Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Matbuot Ezgulik yo‘lida birlashaylik!

Ezgulik yo‘lida birlashaylik!

8 января

Koronavirus pandemiyasi dunyo mamlakatlari qatorida jonajon O‘zbekistonimizni ham chetlab o‘tmadi. Yurtimizda kasallik bilan bog‘liq holatning aniqlanishi barchamizni xavotirga tushmasdan, yanada ogoh bo‘lish, belgilangan tartib-qoidalarga qat’iy amal qilish, og‘ir damlarda bir-birimizga yelkadosh, mehr-muruvvatli bo‘lishga chorladi. Negaki, xalqimiz qadimdan boshiga tashvish tushgan pallada borini yurtdoshlari bilan baham ko‘radigan, og‘ir paytlarda ulardan mehr-muruvvatini ayamaydigan, hamisha elga suyanch bo‘ladigan saxovatli insonlardir.

Ma’lumki, hamjihatlik, insonparvarlik va saxovatpeshalik – xalqimizga xos ulug‘ qadriyat. Aholi, ayniqsa, yoshlar hayotida ushbu olijanob fazilatlarning o‘rni va ahamiyati beqiyos. Bu bardavom ezgu amallar koronavirus pandemiyasiga qarshi hamkorlikda kurash hamda uning oldini olishda yanada ko‘proq namoyon bo‘layapti.

Kombinat yoshlari yurtimizda kechayotgan sinovli kunlarda xayrli tashabbus bilan chiqishdi. Ijtimoiy tarmoqlar orqali kombinat jamoasiga murojaat qilib, xalqimiz boshiga og‘ir sinov tushib turgan pallada yanada jipslashishga, ixtiyoriy ravishda “O‘zbekiston mehr-shafqat va salomatlik” jamoat fondini moddiy qo‘llab-quvvatlashga chorladi. Bu ezgu taklif kombinat jamoasini befarq qoldirmadi, tashabbus to‘la ma’qullandi.  

- Muhtaram Yurtboshimizning joriy yil 18 martdagi koronavirus bilan bog‘liq vaziyat bo‘yicha xalqimizga murojaati biz yoshlarni hushyorlik va hamjihatlikka da’vat etdi. Albatta, bunday sinovli pallada tashabbuskor bo‘lish muqaddas burchimizdir. Murojaatimizni ko‘pming kishilik jamoamiz yakdil qo‘llab-quvvatlaganidan xursandmiz. Ayni paytda ko‘pming kishilik kombinat ishchi-xodimlarining “O‘zbekiston mehr-shafqat va salomatlik” jamoat fondiga qo‘shgan hissasi 1,5 mlrd so‘mdan oshib ketdi. Bu, shak-shubhasiz, hamkasblarimizning saxovatpeshaligi, eng og‘ir damlarda xalqimizga suyanch va tayanch bo‘lishga tayyor ekanligidan dalolat beradi. Bu xayrli ishning savobi hammamiz uchun kattadir, - deydi NKMK yoshlar yetakchilari Kengashi raisi Sanjar Rajabov.

Navoiy kon-metallurgiya kombinati jamoasi respublikamiz miqyosidagi barcha ijtimoiy harakatlar, xayrli ishlarda faol ishtirok etib kelgan va bundan buyon ham shunday bo‘lib qoladi.

Abdumajid JO‘RAYEV,

NKMK bosh direktorining matbuot kotibi.

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Matbuot Ezgulik yo‘lida birlashaylik!