• Yaratildi: 15.11.2021
• Yangilandi: 15.11.2021
• O'qildi: 495

Kasbim, oilam – mening faxrim!

Yangilanayotgan va yosharayotgan O‘zbekistonning muhim tayanchi bo‘lmish yoshlarimiz va xotin-qizlarimizda ijobiy motivatsiya uyg‘otish, ertangi kunga ishonch, yashashga ishtiyoq va yurtga muhabbatni shakllantirish maqsadida, “Farhod” madaniyat saroyining “NKMK tarixi muzeyi” majlislar zalida “Kasbim, oilam – mening faxrim!” mavzusida “1-GMZ” kon boshqarmasi faol xotin-qizlari ishtirokida maʼnaviy-maʼrifiy tadbir o‘tkazildi. 

Tadbirda Jamoatchilik aloqlari bo‘yicha direktor X.Raupov, viloyat xotin-qizlar jamoatchilik Kengashi aʼzosi, shahar Kengashi deputati L.Haydarova, “1-GMZ” kon boshqarmasi xotin-qizlar boshlang‘ich tashkiloti raisi D.Bahronova, Navoiy mashinasozlik zavodi kran mashinisti, “Mehnat shuhrati” ordeni sohibi Dildora Tilabovalar chiqish qilib, mavzuga doir o‘z fikr-mulohazalarini bildirdilar.

Tadbirda malakali psixolog D.Sharopova tomonidan psixologik trening,  turli savol-javoblar viktorinasi o‘tkazildi, g‘oliblar diplom va qimmatbaho sovg‘alar bilan taqdirlandi, shuningdek, videoroliklar namoyish etildi.  

“Farhod” madaniyat saroyining ijodiy jamoasi tomonidan taqdim etilgan qo‘shiqlar tadbirga yana-da bayramona kayfiyat baxsh etdi.

NKMK Oila va xotin-qizlarni

qo‘llab-quvvatlash Kengashi.