• Yaratildi: 05.01.2022
• Yangilandi: 05.01.2022
• O'qildi: 2498

NKMKda transformatsiya jarayoni davom etmoqda

Maʼlumki, so‘nggi uch yilda Navoiy kon-metallurgiya kombinatini transformatsiya qilish bo‘yicha tizimli ishlar olib borildi. Bunda O‘zbekiston Respublikasi Prezidentining 2020-yil 6-martdagi “Navoiy kon-metallurgiya kombinati” davlat korxonasini isloh qilish chora-tadbirlari to‘g‘risida”gi qarori, O‘zbekiston Respublikasi Vazirlar Mahkamasining 2021-yil 30-martdagi “Navoiyuran” davlat korxonasi, “Navoiy kon-metallurgiya kombinati” aksiyadorlik jamiyati va “Navoiy kon-metallurgiya kombinati jamg‘armasi” davlat muassasasi faoliyatini tashkil etish to‘g‘risida”gi qarori muhim dasturilamal bo‘ldi.

Kombinatda olib borilgan iqtisodiy islohotlar natijasida 2022-yilning 1-yanvar kunidan boshlab “Navoiy kon-metallurgiya kombinati” davlat korxonasi negizida 3 ta mustaqil korxona – “Navoiy kon-metallurgiya kombinati” aksiyadorlik jamiyati, “Navoiyuran” davlat korxonasi, “Navoiy kon-metallurgiya kombinati jamg‘armasi” davlat muassasasi tashkil qilindi.

 “NKMK” AJ matbuot xizmati.