Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Matbuot Axborot-kommunikatsiya texnologiyalari – ishlab chiqarish jarayonlarining ajralmas qismi

Axborot-kommunikatsiya texnologiyalari – ishlab chiqarish jarayonlarining ajralmas qismi

1 июня

Navoiy kon-metallurgiya kombinatida zamonaviy axborot-kommunikatsiya texnologiyalarini joriy etish va ishlab chiqarishni avtomatlashtirishga alohida eʼtibor qaratilmoqda. Bugungi kunda NKMKda kombinat mutaxassislari tomonidan ishlab chiqarish, transport, moliya, kadrlar, moddiy-texnik taʼminot, energiya manbalari, taʼmirlash, buxgalteriya hisobini boshqarish tizimlari ishlab chiqilib, joriy qilindi.

Kombinatning barcha ishlab chiqarish obyektlarida texnologik jarayonlarni boshqarishning avtomatlashtirilgan tizimlari joriy etildi. 2020 yilda mahalliylashtirish dasturi doirasida NKMK Ishlab chiqarishni avtomatlashtirish boshqarmasi tomonidan 2,3 milliard so‘mlikdan ortiqroq mahsulot ishlab chiqarish rejalashtirildi. Importni qisqartirish maqsadida kombinatning mazkur bo‘linmasi mutaxassislari qiymati bir milliard so‘mdan ortiq bo‘lgan tog‘-kon uskunalari uchun yangi turdagi mahsulotlarni ishlab chiqarishni o‘zlashtirishdi.

So‘nggi yillarda kombinatning kompyuter va telekommunikatsiya infratuzilmasi tubdan modernizatsiya qilindi. Xususan, 3,1 mingdan ortiq zamonaviy kompyuter uskunalari xarid qilinib, maʼlumotlarni qayta ishlash va saqlash bo‘yicha zamonaviy markazlar tashkil etildi. Kombinatning telekommunikatsiya tizimida 11 mingga yaqin abonent telefon aloqasiga ulangan.

Koronavirus pandemiyasi tufayli O‘zbekiston Respublikasida karantin eʼlon qilinganligi sababli korxonada davlat organlari va tashkilotlari bilan hujjatlarni almashish faqat elektron shaklda, E-XAT himoyalangan elektron pochtasi orqali amalga oshirilmoqda. Onlayn-yig‘ilishlarni o‘tkazish uchun kombinat rahbariyati va bosh mutaxassislarining xizmat xonalari veb-kameralar bilan jihozlanib, ko‘p tomonlama videokonferensiya tizimiga ulangan.

O‘zbekiston Respublikasi Prezidentining 2020 yil 28 apreldagi “Raqamli iqtisodiyot va elektron hukumatni keng joriy etish chora-tadbirlari to‘g‘risida”gi qarori ijrosini taʼminlash maqsadida 2021 yilning boshiga qadar NKMKda 80 milliard so‘mlik 7 ta loyihani amalga oshirish rejalashtirilgan. Mazkur loyihalar doirasida halqaro moliyaviy hisobot standartlariga muvofiq hisotbotni shakllantirish jarayonini avtomatlashtirish, “Muruntov” koni kon-transport majmuasini boshqarishning avtomatlashtirilgan tizimini joriy qilish, NKMK elektron savdo maydonini yaratish, 2, 5, 7-Gidrometallurgiya zavodlarining tegirmon bloklarida texnologik jarayonlarni boshqarishning avtomatlashtirilgan tizimlarini joriy etish kabi vazifalar bajariladi.

Ushbu loyihalarni amalga oshirish xalqaro standartlarga muvofiq birlashtirilgan hisobotni shakllantirish, xarid jarayonlarining shaffofligi va oshkoraligini taʼminlash, shuningdek, tovarlar, ishlar va xizmatlarga bo‘lgan ehtiyojni o‘z vaqtida taʼminlash imkonini beradi. Loyihalarning joriy qilinishi kon massasini qazib olish va tashish tannarxini pasaytirish, gidrometallurgiya zavodlarining loyiha quvvatiga chiqishini taʼminlash, maʼdanni qayta ishlash jarayonini barqarorlashtirish va energiya resurslaridan foydalanishni optimallashtirishga yordam beradi.

NKMK Matbuot markazi.

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Matbuot Axborot-kommunikatsiya texnologiyalari – ishlab chiqarish jarayonlarining ajralmas qismi