Markaziy Qizilqumdagi Jeroy-Sardara koni fosforitlarini sanoatlashgan holda o'zlashtirish - NKMKning yirik investisiya loyihalaridan biridir. Kon xom-ashyosi zahiralari 303,6 mln. t. ruda va 57,7 mln. t. fosfor besh oksidi (R205) miqdorida baholanadi.
Qizilqum koni fosforitlarini bosqichma-bosqich o'zlashtirishning boshlanishi - bu 1996 yil qurilgan va foydalanishga topshirilgan QFK ishlab chiqarishining tugallangan davri: rudalarni tanlab qazib olishdan ularni boyitguncha va tayyor mahsulot hisoblanadigan fosforitli konsentratlar va fosforit uni ishlab chiqarguncha. 1997 yil kombinat Tashkura koni birinchi uchastkasida fosforit unini qazib olishga va loyihaviy quvvati yiliga 300 ming tonna bo'lgan boyitilmagan fosforit unini ishlab chiqarish uchun QFK 1 navbatini qurishga kirishildi. U 1998 yil aprel oyida foydalanishga topshirilgan.
Keyingi bosqich - ammofos olish uchun yaroqli bo'lgan kuydirilgan fosforit konsentratini ishlab chiqarishni tashkil etish. Bu vazifa 2001 yilda qisqa muddatlarda va minimal kapital mablaglar hisobiga hal etildi.
Jeroy-Sardara konini sanoatlashgan o'zlashtirishning samarasini yanada oshirish, fosforit
mahsulotining sifatini yaxshilash va uning hajmlarini oshirish uchun 2006 yilda boyitishning chuqur yuvish usullari bilan "quruq" texnologiyaning rasional elementlarini birlashtirgan va birdan "kuydirish"dan yetkazib berish operasiyasi sifatida foydalangan fosforitli rudalarni boyitishning murakkab texnologik sxemasi joriy etildi. Murakkab sxema yiliga 400 ming tonnagacha yuvilgan kuydirilgan va 200 ming tonnagacha yuvilgan quruq konsentrat olish imkonini beradi. Kelajakda kondision fosforit xom-ashyosini 800 ming tonnagacha ko'paytirish rejalashtirilmoqda. QFKda birinchi marta yengil kontrastli fosforit rudalarini qazib olishda yirik rudalarni porsiyali radiometrik saralash joriy etilgan, bu esa mahsulot sifatini oshirish va yer ostidagi xom-ashyoning yo'qolishini kamaytirish imkonini berdi. Qabul qilingan rivojlantirish strategiyasi zamonaviy yuqori samarali innovasion texnologiyalar va sanoat jihozlari asosida ishlab chiqarishni modernizasiya qilish, texnik va texnologik qayta jihozlashni aniq rejalashtirilgan holda bosqichma-bosqich o'tkazish, yangi
sanoat ob'ektlarini qurish va foydalanishga topshirishdan iborat. Qizilqum fosforit konlarini
bosqichma-bosqich kompleks o'zlashtirish dasturini amalga oshirish respublika kimyo korxonalarini o'zining sifatli fosforit xom-ashyosi bilan ta'minlash imkonini beradi.