Kombinatning oltin ma'danli xom-ashyo bazasini 13 ta kon tashkil qiladi - bular O'zbekistonning barcha qidirilgan oltin zahiralarining qariyb 85% tashkil qiladi. Konlarning ko'p qismi ishlanmoqda yoki ularni yaqin kunlarda o'zlashtirish rejalashtirilmoqda. NKMKga respublikada ishlab chiqariladigan barcha oltinning 80% dan ko'progi to'gri kelmoqda.

NKMK jahonda to'liq "oltin" bilan ishlaydigan korxonalardan biri hisoblanadi: yer ostidagi
zahiralarni tekshirishdan ularni ishlab chiqarguncha va ulardan tayyorlangan zargarlik buyumlarini sotguncha bo'lgan davrni o'z ichiga oladi.
NKMK Markaziy kon boshqarmasi kombinat iqtisodiyotida hal qiluvchi ahamiyatga ega (2009 yilda oltin ishlab chiqarish 85,9 %). Oltin zahiralari bo'yicha noyob bo'lgan Muruntov koni Yevroosiyo qit'asida mashhur bo'lgan eng yirik ob'ekt hisoblanadi va 1967 yildan buyon ishlab kelmoqda. Uning rudalari oltin kvarsli turiga kiradi va rudani gravitasiya-sorbsiya sxemasi bo'yicha qayta ishlashda oltin yuqori darajada ajratib olinadi. Ushbu rudalarni qayta ishlash va affinasiyalangan oltinni ishlab chiqarish uchun 1969 yilda 2-Gidrometallurgiya zavodi (2-GMZ) foydalanishga topshirildi.
Zarafshon oltinni ajratib olish kompleksi yangi ilmiy goyalar va texnologiyalarni ishlash uchun ishlab chiqarish bazasi bo'lib xizmat qiladi.

Murakkab avtomobil-konveyer transportidan foydalangan holda kon ishlari siklli-uzluksiz texnologiyaning joriy etilishi Muruntov konini ishlab chiqishda texnik taraqqiyotning asosiy
yo'nalishlaridan biri hisoblanadi. Unga oxirgi yillarda ochish ishlari jinslarini tashish hajmining
70% va olinadigan rudaning tashish hajmlarining 50% to'gri kelmoqda.
Tik qiya konveyer va yangi rudani tushirish punkti qurilishi bo'yicha yirik loyihani amalga oshirish asosiy vazifalardan biridir. Ishga tushirilgandan keyin ushbu konveyer sutkasiga 50 ming tonnagacha unumdorlikka ega bo'lgan holda rudani karerning pastki gorizontidan 270 metr balandlikka ko'tarish imkonini beradi.
Yangilangan va qayta tashkil etilgan oltinni tanlab eritmaga o'tkazish koni ishlab chiqarish aylanmasini oshirib bormoqda. Rudani uzatishni ancha ishonchli oshirish imkonini beradigan ikkinchi maydalash-saralash kompleksi tiklandi va ishga tushirildi. Uning asosiy vazifasi - Muruntov kareri omboridagi tarkibida oltin bo'lgan rudani qayta ishlash. Qimmatbaho metallni ajratib olish tanlab eritmaga o'tkazish usulida bajariladi, bu esa tarkibida oltin kam bo'lgan rudani foydalanishga jalb etish imkonini beradi.
Muruntov koni rudalarini qayta ishlash uchun jahon amaliyotida birinchi marotaba sianli pulpalardan oltinni ajratib olishning sorbsiyali - filtrsiz texnologiyasi sxemasi qo'llanildi, MMS tegirmonlarida ho'llangan holda yarim o'zi maydalagich sxemasidan foydalanildi, qo'shimcha affinasiyalangan kumush va palladiyni olish texnologiyasi ishlab chiqildi va joriy etildi.
Respublikada oltin qazib olish hajmlari to'xtovsiz o'sib bormoqda, bunda ishlab chiqarishga yangi texnologiyalar joriy etilmoqda, oksidlangan rudalar zahiralari chegaralanganligi sababli (qidirilgan zahiralarning 15-20%) kompleksni ishlatish bilan bir vaqtda sulfidli rudalar ni qayta ishlash uchun ilmiy-tadqiqot va loyiha ishlari olib borildi, natijada o'ta maqbul variant sifatida tarkibida sulfid bo'lgan flotasiya konsentrati (BIOX) ning bakterial oksidlanish texnologiyasi tanlandi.

2009 yilda Ko'kpatas koni qattiq sulfidli rudalarni qayta ishlash bo'yicha BIOX kompleksining birinchi navbatini bosqichma-bosqich ishga tushirish amalga oshirildi. Bu esa oltin ishlab chiqarishni ko'paytirish va qo'shimcha ish o'rinlarini yaratish imkonini berdi.

Zarmitan oltin ajratib olish kompleksi Marjonbuloq, Gujumsoy, Oraliq, Charmitan va Samarqand oltin ma'danli hududning Karaqutan konlarida joylashgan.

2006 yilda Zarmitan oltin ruda zonasi kon rudalari kompleksi konlari qurilishi bo'yicha
loyihalar amalga oshirila boshlangan, bu loyihalar yangi qidirib topilgan konlarni ishlashga jalb qilish, chiqib ketayotgan quvvatlarni to'ldirish, amaldagi komplekslarning xizmat muddatini uzaytirish, hududdagi ishlab chiqarish quvvatlarini va infrastrukturani rivojlantirish maqsadida amalga oshirilgan.

2009 yilda London quymalar bozori assosiasiyasi tomonidan o'tkazilgan monitoring
natijalariga ko'ra Muruntov oltini "optimal yetkazib berish" maqomini oldi. O'zbekiston oltin
yombilari tovar belgisi mahsulotning eng oliy sifatini ifoda etgan holda butun jahonda e'tirofga ega.