Yoshlarga ibrat bo‘lgulik ishlar

Janubiy kon boshqarmasida yosh avlodni barkamol qilib tarbiyalash, ularning ijodiy va intellektual salohiyatini ro‘yobga chiqarish, sog‘lom turmush tarzini shakllantirish, ommaviy madaniyat va yot g‘oyalar ta’siridan asrash bo‘yicha ma’naviy-ma’rifiy va tarbiyaviy ishlar amalga oshirilmoqda.

Respublika va viloyat telekanallarida namoyish qilinadigan bolalarbop ko‘rsatuvlarni tarbiya¬lanuvchilarga namoyish qilishga imkoniyat yaratish maqsadida kon boshqarmasi ma’muriyati va 2-birlashgan kasaba uyushma qo‘mitasi tomonidan  Nurobod shahridagi 1-sonli maktabgacha tarbiya muassasasiga «SHIVAKI» rusumli televizor sovg‘a qilindi.

Kon boshqarmasining ahil jamoasi bundan besh yil oldin plastmassa quvurlari va mahsulotlari ishlab chiqarish sexi mashinisti N.Dilmanov oilasida dunyoga kelgan 3 nafar egizak – Fotima, Zuhra va Zulayxolarni har bayramda e’tibordan qoldirmay, xabar olib turishadi. Yaqinda qizaloqlarga ajoyib sovg‘a-salomlar xarid qilinib, ular uchun bayram dasturxoni tashkil qilindi.

– Mana shunday tinch-osuda yurtda oilam bag‘rida yashayotganimdan, farzandlarim cheksiz mehr-muhabbat og‘ushida voyaga etayotganidan baxtiyorman. Oilamizga ko‘rsatilayotgan e’tibor, g‘amxo‘rlik uchun cheksiz minnatdorchilik bildiramiz, - deydi sakkiz farzandning onasi, maxsus kiyimlar tikish sexi tikuvchisi Gulzoda Dilmanova.

Janubiy kon boshqarmasi mehnat jamoasi yoshlarga ibrat bo‘lgulik xayrli ishlarni bundan keyin ham davom ettiradi.

SHavkat KENGBOEV.