Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa O' zbekiston yangiliklari Bilim va maʼrifat haftaligi

Bilim va maʼrifat haftaligi

Alisher Navoiy nomidagi Oʻzbekiston Milliy kutubxonasida “INFOLIB UZBEKISTAN – 2019” VIII Milliy axborot-kutubxona haftaligi boshlandi.

 

 
Haftalik ochilishiga bagʻishlangan tadbirda turli vazirlik va idoralar, ijodiy va jamoat tashkilotlari vakillari, axborot-kutubxona tizimi mutasaddilari, talaba-yoshlar, oʻqituvchilar ishtirok etdi.
 
Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi bosh direktori oʻrinbosari Gʻ.Bozorov, Oʻzbekiston Yozuvchilar uyushmasi raisi S.Sayyid, Respublika Maʼnaviyat va maʼrifat markazi rahbari M.Mirzo, YUNESKOning mamlakatimizdagi vakolatxonasi rahbari F.Pashayev, Oʻzbekiston Milliy kutubxonasi direktori U.Teshaboyeva kitobxonlik rivoji yoʻlida koʻrsatilayotgan ulkan eʼtibor yoshlarning maʼnaviyatini yuksaltirishga xizmat qilayotganini taʼkidladi.
 
Darhaqiqat, mamlakatimizda kitobxonlikni rivojlantirishga, mutolaa madaniyatini yuksaltirishga davlat siyosati darajasida eʼtibor qaratilmoqda. Kutubxonalar, axborot-resurs markazlari faoliyatini zamon bilan hamnafas tarzda yoʻlga qoʻyish, ularning kitob zaxirasini boyitish yuzasidan tizimli ishlar olib borilmoqda.
 
Mazkur haftalik ham Prezidentimizning 2017-yil 13-sentyabrdagi “Kitob mahsulotlarini nashr etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targʻib qilish boʻyicha kompleks chora-tadbirlar dasturi toʻgʻrisida“gi, 2019-yil 7-iyundagi “Oʻzbekiston Respublikasi aholisiga axborot-kutubxona xizmati koʻrsatishni yanada takomillashtirish toʻgʻrisida“gi qarorlari ijrosini taʼminlash, shuningdek, davlatimiz rahbarining yoshlar maʼnaviyatini yuksaltirish yuzasidan ilgari surgan beshta muhim tashabbusi ijrosi boʻyicha tashkil etildi.
 
– Kitobning sehri, uning jozibasini hech narsa bilan tenglashtirib boʻlmaydi, – dedi Jizzax shahridagi 19-umumtaʼlim maktabi kutubxonachisi Dildora Toshtemirova. – Prezidentimizning kitob targʻibotini kuchaytirishga oid tashabbuslari bizga yanada koʻproq ilhom bermoqda. Oʻquvchilarning oʻzi mutolaa qilgan kitoblarini qayd etish maqsadida maxsus daftar yuritishi, oʻzaro kitob almashish, ularning qanday adabiyotlarni koʻproq oʻqishiga intilishini kuzatish yuzasidan doimiy ish olib bormoqdamiz. Bunday haftaliklar kutubxona faoliyatiga doir yaxshi tajribalarni oʻzlashtirish imkonini berishi bilan ahamiyatlidir.
 
“INFOLIB UZBEKISTAN – 2019” haftaligi “Kutubxonachilik sohasidagi islohotlar – yangi davr kutubxonasi“, “Maktab oʻquvchisining axborot madaniyati“ mavzularidagi anjumanlar, yangi kitoblar taqdimoti va boshqa maʼrifiy tadbirlar bilan davom etmoqda.
 
Manba: gov.uz

Ta'sis etuvchi - NKMK mehnat jamoasi

Gazeta materiallarini to’la yoki qisman qaytadan bosish tahririyatning yozma ruxsati bilan amalga oshiriladi. Tahririyatga kelgan qo’l yozmalar taqriz qilinmaydi va muallifga qaytarilmaydi. Gazeta NKMK bo’linmalari orasida tarqatiladi. 

Gazeta Navoiy viloyat matbuot va axborot boshqarmasida 2006 yil 21 dekabrda 07-025 raqam bilan ro’yxatga olingan.
MUHARRIR

Sadriddinov Nizomiddin Xayriddinovich 

- matbuot markazi boshlig’i.
TAHRIRIYAT MANZILI : 210100, Navoiy shahri, Navoiy ko’chasi 27, NKMK boshqarmasi. 
TELEFONLAR: : 77-464 (muharrir), 77-363 (texn. muharrir), 77-366, 77-464 (matbuot markazi), 77-566 (faks).

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa O' zbekiston yangiliklari Bilim va maʼrifat haftaligi