Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Matbuot OLIS CHO‘L HUDUDLARI AHOLISI UCHUN MAXSUS TIBBIY AVTOMASHINALAR

OLIS CHO‘L HUDUDLARI AHOLISI UCHUN MAXSUS TIBBIY AVTOMASHINALAR

Bugungi kunda Navoiy viloyatining chekka hududlari infratuzilmasini tubdan o‘zgartirish, aholi farovonligini yuksaltirish, ta’lim, tibbiyot va boshqa sohalarda keng ko‘lamli ishlar amalga oshirilmoqda. Davlatimiz rahbari joriy yilning 2 mart kuni viloyatga tashrifi chog‘ida hududlardagi bunyodkorlik ishlari, olib borilayotgan islohotlar jarayoni, yirik loyihalar bilan tanishish va xalq bilan muloqot qilish jarayonida aniqlangan ustuvor vazifalar ijrosiga alohida e’tibor qaratgan edi. 

Jumladan, Qizilqum sahrosining Tomdi, Uchquduq, Konimex, Nurota va Xatirchi tumanlaridagi olis ovul va qishloqlarida istiqomat qilayotgan aholi tibbiy ehtiyojini qondirish uchun maxsus tibbiy avtomashinalar ajratilishi ko‘zda tutilgan edi.

Yaqinda ushbu avtotrasnport vositalarini tuman tibbiyot birlashmalariga topshirilishi marosimi bo‘lib o‘tdi. Tadbirda viloyat hokimi Q.Tursunov, Navoiy kon-metallurgiya kombinati bosh direktori Q.Sanaqulov va viloyat faollari, tibbiyot sohasi xodimlari ishtirok etdi.

Prezidentimiz topshirig‘i asosida Navoiy kon-metallurgiya kombinati 2,8 millard so‘m mablag‘lari evaziga 15 dona “UAZ” rusumli avtotransport vositalarini tibbiyot muassasalariga yetkazib berdi. Barcha zamonaviy tibbiy jihozlarga ega avtotrasprort vositasi ob-havoning har qanday sharoitida cho‘l yoki tog‘oldi hududlarida erkin harakatlana oladi.

- Biz tomdiliklar muhtaram Prezidentimizning cheksiz g‘amxo‘rliklaridan minnatdormiz, - deydi Tomdi tuman tibbiyot birlashmasi bosh hamshirasi Venera Sibaeva. - Boisi, cho‘l sharoitida olis ovullardagi yurtdoshlarimizga sifatli tibbiy xizmat ko‘rsata olish imkoniyati yaratilganligi biz shifokorlarni behad quvontirdi. Endilikda bepoyon Qizilqum cho‘lida istiqomat qilayotgan tomdiliklar ko‘chma avtotransportdagi barcha qulayliklarga ega tibbiy xizmatdan foydalanadilar.

Xatirchi tumani markazidan 60-70 kilometr uzoqlikda joylashgan Oltinsoy, Langar, Maydonsoy kabi aholi yashash manzillariga yangi transport vositasida tibbiy xizmat ko‘rsatish yo‘lga qo‘yilganligi Prezidentimizning olis qishloqlarda turmush sharoitini yanada yaxshilashga e’tiborining amaliy natijasidir.  

Demak, viloyatning eng olis hududlari aholisiga tibbiy xizmat ko‘rsatish sifati yuksalmoqda. Bu harakatlar “Eng katta maqsadimiz – odamlarni rozi qilish” degan ezgu tamoyilni amalda to‘liq ro‘yobga chiqarishga qaratilgani bilan yanada ahamiyatlidir.

Azamat ZARIPOV.

 

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Matbuot OLIS CHO‘L HUDUDLARI AHOLISI UCHUN MAXSUS TIBBIY AVTOMASHINALAR