NKMK O'zbekistonda yagona bo'lgan uran qazib olishni va uran chala oksidi -oksidi sifatida tayyor mahsulot eksportini amalga oshiradigan yagona operator hisoblanadi. 20 ta kon va 10 ta istiqbolli maydonlar uran ishlab chiqarishi mineral-xom-ashyo bazasining asosini tashkil qiladi. Uran sanoati amaldagi korxonalarda qazib olishning o'sib borishi va yangi ob'ektlarni ishga tushirish hisobidan jadal rivojlanmoqda.

Kombinatda uran qazib olish oxirgi 15 yil ichida quduqli yer ostida tanlab eritmaga o'tkazish usulida amalga oshiriladi. Bu texnologiya Qizilqum hududidagi qumlik kamqadr rudalar konlarini rentabel ishlashga jalb qilish hisobidan xom-ashyo bazasini o'zgartirish va oshirishga imkon yaratdi. Konlarni ishlash o'ziyurar yuqori unumli burgilash va ortish-transport jihozini qo'llashga asoslangan zamonaviy texnologiyalardan foydalangan holda amalga oshiriladi. Uranning narxi jahon bozorida o'sib borgan sari uni qazib olish hajmlari oshib bormoqda. Mustaqillik yillarida uran korxonalarini texnik qayta jihozlash boshlandi, Kendiktepa va Lavlakan konlarida ikkita yangi tanlab eritmaga o'tkazish koni qurildi va foydalanishga topshirildi, Sugrali va Toxumbet konlarida tanlab eritmaga o'tkazish usulida uranni qazib olish bo'yicha tajriba-sanoat ishlari olib borilmoqda. Yaqinda Shimoliy Konimex, Alenda, Maylisoy konlari foydalanishga topshirildi.

Hozirgi kunda tanlab eritmaga o'tkazish bo'yicha oltita kon ishlab kelmoqda, ishlash uchun to'qqizta kon zahiralari jalb qilingan. Konlardan olinadigan tarkibida uran bo'lgan mahsulot 1-GMZda (Navoiy sh.) qayta ishlanadi, so'ngra u tayyor mahsulot sifatida (uran chala oksidi - oksidi) sotiladi. NKMKda ekologiya va radiasiya xavfsizligi masalalariga katta e'tibor beriladi. Oxirgi yillarda 30624 gektar yer maydoni rekultivasiya qilingan va xalq xo'jaligiga qaytarilgan.

MAGATE, Shvesiya radiasiya himoyasi instituti mutaxassislari va texnik ekspertlari bir necha marotaba kombinat ob'ektlarini borib ko'rdilar. Atom energetikasi bo'yicha Xalqaro agentligi ekspertlarini xulosaisga ko'ra, mutaxassislarimizning muhandislik fikrlari bilan yaratilgan uran texnologiyalarining darajasi o'rtacha jahon darajasidan yuqori, mini-reagent texnologiyaning esa tengi yo'q. Mustaqillik yillarida amaldagi korxonalarni rekonstruksiya qilish va yangilarini qurish tufayli NKMKning barcha bo'linmalari modernizasiya qilingan va vatan hamda horijning zamonaviy geologiya-qidiruv jihozlari bilan ta'minlangan. Ular yangi hisoblash texnikasi, NO'AvaA vositalari, konlarni loyihalashtirish va ularni ishga tushirish bo'yicha kompyuter texnologiyalari, ishlab chiqariladigan mahsulotning sifatini boshqarish usullariga ega.