Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa O' zbekiston yangiliklari Токиода Алишер Навоийнинг шеърлари жаранглади

Токиода Алишер Навоийнинг шеърлари жаранглади

Ўзбекистоннинг Япониядаги элчихонаси томонидан буюк шоир ва давлат арбоби Алишер Навоий таваллудининг 577 йиллигига бағишланган тантанали тадбир ташкил этилди. 

Тадбирда Сок университети, Токио санъат университети раҳбарлари, профессор-ўқитувчилари ва талабалари, "Япония-Ўзбекистон" дўстлик уюшмаси аъзолари ҳамда Япония ижтимоий-сиёсий доиралари ва оммавий ахборот воситаларининг вакиллари иштирок этди. 

Тадбирда Япония олий таълим муассасалари профессорлари мумтоз адабиётимизнинг атоқли намоёндасининг ижодидан парчалар ўқиди. Токиодаги Сока университетининг бош майдонида ўрнатилган Навоий ҳайкали пойига гул қўйилди. 

Тадбирда таъкидланганидек, улуғ шоирнинг ижодий мероси ўзбек халқининг жаҳон маданияти ва тамаддуни хазинасига улкан ҳиссаси бўлиб қўшилди. Иштирокчилар Кунчиқар мамлакатда Алишер Навоий ҳайкалининг ўрнатилиши Буюк ипак йўли давридан буён анъанавий ўзаро боғлиқ халқларимиз ўртасидаги маданий мулоқотнинг ёрқин рамзидир. 

Сўзга чиққанлар Японияда буюк мутафаккирнинг ижодига қизиқиш ниҳоятда катта эканини қайд этиб, унинг асарлари япон тилига таржима қилинганини алоҳида таъкидладилар. Шунингдек, нафақат Ўзбекистон, балки бутун инсониятнинг бебаҳо бойлиги бўлган Навоий ижодини ўрганиш Сока университетининг ўқув дастурига киритилган.

Сока университети ректори Йошихиса Баба Алишер Навоий бутун инсоният тарихида ўчмас из қолдирган буюк инсон, унинг асарлари эса жаҳон тафаккур хазинасининг ноёб дурдонаси эканини таъкидлади. Япония олимлари шоир ижодини катта қизиқиш билан ўрганмоқда. Буюк шоир хотирасига атаб Сока университетида ўрнатилган ҳайкал Япония ва Ўзбекистон ўртасидаги дўстлик ва маънавий ҳамкорлик рамзидир. 

Й.Баба Алишер Навоий ҳайкали пойида шоирнинг япон тилида битилган, бугун ҳам ўз аҳамиятини йўқотмаган ҳикматли сўзларни ўқиб берди: 

«Олам аҳли, билингизким, иш эмас душманлиғ, 

Ёр ўлинг бир-биригизгаким, эрур ёрлиғ иш».

 Сока университети профессори, таниқли навоийшунос олим Мицуру Кояма Алишер Навоий асарлари бугунги кунда бутун дунёда, шу жумладан Японияда ҳам катта қизиқиш билан мутолаа қилинаётгани, буюк шоирнинг асарлари кўпгина тилларга ўгирилгани бундан далолат бераётганини таъкидлади.

 

Манба: gov.uz

 

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa O' zbekiston yangiliklari Токиода Алишер Навоийнинг шеърлари жаранглади