Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Matbuot NKMK tomonidan Sirdaryo va Buxoro viloyatlariga yordam jo‘natildi

NKMK tomonidan Sirdaryo va Buxoro viloyatlariga yordam jo‘natildi

5 мая

El boshiga ish tushganda yaqindan ko‘makdosh bo‘lish qon-qonimizga singib ketgan. Bu anʼana tabiiy ofatlar oqibatida respublikamizning baʼzi hududlari aholisiga yetkazilgan talofatlarni hamjihatlikda bartaraf etishda yaqqol namoyon bo‘layapti. Bunday xayrli ishlarda Navoiy kon-metallurgiya kombinati ham faol ishtirok etmoqda.

5 мая2

Jumladan, Sirdaryo viloyatidagi “Sardoba” suv ombori to‘g‘onidan suv chiqishi natijasida yuzaga kelgan suv toshqini oqibatlarini bartaraf etishga kombinat birinchilardan bo‘lib yordam qo‘lini cho‘zdi. Zudlik bilan toshqin bo‘lgan suv omboriga kombinatning maxsus va qudratli texnikalari jo‘natildi. Ayni paytda korxonaga tegishli 42 ta avtosamosval, yo‘l qurilishi, yuklash, tushirish va boshqa maxsus texnikalari ofatni bartaraf etish ishlariga to‘la safarbar etilgan. Sirdaryoliklarga ko‘makka otlangan ishchi-xodimlar, muhandis va mutaxassislar uchun kombinat tomonidan barcha shart-sharoitlar yaratib berildi. Yana shuni alohida taʼkidlash kerakki, kombinat jamoasi sirdaryoliklarga moddiy yordam ko‘rsatish borasida boshlangan xayriya tadbirlaridan ham chetda turmadi. Kombinat ishchi-xodimlari tabiiy ofatdan zarar ko‘rgan yurtdoshlarimizga o‘z shaxsiy jamg‘armalaridan 10 million so‘mdan ortiq mablag‘, shuningdek, turli uy-ro‘zg‘or buyumlari, badiiy adabiyotlar va o‘quv qurollari bilan moddiy yordam ko‘rsatishdi.  

5 мая4

5 мая5

Shuningdek, Buxoro viloyatining Olot va Qorako‘l tumanlarida yuz bergan tabiiy ofat natijasida ziyon yetgan ijtimoiy obyektlar va aholi uy-joylarini tiklash ishlariga ham kombinat beg‘araz yordam ko‘rsatishga qaror qildi. Bugun yordamning 3 ming 800 dona shifer, 40 kub metr taxta yog‘och (stropila), 1 tonna mixdan iborat dastlabki qismi, shuningdek, 40 nafar tajribali duradgor va ustalardan iborat guruh ushbu tumanlarga yetkazildi.   

NKMK Matbuot markazi.

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Matbuot NKMK tomonidan Sirdaryo va Buxoro viloyatlariga yordam jo‘natildi