Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №1 от 11.01.2018 Mardlik, matonat va shijoat namoyishi

Mardlik, matonat va shijoat namoyishi

Mamlakatimizda O‘zbekiston Respublikasi Qurolli Kuchlari tashkil etilganining 26 yilligi va Vatan himoyachilari kuni munosabati bilan «Mening armiyam – mening faxrim» ijodiy ko‘rik-tanlovlari, o‘z yigitlik burchini o‘tayotgan askarlar, ularning ota-onalari hamda yaqinlari ishtirokida «Mening do‘stim – Vatan himoyachisi» deb nomlangan videomuloqotlar hamda «Armiya va yoshlar» festivallari bo‘lib o‘tmoqda.

Navoiy shahrida «Milliy armiyamiz – yoshlarning mardlik, matonat va jasorat maktabidir!» shiori ostida bo‘lib o‘tgan «Armiya va yoshlar» festivalida Navoiy garnizonida joylashgan harbiy qism va muassasalar xizmatchilari, mudofaaga ko‘maklashuvchi «Vatanparvar» tashkiloti maktablari tinglovchilari, viloyatdagi ta’lim muassasalari talaba va o‘quvchi yoshlari, keng jamoatchilik vakillari qatnashdi. Festival harbiy texnikalar, mudofaaga ko‘maklashuvchi «Vatanparvar» tashkilotining sport-transport vositalari va harbiy xizmatchilarning «Yoshlik» sport majmuasi maydoni bo‘ylab safda yurishi namoyishi bilan boshlandi.

– Festival xalqimiz, jumladan, yoshlarning milliy armiyamiz haqidagi tasavvurlarini boyitishga xizmat qilishi bilan yanada ahamiyatli bo‘lmoqda, - deydi O‘zbekiston yoshlar ittifoqi viloyat Kengashi raisi J.Xadjaev. – Navoiylik yoshlar harbiy texnikalar, qurol-yarog‘ va boshqa vositalar bilan tanishib, askar va ofitserlar, kursantlar bilan dildan suhbatlashmoqda. Bu armiya va xalq o‘rtasidagi mushtaraklikni ta’minlash, yosh avlodni Vatanga sodiq, yurt tinchligi va xavfsizligini ta’minlashga qodir mard insonlar bo‘lib shakllanishida muhim tarbiyaviy ahamiyatga ega bo‘lmoqda.

Tadbir doirasida marafon musobaqasi o‘tkazilib, unda turli yoshdagi yigit-qizlar qatnashdi. Festival Navoiy garnizoni ofitserlar uyi jamoasi hamda viloyat san’atkorlarining konsert dasturi bilan yakunlandi.

Shu kunlarda Navoiyda harbiy xizmatchilar uchun bunyod etilgan 4 qavatli 48 xonadonli xizmat uyi foydalanishga topshirildi. Marosimda O‘zbekiston Respublikasi Mudofaa Vazirligi Markaziy harbiy okrug qo‘shinlari qo‘mondoni vazifasini bajaruvchi A.Saidov va boshqalar mamlakatimizda amalga oshirilayotgan ulkan bunyodkorlik ishlari tinchligimiz, xalqimiz birdamligi samarasi ekanini ta’kidladi. Davlatimiz rahbarining 2017 yil 30 martda qabul qilingan «O‘zbekiston Respublikasi Mudofaa vazirligining harbiy xizmatchilari uchun uy-joylar qurish dasturi to‘g‘risida»gi qarori asosida bunyod etilgan yangi uylarda harbiylarning oilasi uchun barcha qulayliklar yaratilgan.

– O‘n etti yildan buyon ijarada yashardik, - deydi uch xonali uyga ko‘chib o‘tgan A. Nuftiev. – Ushbu uy bizning oilamizga Yangi yil shukuhi yana bir qadrli sana – Vatan himoyachilari kuniga ulanib ketadigan qutlug‘ ayyomlarda muxtaram Prezidentimiz, mamlakatimiz Qurolli Kuchlari Oliy bosh qo‘mondonining munosib sovg‘asi bo‘ldi.

A. ZARIPOV.

 

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №1 от 11.01.2018 Mardlik, matonat va shijoat namoyishi