Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Matbuot KUCHLILAR ANIQLANDI

KUCHLILAR ANIQLANDI

Navoiy kon-metallurgiya kombinatining Yong‘in xavfsizligi  boshqarmasi xabar qilishicha, yaqinda Navoiy shahridagi “So‘g‘diyona” o‘yingohi va 1-Harbiylashtirilgan yong‘in xavfsizligi qismining sport maydonchasida Zarafshon, Uchquduq va Navoiy shaharlaridagi yong‘in xavfsizligi bo‘limlarining terma jamoalari o‘rtasida yong‘in o‘chirish amaliy sporti bo‘yicha boshqarma birinchiligi bo‘lib o‘tdi. 

Musobaqada 30 nafarga yaqin sportchi xodim ishtirok etdi. Uning shartlariga ko‘ra, ular yong‘in o‘chiruvchilar estafetasi, ishg‘ol qilish narvonida to‘rtinchi qavatga ko‘tarilish va 100 metrga to‘siqlar osha yugurishda o‘zaro bellashdi. 

Yakuniy natijalarga ko‘ra, umumjamoa hisobida 1-o‘rinni Zarafshon YoXB terma jamoasi, 2-o‘rinni Navoiy YoXB terma jamoasi va 3-o‘rinni Uchquduq YoXB terma jamoasi egalladi. Ishg‘ol qilish narvonida to‘rtinchi qavatga ko‘tarilish turida 14,8 soniya vaqt ko‘rsatgichi bilan Zarafshon YoXB vakili – safdor Muhammad Parmonovga teng keladigan sportchi topilmadi. Shuningdek, safdorlar Muhammad Parmonov, Abbos Aslonov, Bobur Ismoilov, G‘ayrat Hotamov, Shuhrat Baxrinov va Hamid To‘xtapo‘latov musobaqaga yaxshi tayyorgarlik ko‘rganliklarini namoyish etib, yuqori ko‘rsatgichlarga erishdi.

Ushbu sportchilar joriy yilning avgust oyida Samarqand viloyatida o‘tkaziladigan respublika miqyosidagi musobaqada ishtirok etadi. G‘olib va sovrindorlarga faxriy yorliq va qimmatbaho sovg‘alar topshirildi.

NKMK matbuot markazi.

 

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Matbuot KUCHLILAR ANIQLANDI