Navoiy kon-metallurgiya kombinati O'zbekistonda mamlakat iqtisodiyoti sohalari uchun
rang-barang mahsulotlar ishlab chiqaradigan ko'p tarmoqli korxona sifatida mashhur. Uning
bo'linmalari respublikaning yettita hududida joylashgan, mehnat jamoasida esa 67 mingdan ziyod kishi ishlaydi.

Bizning mamlakat oltin, uran, mis, volfram, kaliy tuzlari, fosforitlar, kaolinlar va
boshqalarning tasdiqlangan zahiralari va prognoz resurslari bo'yicha jahon davlatlari orasida
o'nlikk kiradi. Oltin va uranning asosiy konlari Markaziy Qizilqum hududida joylashgan va Navoiy kon-metallurgiya kombinati faoliyatining ob'ekti hisoblanadi.

Ishlab chiqariladigan mahsulot assortimentlari bo'yicha yer ostini sanoatlashgan holda
o'zlashtirish NKMK faoliyatining ustuvor yo'nalishlaridan biri hisoblanadi, asosiy mahsuloti - oltin va uran. Bunga kombinatning izlash - qidirish ishlaridan rudani qazib olguncha, uni qayta ishlashgacha, (999,9) namunali oltin va uran chala oksidi -oksidi olguncha bo'lgan ishlab chiqarishning tugallangan davrini amalga oshiradigan kon-metallurgiya korxonasining barcha faoliyati kiradi.

Asosiy mahsulot ishlab chiqarishdan tashqari, NKMK fosforit xom-ashyosini qazib olish, sulfat kislota va oltin, kumush buyumlarini ishlab chiqarish bilan shugullanadi. Suyuq shisha, portlatish moddalari, polivinilxlorid va polietilen quvurlarini ishlab chiqarish yo'lga qo'yilgan. Mahalliy xom-ashyo asosida shagal, beton, asfalt betoni, formovka qumi, ohaktosh, gabbro, marmar va granitdan sirlangan buyumlar ishlab chiqarishi tashkil etilgan.

Kombinta sanoat jihozlarini ta'mirlash bo'yicha xizmat ko'rsatadi. Metall qirqish stanoklari, qurilish metall konstruksiyalar, payvandlash elektrodlari, maishiy texnika, oziq-ovqat mahsulotlari va boshqa xalq iste'moli mollarini ishlab chiqaradi.

NKMK innovasion siyosati amaldagi ishlab chiqarish bazasini yangilash, texnik qayta jihozlash, ilg'or ilmiy ishlanmalarni joriy etishga yo'naltirilgan.

Yirik tarmoq ilmiy-tadqiqot va akademik institutlari bilan mustahkam aloqalar yo'lga
qo'yilgan.
Tarmoqlararo kooperasiya (birlashmalar) jadal rivojlanmoqda.