishlab chiqarishni modernizasiyalash va mahalliylashtirish davlat dasturlari, investision loyihalar muvaffaqiyatli amalga oshirilmoqda. O'zbekistonning mustaqillik yillarida NKMK faoliyatida mamlakat ilmiy muassasalarining roli keskin darajada oshdi. Kombinat uchun ilmiy-tekshirish va tajriba-konstruktorlik ishlarining katta hajmini bajaradilar:

 

  • O'zbek "O'zgeorangmetLITI" ilmiy-tekshirish va loyiha instituti,
  • O'zbekiston Respublikasi FA yadro fizikasi instituti,
  • "Qiziltepageologiya" DGK,
  • O'zbekiston Respublikasi FA mikrobiologiya instituti,
  • Toshkent davlat texnika instituti,
  • Toshkent avtomobil yo'llari instituti,
  • Navoiy davlat konchilik instituti va boshqalar.

Jahon bozorida oltin bahosining o'sishini xisobga olinib, respublika rahbariyati tomonidan oltin ishlab chiqarishni jadallashtirish vazifasi qo'yildi. Ushbu vazifaning kombinatda bajarilishi yirik investisiya loyihalarining asosi bo'lgan jahon sifat standartlari darajasida yuqori samarali resurs tejaydigan texnologiyalarni qo'llash hisobiga amalga oshirilmoqda. Ularni amalga oshirish Muruntau konining xom ashyo bazasining kamaya borishiga ko'ra kombinat bo'yicha oltin ishlab chiqarishni uzoq vaqt davomida saqlab qolish imkoniyatini beradi. Yangi, zamonaviy texnika va uskunalar bilan jihozlangan kon-metallurgiya korxonalarining ishga tushirilishi, tayyor mahsulot eksporti hajmining oshishi O'zbekistonda o'tkazilayotgan islohotlarning natijasidir. Muvaffaqiyatlarning kaliti kombinatning 55 yillik qizg'in mehnati davomida to'plagan yangi texnologiyalari va sanoat zakovati natijasidir. Ilg'or texnologiyalarning joriy etilishi, mineral-xom ashyo bazasining kengayishi, qayta ishlovchi quvvatlarning ko'payishi, barcha imkoniyatlarning safarbar etilishi, shuningdek NKMK oldiga qo'yilgan vazifalarni to'liq idrok etish ularni kelajakda bajarilishini ta'minlaydi.

Sifat plankasi

 

Chiqarilayotgan mahsulotlar ko'pgina turlarining sifati eng yuqori jahon standartlariga mos keladi. NKMK Respublikada birinchilardan bo'lib 2006 yilda sifat, ekologiya, sanoat xavfsizligi va sog'lik menejmenti tizimini kiritdi. Kombinat rivojlanishi strategiyasining muhim sharti ishlab chiqarishni boshqarish uslublarini doimiy ravishda mukammallashtirish hisoblanadi. Halqaro standartlarga mos keluvchi sifatni boshqarish tizimlarini joriy etish rejasiga muvofiq, kombinatda: 
- sifat, ekologiya, sanoat xavfsizligi menejmentining ISO 9001:2000, ISO 14001:2004, OHSAS 18001:1999 standartlariga talablariga mosligi integrasiyalangan tizimi joriy etilgan;

Menejmentning amaldagi tizimlarini Sertifikatlashtirishning xalqaro organlari tomonidan tan olinishi bizning jahon standartlari darajasida ishlab chiqarishni boshqarish qobiliyatimizni tasdiqlaydi, bu esa kombinatning obro'-e'tibori va uning ishchanlik nomini respublika va xalqaro miqyosda oshiradi.

 

Bizning asosiy qadriyatlarimiz

  • Chiqarilayotgan mahsulotning yuqori sifati.
  • Innovasion texnologiyalar.
  • Yaxlitlik. Xodimlarning kasbiy malakasini doimiy ravishda oshirish va birdam komandada ishlash.
  • Jamiyat hayotida faol ishtirok etish, bizning ishlab chiqarish barcha zamonaviy ekologik talablarga rioya etilgan holda amalga oshirilmoqda.
  • 55 yildan ortiq vaqt mobaynida barqaror ishlash va respublika va undan tashqarida yuqori nufuz.
  • Yuqori malakali mutaxassislarning borligi.

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Bizning yutuqlarimiz