• Yaratildi: 30.11.2021
• Yangilandi: 30.11.2021
• O'qildi: 1239

Sog‘lom ayol – buyuk kelajak

O‘zbekiston Respublikasi Prezidentining 2020-yil 30-oktabrdagi “Sog‘lom turmush tarzini keng tatbiq etish va ommaviy sportni yana-da rivojlantirish chora-tadbirlari to‘g‘risida”gi Farmoni ijrosi doirasida joriy yilning 27-noyabr kuni “NKMK jamg‘armasi” davlat muassasasi “Navoiy” xududiy boshqarmasining “So‘g‘diyona” jismoniy tarbiya va sport majmuasida “Sog‘lom ayol – buyuk kelajak” g‘oyasi bilan Navoiy kon-metallurgiya kombinati hamda “NKMK jamg‘armasi” DM bo‘linmalarida mehnat qiladigan ayol ishchi-xodimlari o‘rtasida gimnastrada (gimnastika barcha uchun) sport musobaqasi o‘tkazildi.

Ushbu musobaqada Navoiy, Uchquduq, Zarafshon, Zafaroboddan 4 ta jamoa ishtirok etdi.

1-o‘rin Navoiy, 2-o‘rin Zafarobod va 3-o‘rinni Uchquduq shahri mehnat jamoalari xotin-qizlari egalladi.

Musobaqa g‘oliblariga diplom va qimmatbaho sovg‘alar topshirildi.

Tadbir so‘ngida ishtirokchilarga bayram dasturxoni tashkil etildi va “Farhod” madaniyat saroyining ijodiy jamoasi tomonidan taqdim etilgan qo‘shiqlar barchaga bayramona kayfiyat baxsh etdi.

                                                                                                              NKMK Oila va xotin-qizlarni qo‘llab-quvvatlash Kengashi.