Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa 09.07.2015 dan №13 nashr KITOBNI BAG‘RIGA BOSGAN BOLAJON, BAXTGA SAFARLARING MUBORAK BO‘LSIN!

KITOBNI BAG‘RIGA BOSGAN BOLAJON, BAXTGA SAFARLARING MUBORAK BO‘LSIN!

 

«Bugungi kunda bizning barcha qilayotgan ishlarimiz farzandlarimizning baxtu saodati, ularning yorug‘ kelajagi uchun amalga oshirilmoqda. Lekin baxtu saodat faqat boylik, molu mulk bilan belgilanmaydi. Odobli, bilimdon va aqlli, mehnatsevar, iymon-e’tiqodli farzand nafaqat ota-onaning, balki butun jamiyatning eng katta boyligidir», - deb yozadi YUrtboshimiz o‘zining «YUksak ma’naviyat – engilmas kuch» asarida.

Darhaqiqat, har tomonlama komil inson tarbiyasi  faqatgina puxta bilim va kuchli tafakkur bilangina amalga oshadi. Bunga erishishning birdan bir, eng to‘g‘ri yo‘li   bolajonlarimizda kitobga mehr-muhabbat uyg‘ota olishdir. Biroq, bu borada avvalo  o‘zimiz farzandlarimizga o‘rnak bo‘lishimiz lozim. Agarda oilada ota-ona qo‘liga kitob olmasa, xonadonda birorta  kitob topilmasa, bunday muhitda voyaga etgan bolaning biror narsaga erishishi amri mahol.

Farida Afro‘z jon kuydirib,

«Ey, nodon,

Bolang aytganingni emas,

Qilganingni qiladi»..., deya nola qilganda ming bora haq edi. Agar o‘zimiz qo‘limizga kitob olmasak, gazeta-jurnal varaqlashni bilmasak, bolalarimizga qanday o‘rnak bo‘lamiz? Qavat-qavat oltin zanjirlar taqib yuradigan xonimlar bolajonlari uchun 4-5 ming so‘mga bittagina badiiy kitob olishga biram og‘rinadilar. Turli-tuman rango-rang «Madonna» idishlar makon topgan  ba’zi bir xonadonlarda birorta kitob topilmasligi yuragimdagi armon, cho‘ng armon... Bu haqda eramizgacha yashab o‘tgan qadimgi Rim notig‘i Sitseron «Kitobsiz uy – jonsiz tanaday gap», degan teran fikrni bildirgan. Vo-darig‘, bu «jonsiz tanada» o‘sib ulg‘ayayotgan bolakay kim bo‘lib voyaga etadi, uning Vatan, ona-yurt,  iymon-e’tiqod, vijdon va muhabbat haqidagi tushunchalari qanday bo‘ladi?

YAponlarning hayot tarziga aylanib qolgan bir ibratli odati bor ekan. Ular har kuni 40 daqiqa vaqtini gazeta va jurnallar o‘qishga ajratar ekanlar. Eng qizig‘i, har bir yapon oilasining quyosh, er, suv, dov-daraxtlar haqida ijod qilgan o‘z she’r va qo‘shiqlari bo‘larkan. Sakura gullagan kun esa davlat bayrami darajasida nishonlanar ekan. SHuningdek, ular o‘zmadhiyasini juda muqaddas deb bilarkanlar.  Ha, yapon xalqining bugungi kunda har sohada erishayotgan mislsiz yutuqlari zaminida ushbu ma’naviy asos yotgan bo‘lsa, ne ajab.

Qaniydi, bizning yurtimizda  ham gazeta va jurnallar  o‘qishga mana shunday e’tibor qaratilsa. Qaniydi, xonadonlarimizda oila davrasida dasturxon atrofida  davlat ramzlarimiz haqida suhbatlar qurilsa.  Bugungi kunda respublikamizda har kuni yuzlab  nomlarda minglab gazeta va jurnallar nashr qilinmoqda. Nashriyotlarimizda millionlab nusxada kitoblar chop etilmoqda. Biz berilgan imkoniyatlardan  o‘z o‘rnida foydalana olsak, har oylik maoshimizdan bolajonlarimiz uchun hech bo‘lmasa bittagina badiiy kitob sotib olib bersak, nur ustiga a’lo nur bo‘ladi.

Ha, o‘z shaxsiy kamoloti yo‘lida izlanib yashaydigan va mutolaaga  vaqt ajrata oladigan insonlarning turmush tarzi qiziqarli va sermazmun bo‘ladi. Mutolaa inson qalbini yoritib, uni yuksakliklarga ko‘taradi va kuchiga-kuch qo‘shadi. Badiiy adabiyotga, she’riyatga oshufta  qalbda g‘ubor bo‘lmaydi, ular hamisha ezgu  orzu-istaklar og‘ushida yurishadi. YAxshi kitoblar aqlni charxlaydi va yurakni yumshatadi. Ma’lumki, respublika va mahalliy matbuot nashrlariga obuna   jarayonlari mehnat jamoalarida biroz qiyinroq kechadi. Ba’zi insonlar katta ziyofatlar uyushtirishga, dabdabali to‘ylar qilishga pullarini ayamay sochadilar-u, biroq bir yillik obuna uchun pul to‘lashga kelganda shunday ham tixirlik qiladilarki, qo‘yaverasiz. Axir gazeta va jurnallar o‘n ikki oy charaqlab, siz va oila a’zolaringiz yuragidagi g‘uborini yozaman, tafakkurini boyitaman, yaxshiliklar ulashaman, deb bel bog‘lab, o‘zi eshik qoqib, kirib borishga tayyor tursa-yu, siz uni bir mehmondorchilikka alishtirmasangiz. Bir yil davomida xonadoningizga qancha-qancha yangi fikr, yangi g‘oyalar bilan birga yangi nafas, ruhiy quvvat kirib kelsa-yu, siz eshigingizni mahkam tambalab olsangiz...

Kim biladi deysiz, aynan shu vaqtli matbuotda zo‘r sportchi yoki ilg‘or tadbirkor haqida bosilgan yaxshi bir maqola, yoki bir surat bolajoningiz qalbida o‘t yoqib,  unda havas uyg‘otib,  hayot yo‘lini o‘zgartirib yuborsa ne ajab... YOki shu gazeta mutolaasi tufayli uning murg‘ak qalbida ezgu his-tuyg‘ular uyg‘onib, unda o‘qishga, o‘rganishga, izlanishga kuchli ishtiyoq paydo bo‘lsa-chi... Bu sizning, mening, butun jamiyatimizning baxti emasmi», - deya qalb ko‘zi so‘qir odamlarga qayta-qayta yalinganim yalingan. Axir, ota-bobolarimiz qadimdan bebaho boylik bo‘lmish ilmu ma’rifat, ta’lim va tarbiyani inson kamoloti va millat ravnaqining eng asosiy sharti va garovi deb bilishgan-ku.

Aziz birodar, qo‘lida kitob tutgan bolakayning hayrat to‘la ko‘zlariga boqqanmisiz? Kitobxon bolajonlar bilan suhbat qursangiz, ruhingiz engillashgandek, go‘yoki tip-tiniq buloqda cho‘milib chiqqandek, butun jismu joningizda  ko‘tarinkilik va bardamlikni his qilasiz. Kitobni do‘st tutgan bolaning qalbida g‘ubori yo‘q, uning ertasi yorug‘, kelajagi nurafshon.

Salima XOLDOROVA.

 

Ta'sis etuvchi - NKMK mehnat jamoasi

Gazeta materiallarini to’la yoki qisman qaytadan bosish tahririyatning yozma ruxsati bilan amalga oshiriladi. Tahririyatga kelgan qo’l yozmalar taqriz qilinmaydi va muallifga qaytarilmaydi. Gazeta NKMK bo’linmalari orasida tarqatiladi. 

Gazeta Navoiy viloyat matbuot va axborot boshqarmasida 2006 yil 21 dekabrda 07-025 raqam bilan ro’yxatga olingan.
MUHARRIR

Sadriddinov Nizomiddin Xayriddinovich 

- matbuot markazi boshlig’i.
TAHRIRIYAT MANZILI : 210100, Navoiy shahri, Navoiy ko’chasi 27, NKMK boshqarmasi. 
TELEFONLAR: : 77-464 (muharrir), 77-363 (texn. muharrir), 77-366, 77-464 (matbuot markazi), 77-566 (faks).

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa 09.07.2015 dan №13 nashr KITOBNI BAG‘RIGA BOSGAN BOLAJON, BAXTGA SAFARLARING MUBORAK BO‘LSIN!