Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Matbuot Qishloq ahliga beg‘araz yordam

Qishloq ahliga beg‘araz yordam

Navoiy kon-metallurgiya kombinati tomonidan bugungi sinovli kunlarda aholiga yaqindan ko‘mak berishga qaratilgan ko‘plab xayrli ishlar amalga oshirilmoqda. Ayni kunlarda kombinat tashabbusi bilan 50 ta suv chiqarish moslamasini Karmana tumanida yashovchi kam taʼminlangan oilalar xonadonlariga o‘rnatib berish ishlari olib borilmoqda.

23 апреля

23 апреля2

Bahorning ayni kunlari ekin ekish va uni parvarishlash uchun g‘animat damlardir. Astoydil harakat qilinsa, 5-6 sotix tomorqani oilaning qo‘shimcha daromad manbaiga aylantirish mumkin. Ayniqsa, ko‘pchilik qishloq aholisi buni amalda isbotlamoqda. Ular tomorqa madaniyatiga eʼtibor berib, oilasini qishloq xo‘lagi mahsulotlari bilan taʼminlanayapti. Havo harorati tobora isib borayotgan shu kunlarda aholi tomorqalaridagi ekinlar “obi-hayot”ga ehtiyoj sezmoqda. Nihollarni obi-tobida sug‘orish dehqonchilikning muhim talabidir. Buni bilgan aholining ko‘pchiligi allaqachon tomorqalarini sug‘orish imkoniyatini yaratib olishgan. Ammo ular orasida bunday imkoniyatlarga ega bo‘lmagan yurtdoshlarimiz ham yo‘q emas. Bunday ehtiyojni inobatga olgan kombinat maʼmuriyati tomonidan Navoiy mashinasozlik zavodida suv chiqarish moslamasini tayyorlab aholiga yetkazib berishga qaror qilindi. Ayni paytda korxona mutaxassislari suv muammosi dolzarb bo‘lgan mahallalar ahliga ushbu moslamani o‘rnatib berishmoqda.

23 апреля3

23 апреля4

Bunday xayrli ishda Navoiy mashinasozlik zavodi, Uy-joy kommunal boshqarmasi, Geologiya-qidiruv ekspeditsiyasi kabi bo‘linmalarning mutaxassislari ishtirok etishayapti. Jumladan, “Arg‘un” mahalla fuqarolar yig‘inidan Shukur Suvonov, Avaz Neʼmatov, Gulnor Temirova, Qobil Nurullayev, Soyib Zokirov, “Do‘rmon” mahalla fuqarolar yig‘inidan Sherali Islomov, Jasur Turobov va boshqa fuqarolarning xonadonlariga suv chiqarish moslamasi o‘rnatib berildi.  

Abdumajid JO‘RAYEV,

NKMK bosh direktorining matbuot kotibi.

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Matbuot Qishloq ahliga beg‘araz yordam