Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №13 от 12.07.2018 KOMBINATNING «MARD O‘G‘LON»I

KOMBINATNING «MARD O‘G‘LON»I

Yaqinda muhtaram Prezidentimiz Shavkat Mirziyoyevning 2018 yil 28 iyunda qabul qilingan “Mard o‘g‘lon” Davlat mukofoti bilan taqdirlash to‘g‘risida”gi qaroriga muvofiq bir guruh iqtidorli, iste’dodli yigitlar fan, ta’lim, tibbiyot, madaniyat, adabiyot, san’at, sport, ishlab chiqarish, harbiy xizmat sohalari va huquqni muhofaza qilish organlaridagi faoliyatida erishgan yutuqlari uchun yuksak mukofotga sazovor bo‘lishdi. 

Ular safida sambo bo‘yicha O‘zbekiston milliy terma jamoasi a’zosi, zarafshonlik polvon  Istam Qudratov ham bor.

Jamiyatimizning ertangi kuni va hal qiluvchi kuchi hisoblangan yoshlarimiz bugun o‘zining bilimi va mahorati bilan katta yutuqlarga erishmoqda. Albatta, bu kabi iqtidor, iste’dod egalari, tashabbuskor yigit-qizlar hukumatimizning doimo e’tiborida. O‘zbekiston Yoshlar ittifoqi mana bir yildirki yurtimiz yoshlarini o‘z atrofida birlashtirib, ularning orzu-intilishlarini, maqsadlarini ro‘yobga chiqarish yo‘lida faoliyat yuritayotgan asosiy tashkilot sifatida shakllandi. Bir-birini takrorlamaydigan loyiha, tanlov, musobaqalar yangidan-yangi iste’dodli yoshlarni kashf etmoqda. Ayniqsa, aynan yoshlar uchun ta’sis etilgan “Kelajak bunyodkori”, “Mard o‘g‘lon” kabi davlat mukofotlari yangi-yangi imkoniyatlarni bermoqda.

- Markaziy kon boshqarmasi yoshlari hayotida esda qolarli voqea bo‘ldi, - deydi  O‘zbekiston Yoshlar ittifoqi Markaziy kon boshqarmasi boshlang‘ich tashkiloti yetakchisi Sao¬dat Boboyorova. - Sababi tengdoshimiz Qudratov Istam Safar o‘g‘li “Mard o‘g‘lon” davlat mukofoti bilan taqdirlandi.

Qudratov Istamjon Markaziy kon boshqarmasining issiq suv ta’minoti va oqova suvlarni tozalash sexi “Zarafshon” maydonchasi qozonxonasida elektrochilangar sifatida faoliyat yuritadi. U kombinat tizimida mehnat qilish bilan birga sportning sambo turi bilan Zarafshon “Alpomish” sport majmuasida 2001 yildan buyon muntazam shug‘ullanib keladi. Ustozi, xalqaro toifadagi sport ustasi Chingiz Taxmazov undagi iste’dodni vaqtida anglab, respublika va xalqaro darajadagi sport musobaqalarga puxta tayyorladi. Bu ishi qisqa fursatda o‘zining samarasini bera boshladi. Qayerga bormasin, o‘zbekistonlik polvon sifatida kurash maydonlarida katta zafarlar quchdi, matonat va irodani namoyish etdi. Istamjon sportning sambo turi bo‘yicha ikki karra jahon, ikki karra Osiyo, besh karra O‘zbekiston chempioni bo‘lish baxtiga muyassar bo‘ldi. Sport bilan muntazam shug‘ullanib kelgan qahramonimiz konchilik sanoatiga qiziqishi bois 2010 yilda Navoiy davlat konchilik institutiga o‘qishga kirdi. Onasi Gulsara Bozorova mahoratli pedagog-o‘qituvchi sifatida farzandida ilm olishga rag‘bat uyg‘otgani hayot yo‘llarida unga yo‘ldosh bo‘ldi. U talaba sifatida kon-metallurgiya sanoatininig sir-asrorlarini yaxshi o‘zlashtirdi, kursdoshlari orasida o‘z bilimi, tirishqoqligi bilan ajralib turdi. 2014 yilda institutning “kon elektromexanikasi” yo‘nalishi mutaxassisligi bo‘yicha tamomlab, Markaziy kon boshqarmasiga ishga kirdi. Otasi Safar Shukurov bir necha yil Markaziy kon boshqarmasining Avtotransport boshqarmasida haydovchi bo‘lib, hamkasblari orasida obro‘-e’tibor qozondi. Hozirda nafaqada bo‘lsada, o‘g‘lining har bir yutug‘ini orziqib kutadi, unga dalda bo‘ladi, doimo qo‘llab-quvvatlaydi.

Hozirda xalqaro toifadagi sport ustasi Istamjon O‘zbekiston milliy terma jamoasi a’zosi sifatida o‘z ustida ishlaydi, izlanadi. U Prezidentimizning yuksak e’tirofiga nafaqat sportda, balki ishlab chiqarish sohasida salmoqli yutuqlar bilan javob beradi.

- Inson yaxshi niyat bilan yashasa, albatta amalga oshar ekan. Men yoshligimdan sportga mehr qo‘ydim, konchi bo‘lishni niyat qildim. Shukrki, orzularimga erishayapman. Buning ortida ota-onamning o‘gitlari, ustozlarimning katta mehnati yotibdi, - deydi Istam Qudratov.

Xullas, bugun yoshlarimiz uchun ilmu hikmat yig‘ishning ayni imkon pallasi. Mamlakatimizda ilm olib, hunar o‘rganib, barkamol shaxs¬lar bo‘lish uchun barcha imkoniyatlar yaratilgan, ana shuning qadriga yetib, fidoyilik ko‘rsatgan e’tibordan chetda qolmaydi.

Azamat ZARIPOV.

 

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №13 от 12.07.2018 KOMBINATNING «MARD O‘G‘LON»I