Yangi ishlab chiqarishlarni yarata borib, texnik qayta qurollanish va raqobatbardosh tovarlar chiqarilishini ta'minlab, bizlar qo'llari bilan cho'lning murakkab sharoitlarida shaharlar, zavodlar, konlar qurilgan eng bosh qadriyat -Inson, Mehnatkash, Yaratuvchini unutganimiz yo'q. Biz o'z jamoamiz bilan faxrlanamiz va qayta-qayta takrorlaymiz - mana Qizilqum yerining eng katta boyligi, Navoiy kombinatining oltin zahirasi. Kombinatning ijtimoiy siyosati mehnat va yashash sharoitlarini yaxshilashga, mehnatkashlarning turmush darajasini oshirishga yo'naltirilgan bo'lib, bu uning mintaqaviy rivojlanish va ijtimoiy barqarorlikka salmoqli hissa qo'shishiga imkon beradi. Navoiy, Uchquduq, Zarafshon, Nurobod, Zafarobod shaharlari kombinat balansida turadi va bir-biri bilan temir yo'l va avtomobil yo'llari, respublikaning yagona energotizimiga kiritilgan elektr uzatish liniyalari bilan bog'langan, va hayotni ta'minlashning markazlashtirilgan issiqlik va suv ta'minotiga, zamonaviy turar joy fondi, ijtimoiy soha ob'ektlarini o'z ichiga olgan avtonom tizimlariga ega.

NKMK jamoasining xalqlar o'rtasida do'stlikni mustahkamlash, O'zbekistonning iqtisodiyotini rivojlantirish va eksport potensialini kengaytirishga qo'shgan katta hissasi, shuningdek, erishgan yuqori ishlab chiqarish va ijtimoiy ko'rsatkichlari, mineral-xom ashyo resurslaridan foydalanish samaradorligini oshirganligi, zamonaviy tkxnologiyalarni joriy etganligi, yetakchi xorijiy kompaniyalar bilan hamkorlikni mustahkamlagani uchun kombinat 2007 yilda "Do'stlik" ordeni bilan mukofotlandi. Kombinat o'n minglab kvadrat kilometr maydonda joylashtirilgan kuchli ishlab chiqarish va ijtimoiy infrastrukturaga ega. Bu yerda farovonligi u yoki bu darajada NKMK bilan bog'liq bo'lgan 300 mingga yaqin inosonlar yashab mehnat qilmoqdalar, NKMK mehnat jamoasi 67 ming kishidan ortiq.. Korxonaning rivojlanish dasturi butun Qizilqum mintaqasi, respublikaning barcha viloyatlari faoliyatiga ijobiy ta'sir etmoqda, bu yerlarda shaharlar, sanoat, madaniy va maishiy ob'ektlar qurilgan.

O'zbekiston Respublikasi Prezidenti I.A.Karimov va Respublika Hukumati Navoiy kombinatiga, uning barqaror ishlashini ta'minlash, dolzarb muammolarini yechish, ishlab chiqarish hajmlarini oshirish, mehnatkashlar va ularning oila a'zolari sog'ligiga, ta'lim va ma'naviy-ma'rifiy masalalarga katta e'tibor qaratmoqda. Bu esa kombinatning ijtimoiy siyosat sohasida mehnatkashlar va butun mintaqa oldida mas'uliyatini kuchaytiradi. Gap farovonligi to'g'ridan to'g'ri kombinat bilan bog'liq bo'lgan butun Qizilqum mintaqasining aholisi to'g'risida bormoqda.