Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Matbuot Bosh direktorning yangi yil tabrigi

Bosh direktorning yangi yil tabrigi

Q.SANAQULOV,
NAVOIY KON-METALLURGIYA KOMBINATI BOSH DIREKTORI,
O'ZBEKISTON QAHRAMONI.

Qadrli do'stlar!
Aziz hamkasblar!

Shu kunlarda har birimiz 2015 yil bilan xayrlashib, ezgu qadamlar bilan kirib kelayotgan 2016 yilni ko'tarinki kayfiyat va yaxshi niyatlar bilan qarshi olmoqdamiz. Ko'pming kishilik kombinat jamoasini qutlug' ayyom - Yangi yil bayrami bilan chin qalbimdan samimiy tabriklayman.
Yakuniga etayotgan yil kombinatimiz uchun nihoyatda omadli kelganini, uning zamirida barcha soha vakillarining ulkan xizmatlari mujassamligini mamnuniyat bilan e'tirof etmoqchiman.
Mamlakatimiz barcha hududlarida bo'lgani kabi, gigant sanoat korxonasi - Navoiy kon-metallurgiya kombinatida ham yurt ravnaqi yo'lida keng ko'lamli yaratuvchanlik va bunyodkorlik ishlari amalga oshirildi.  Jumladan, kombinat tasarrufidagi shaharlar va qo'rg'onlarning qiyofasi tubdan o'zgarib, zamonaviy turar-joy, madaniy-maishiy binolar qurib bitkazildi. Zarafshon shahrida bunyod etilgan Akva park, Zarkent qo'rg'onida foydalanishga topshirilgan turar-joy binolari ishchi-xodimlarimiz, ularning farzandlariga cheksiz quvonch ulashdi.
Ma'lumki, 1997 yildan boshlab, har bir kirib kelayotgan yilga nom berish asosida, xalqimiz hayoti uchun muhim bo'lgan ijtimoiy yo'nalishda ezgu ishlar amalga oshirib kelinmoqda.
Quvonarlisi, ulkan korxonamizda  2015 - "Keksalarni e'zozlash yili"  davlat dasturi doirasida belgilangan tadbirlar bajarildi va bu maqsadlar  uchun 12,5 milliard so'mdan ko'proq mablag' sarflandi.
Davlatimiz  Rahbarining taklifi bilan xalqimiz orzu-intilishlari hisobga olingan holda, 2016 yilga "Sog'lom ona va bola yili", deb nom berilishi mamlakatimizda ona va bola salomatligini ta'minlash, millat genafondini saqlashga qaratilgan navbatdagi g'amxo'rlik namunasidir. Chunki, bu e'tibor zamirida xotin-qizlarimizga, xususan onalarimizga har tomonlama hurmat ko'rsatish, ular salomatligini ta'minlash barchamiz uchun ham farz, ham qarz ekanligi mujassamdir. 
Aziz do'stlar!
Fursatdan foydalanib, barchangizni yana bir bor kirib kelayotgan Yangi - 2016 yil bilan muborakbod etaman.  Sizlarga mustahkam sihat-salomatlik, oilaviy baxtu saodat, Vatanimiz ravnaqi yo'lidagi mas'uliyatli va sharafli faoliyatingizda ulkan muvaffaqiyatlar tilayman.

Yangi yil muborak bo'lsin!

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Matbuot Bosh direktorning yangi yil tabrigi