ROSSIYALIK NASHRIYOTCHILAR NAVOIYDA

“Rossiyalik nashriyotchilar Navoiyda” nomli maqola muallifi “Руда и Металлы” nashriyot uyi bosh direktori, professor Aleksandr Vorob‘ev. Ushbu maqolada ko‘rsatilishicha, 2018 yil 21-23 mart kunlari “Руда и Металлы” nashriyot uyi vakillari “Navoiy kon-metallurgiya kombinati” davlat korxonasi va Navoiy davlat konchilik institutiga tashrif buyurishgan. Ushbu nashriyot uyi tog‘-kon sohasidagi “Горный журнал”, “Цветные металлы”, “Обогащение руд” kabi rossiyaning federal ilmiy-texnik jurnallarini nashr etadi. Tashrif doirasida rossiyalik mehmonlar NKMK bosh direktori, NDKI rektori, professor Q.S.Sanaqulov bilan muzokaralar o‘tkazishgan. Muzokaralar davomida nashriyot uyining turli hil jurnallarida kombinat va institut xodimlarining ilmiy maqolalar sonini ko‘paytirish haqida kelishib olingan. Yaqin orada NKMK 60 yilligiga bag‘ishlangan va o‘zida milliy ilm-fan yutuqlari va ularni ishlab chiqarishga tadbiq qilishning natijalarini aks ettirgan maqolalar to‘plami tayyorlanadi.