Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Matbuot HUQUQIY MADANIYATNI OSHIRISH – DAVR TALABI

HUQUQIY MADANIYATNI OSHIRISH – DAVR TALABI

Mamlakatimizda keyingi yillarda amalga oshirilayotgan keng ko‘lamli islohotlar natijasida xalqimizning turmush tarzi, dunyoqarashi va ong-shuurida ijobiy o‘zgarishlar sodir bo‘layapti, ko‘nglida jamiyat taraqqiyoti uchun daxldorlik hissi oshayapti. Shiddatli islohotlar jarayonida jamiyatda huquqiy madaniyatni shakllantirish, har bir inson, u rahbar yoki oddiy kishi bo‘ladimi, Konstitutsiya va qonunlarni, boshqalarning huquq va erkinliklari, sha’ni va qadr-qimmatini hurmat qilishi kundalik qoida va odatga aylanishiga erishish muhim sanaladi.

Negaki, qonunlar ishlagandagina, ular yaxshi samara beradi. Qonunlar esa ularga rioya etilsa, rioya etilishi talab qilinsagina ishlaydi. Buning uchun hamma huquqshunos bo‘lishi shart emas. Bugun jamiyatimizda har bir fuqaro, avvalo, o‘z sohasidagi qonunlarga rioya etsin, qonunni chetlab o‘tish degan fikrni xayolidan umuman chiqarib tashlasin, degan g‘oya ilgari surilayapti. Negaki, davr har bir fuqaro faqat javobgarlikdan qo‘rqib emas, balki ta’qiqlangan yo‘ldan yurish yomonligini tushunib, o‘sha yo‘ldan yurmasligini, qoidalar ularning foydasiga ishlashini anglab, ularni hurmat qilish talabini qo‘ymoqda. Qonunlarni hurmat qilish bu huquqiy madaniyatdir. Zero, aynan huquqiy madaniyatli fuqarolar – islohotlarning oddiy kuzatuvchisi emas, balki bevosita hayotga tatbiq etuvchisi, ijrochisi, kerak bo‘lsa, tashabbuskori bo‘lishi shart. Bu borada boshqacha yo‘l yo‘q va bo‘lishi ham mumkin emas. Har bir fuqaro qonunlar kelajagi uchun foydali ekanini anglasagina, jamiyat madaniy rivojlanish pillapoyalaridan ko‘tarilaveradi. Hozirgi kunda mamlakatimizda fuqarolarning huquqiy ongi va madaniyatini yuksaltirishga katta e’tibor qaratilayotganligining sabablaridan biri ham shudir.

Huquqiy madaniyati yuksak insonlar qonunlarga itoatkor bo‘ladi, hamisha unga bo‘ysunadi, qonun va tartiblarga nisbatan doim hurmat bilan qaraydi. Muhimi, boshqalarni ham shunga da’vat etadi. Ijtimoiy-siyosiy faol fuqarolar jamiyatda ro‘y berayotgan voqea-hodisalarga ongli munosabatda bo‘lib, fuqarolik mas’uliyatini chuqur his qilib yashaydi. Sababi, qayerdaki shaxsiy manfaat jamiyat va davlat manfaatidan ustun qo‘yilar ekan, o‘sha yerda jiddiy muammo, ya’ni korrupsiya, ta’magirlik va boshqa illatlar paydo bo‘ladi. Bu ikki manfaat o‘rtasidagi muvozanatni saqlash nihoyatda muhim. Buning uchun, avvalo keng jamoatchilik orasida mazkur muvozanatni saqlash bo‘yicha tizimli targ‘ibot va tashviqot tadbirlarini olib borish bugungi kunning talabidir.

Kombinatning Uy-joy kommunal boshqarmasi, Tibbiy-sanitariya bo‘limi, Markaziy moddiy-texnika bazasi, Geologiya qidiruv ekspeditsiyasi va 3-avtokorxonada joriy yilning fevral oyida “Yuksak huquqiy madaniyat – mamlakat taraqqiyoti kafolati” mavzusida profilaktik tadbirlar o‘tkazildi. Juda muhim mavzudagi bunday tadbirlar kombinat Jismoniy va yuridik shaxslar murojaatlari bilan ishlashni muvofiqlashtirish va nazorat qilish bo‘limi, Ma’naviyat va ma’rifat markazi, Yoshlar ittifoqi yetakchilar Kengashi, Ichki ishlar vazirligining 2-sonli IIB xodimlari bilan hamkorlikda tashkil etildi.

Muloqotlarda ishchi-xodimlar ongida “Jamiyatda qonunlarga hurmat ruhini qaror toptirish demokratik huquqiy davlat qurishning garovidir!” degan hayotiy g‘oyani mustahkamlash, ularga mamlakatimizda amalga oshirilayotgan ijtimoiy-iqtisodiy islohotlar, qabul qilinayotgan qonun hujjatlari va davlat dasturlarining mazmun-mohiyatini yetkazish bilan bir qatorda Prezidentimiz tomonidan 2019 yil 17 yanvarda imzolangan “Aholi muammolari bilan ishlash tizimini yanada takomillashtirish chora-tadbirlari to‘g‘risida”gi Farmon va undan kelib chiqadigan vazifalarga qaratildi. Shuningdek, murojaat madaniyatini shakllantirish, “Korrupsiyaga qarshi kurashish to‘g‘risida”gi qonunni hayotga tadbiq etish, korrupsiyaga va jinoyatchilikka qarshi murosasiz kurashish va huquqbuzarliklarning oldini olish, ularning oqibatlarini, ularga imkon beruvchi sabab va shart-sharoitlarni bartaraf etishga doir chora-tadbirlar samaradorligini yanada oshirish zarurligi ta’kidlandi.

Xolmamat RAUPOV,

Ma’naviy-ma’rifiy ishlar bo‘yicha yetakchi muhandis.

 

Ta'sis etuvchi - NKMK mehnat jamoasi

Gazeta materiallarini to’la yoki qisman qaytadan bosish tahririyatning yozma ruxsati bilan amalga oshiriladi. Tahririyatga kelgan qo’l yozmalar taqriz qilinmaydi va muallifga qaytarilmaydi. Gazeta NKMK bo’linmalari orasida tarqatiladi. 

Gazeta Navoiy viloyat matbuot va axborot boshqarmasida 2006 yil 21 dekabrda 07-025 raqam bilan ro’yxatga olingan.
MUHARRIR

Sadriddinov Nizomiddin Xayriddinovich 

- matbuot markazi boshlig’i.
TAHRIRIYAT MANZILI : 210100, Navoiy shahri, Navoiy ko’chasi 27, NKMK boshqarmasi. 
TELEFONLAR: : 77-464 (muharrir), 77-363 (texn. muharrir), 77-366, 77-464 (matbuot markazi), 77-566 (faks).

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Matbuot HUQUQIY MADANIYATNI OSHIRISH – DAVR TALABI