Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Matbuot NAVRO‘Z TANTANALARI BARCHAGA QUVONCH ULASHDI

NAVRO‘Z TANTANALARI BARCHAGA QUVONCH ULASHDI

O‘lkamizga qutlug‘ poyqadam bilan go‘zal bahor keldi. Fasllar kelinchagi o‘zining betakror jozibasi bilan butun olamni yashnatib, yashartirib yubordi. Ko‘klam tashrifi va bahoriy bayramlar shukuhidan dillar zavqga to‘ldi.

Navoiy kon-metallurgiya kombinati tomonidan sharqona yangi yil munosabati bilan tashkil etilgan rang-barang va sayl ko‘rinishdagi tadbir ko‘p ming kishilik mehnat jamoasi va xalqimizga yanada ko‘tarinki kayfiyat ulashdi.

Darhaqiqat, muborak 21 mart kuni kombinat tashabbusi bilan Navro‘z – umumxalq bayrami tadbiri erta tongdan karnay-surnay va musiqa sadolari ostida barchani “Farhod” madaniyat saroyi atrofidagi ko‘rkam istirohat bog‘i maydoniga chorladi. Va mo‘’jizakor maydon erta tongdan tadbir dovrug‘ini eshitgan navoiyliklar bilan to‘ldi.    

Ayniqsa, kombinat va uning bo‘linmalari tomonidan tashkil etilgan rang-barang an’anaviy ko‘rgazmalar namoyishi, ayyom taomlari bezangan dasturxonlar, turli tanlovlar, sport musobaqalari, milliy san’at va hunarmandchilikning betakror namunalari, badiiy jamoalar va folklor-etnografik jamoalari chiqishlari, xalq o‘yinlari barcha ishtirokchilar, turli millat va elat vakillari, mehmonlarga bayramona zavq bag‘ishladi...

-  Taqdir taqoza bilan 7 nafar farzandim respublikamizning beshta viloyatida yashaydi. Har yili o‘g‘il-qizlarim yashayotgan viloyatlarning Navro‘z tadbirlariga qatnashaman. Kombinat tadbirlarida ilk bor ishtirok etishim. Bu nufuzli korxona va uning taraqqiyoti haqida ko‘p eshitganman, lekin tadbirlari ham undan qolishmas ekan. Menda juda katta taassurot qoldirdi. Bu sayldagi ishtirokchilar chehrasidagi quvonch tinchlik-xotirjamlik, to‘kin-sochinlik, ahil-inoqchilikdan nishona. Ilohim, bu ulug‘ ne’matlarimizga ko‘z tegmasin!, - deydi mamnuniyat bilan jizzaxlik Jongul momo O‘sarova.

Albatta, bunday shukronalik barcha yurtdoshlarimiz dil izhorlarida ham o‘z ifodasini topdi.   

 

YARIM TONNALIK OT DILLARNI ETDI SHOD

Navoiy mashinasozlik zavodi jamoasi tomonidan tayyorlangan va tadbir bosh maydoniga o‘rnatilgan yarim tonnalik ot timsoli barchani hayratga soldi. Va bu saylning eng noyob ko‘rgazmasi sifatida yoshu keksani o‘ziga jalb etdi.

Ushbu mo‘’jizaviy kashfiyot nafaqat bolajonlarimiz uchun, balki barcha ishtirokchilar uchun ham haqiqiy munosib bayram sovg‘asi bo‘ldi.

 

SEHRGAR MOMO YARIM KUN HAVODA MUALLAQ TURDI

Tadbirning yana bir mo‘’jizakor ixtirosi, ya’ni, barcha hayratga solgan jonli ko‘rgazma bu – 1-Gidrometallurgiya zavodi tomonidan tayyorlangan “Sehrgar momo” timsolidagi ko‘rinish bo‘ldi.

Butun ixlosmandlar nigohida bo‘lgan sehrgar momoning havoda muallaq turishi va harakatlari dillarga quvonch ulashdi...

 

NAVOIY MASHINASOZLIK ZAVODI – G‘OLIB

Har yili kombinat boshqarmasi va uning bo‘linmalari tomonidan turli-tuman shartlar asosida tashkil etilib kelinayotgan an’anaviy tanlovga bu yil o‘ziga xos tarzda tayyorgarlik ko‘rilgani ular tomonidan namoyish etilgan ko‘rgazmalarda yana bir bor o‘z tasdig‘ini topdi.

Jumladan, ushbu tanlovda kombinatning bo‘lim va bo‘linmalari o‘z ko‘rgazmalari bilan ishtirok etishdi.

Ularning bu tayyorgarligi Hakamlar hay’ati tomonidan munosib baholandi.

Yakuniy natijalarga ko‘ra, yirik korxonalar o‘rtasida Navoiy mashinasozlik zavodi faxrli birinchi, Uy-joy kommunal boshqarmasi jamoasi faxrli ikkinchi, “1-GMZ” kon boshqarmasi jamoasi faxrli uchinchi, shuningdek, kichik tashkilotlar o‘rtasida Navoiy kon-metallurgiya kombinati boshqarmasi faxrli birinchi va Ishlab chiqarishni avtomatlashtirish boshqarmasi faxrli ikkinchi o‘rinni qo‘lga kiritdi.

Tanlov g‘olib va sovrindorlari maxsus diplom va qimmatbaho sovg‘alar bilan taqdirlandilar.

 

NAVOIY OSMONIDAGI MO‘’JIZA

“Sug‘diyona” o‘yingohining yam-yashil maydoni varrak sayli ishtiyoqmandlariga to‘ldi.

Bu manzilga kelgan ota-onalar, mehmonlar, maktab o‘quvchilari, yoshlar, bolajonlar, qo‘yinki, barcha-barcha o‘ziga xos bayram shousidan cheksiz bahramand bo‘ldilar.

Ayniqsa, Navoiy shahri osmonini bezagan va hammani hayratga solgan rang-barang varraklar tadbir ishtirokchilari nigohini quvnatib, ular quvonchiga quvonch qo‘shdi.

Tanlov ko‘rinishida qo‘r olgan bu namoyishlarda 40 nafarga yaqin kombinat ishchi-xizmatchilari farzandlari ishtirok etib, keskin kechgan bellashuvlarda ular orasidan yangidan-yangi g‘oliblar kashf etildi.

Jumladan, Adiz Abdurahmonov ushbu bellashuvning mutloq g‘olibi, deb topilib, maxsus diplom va planshet, shuningdek, yana bir tadbir sovrindori Asilbek Yunusov yuksak namoyishi uchun maxsus diplom va televizor bilan taqdirlandi.

Tadbir ishtirokchilari uchun qiziqarli aviashou ham namoyish etildi.

NKMK matbuot markazi.

Ta'sis etuvchi - NKMK mehnat jamoasi

Gazeta materiallarini to’la yoki qisman qaytadan bosish tahririyatning yozma ruxsati bilan amalga oshiriladi. Tahririyatga kelgan qo’l yozmalar taqriz qilinmaydi va muallifga qaytarilmaydi. Gazeta NKMK bo’linmalari orasida tarqatiladi. 

Gazeta Navoiy viloyat matbuot va axborot boshqarmasida 2006 yil 21 dekabrda 07-025 raqam bilan ro’yxatga olingan.
MUHARRIR

Sadriddinov Nizomiddin Xayriddinovich 

- matbuot markazi boshlig’i.
TAHRIRIYAT MANZILI : 210100, Navoiy shahri, Navoiy ko’chasi 27, NKMK boshqarmasi. 
TELEFONLAR: : 77-464 (muharrir), 77-363 (texn. muharrir), 77-366, 77-464 (matbuot markazi), 77-566 (faks).

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Matbuot NAVRO‘Z TANTANALARI BARCHAGA QUVONCH ULASHDI