2002 yilda NKMKda emulsion portlatish moddalarini (EPM) ishlab chiqarish zavodi foydalanishga topshirildi. "Navoiyazot" OAJda ishlab chiqarilgan donador ammiak selitrasi mahsulotning asosiy tarkibiy qismi hisoblanadi. Yetkazib beruvchining yaqinligi va uning chegaralanmagan miqdorda xom-ashyoni yetkazib berish kafolati chetdan qimmat portlatish moddalarini yetkazib berishdan voz kechish imkonini beradi. NKMK bo'linmalarida portlatish ishlari to'liqligacha zamonaviy innovasion texnologiyaga o'tilgan, xavfli kam unumdorli mehnatga barham berilgan, rudani qazib olishda iqtisodiy ko'rsatkichlar ancha yaxshilangan.
Patronli EPMni ishlab chiqarish hajmi oshgan sari korxona nafaqat NKMK bo'linmalarini, balki O'zbekiston Respublikasida portlatish ishlarini olib boradigan yetakchi korxonalarni ham portlatish moddalari bilan ta'minlamoqda. Tayyor mahsulot chet elda ishlab chiqarilayotganlardan qolishmaydi, ham sanoat korxonalari va hamda O'zbekiston xalq xo'jaligi uchun muhm hisoblanadi. Ishlab chiqarishning asosiy noyobligi shundaki, O'zbekiston Respublikasida ishlab chiqariladigan xom-ashyo tarkibiy qismlaridan 92-96% foydalangan holda yuqori sifatli portlatish moddalarini olish imkoniyatini beradi.

Bizning ma'lumot:

Nobelit. Yer yuzasida va yerosti ishlarida (gaz yoki chang va konchilik zarblari bo'yicha xavfli shaxtalardan tashqari) quduqli va shpurli zaryadlar usulida portlatish ishlarini olib borish uchun mo'ljallangan patronli emulsiya portlatish moddasi, quruq va suv sharoitlarida, istalgan qattiqlikdagi jinslar bo'yicha ishlashda.

Nobelan. Oraliq detonatorni sezadigan va quduqlarni qo'lda va mexanik usulda zaryadlashda ochiq ishlarda foydalanish uchun mo'ljallangan emulsion portlatish moddasi.