Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Matbuot YANGI DOVONLAR SARI

YANGI DOVONLAR SARI

Prezidentimiz SH.Mirziyoev tashabbusi bilan 2017-2026 yillarda NKMKda umumiy qiymati 3 milliard 63 million AQSH dollariga teng bo‘lgan 27 ta loyihani amalga oshirish belgilab berilgan edi. «Muruntov» koni ma’danlarini o‘zlashtirishning beshinchi navbatiga o‘tish mazkur loyihalarning eng muhimlaridan biridir. YAqinda Markaziy kon boshqarmasi rahbariyati va mutaxassislari ishtirokida konning 570- gorizontida ilk portlatish ishlari amalga oshirildi. «O‘tgan 50 yil mobaynida «Muruntov» konidan 1.5 milliard kub metrdan ko‘proq tog‘ jinslari qazib olindi. YAngi navbatning o‘zlashtirilishi konda ish unumdorligini ikki baravar oshirish imkonini berishdan tashqari «Muruntov» oltini yana 50 yil O‘zbekiston iqtisodiyotini rivojlantirishga xizmat qilishini kafolatlaydi»-, deydi kon boshlig‘i S.Lunin.

Ayni vaqtda chuqurligi 565 metrga etgan kondan yiliga 38,5 million tonna ma’dan qazib olinayotgan bo‘lsa, 2026 yilda loyiha quvvatiga erishilishi yoki bu ko‘rsatkich 50 million tonnaga etkazilishi ko‘zda tutilmoqda. Kon 5- navbatini boshlab bergan portlatish ishlari natijasida 250 ming kub metr kon massasi hosil qilindi va yuklash jarayoniga tayyorlab qo‘yildi.

Mazkur investitsiya loyihasini amalga oshirish uchun 2026 yilga qadar 1 milliard AQSH dollaridan ortiqroq sarmoya kiritiladi. YAngi xarid qilingan 4ta burg‘ilash uskunasining 2 tasidan ishlab chiqarish jarayonida foydanilmokda. «Muruntov» koni tarixida ilk bor 240 tonna yuk ko‘tarish quvvatiga ega bo‘lgan 6 ta BelAZ avtoag‘darg‘ichlari olindi. Ulardan ikkitasi unum bilan ishlatilayapti. YAqin kunlarda qolgan texnika vositalari ham ishga tushiriladi. Yilning ikkinchi yarmida kovshining hajmi 20 kub metr bo‘lgan ekskavatorlar kelishi kutilmoqda. Bu, yuzdan ortiq yangi ish o‘rinlari yaratiladi, demakdir. Konda ma’dan qazib chiqarish va uni qayta ishlash zavodiga etkazib berish hajmini 30 foizga oshirish va 50 million tonnaga etkazishdek ulkan vazifa prinsipial yangi texnik echimlarni taqozo etadi. Buning uchun 2026 yilga borib ma’danni 2 ta er osti lahm yo‘li orqali er yuzasiga chiqarish yo‘lga qo‘yiladi. Lahmlarga 15 gradus qiyalikda o‘rnatilgan konveyer komplekslari ma’danni er yuzasiga tashish uchun xizmat qiladi. Demak, «Muruntov» konida yangi dovonlarni egallash sari dadil qadam qo‘yildi. Endigi maqsad inson aql-zakovati, zamonaviy texnika vositalarinig ko‘magi bilan Qizilqum bag‘ridagi boyliklarni yanada ko‘proq o‘zlashtirish, xalqimiz farovonligi, yurtimiz dovrug‘ini oshirishdir.

Dilafro‘z BEKNAZAROVA.

 

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Matbuot YANGI DOVONLAR SARI