«Boyligimizga baraka bersin, mamlakat qudrati yuksalaversin…»

Nasiba Shamuratovaning «Boyligimizga baraka bersin, mamlakat qudrati yuksalaversin…» maqolasi O‘zbekiston Qahramoni Anatoliy Nikolaevich Paninga bag‘ishlanadi.

1995 yilda O‘zbekiston Qahramoni yuksak unvoniga sazovor bo‘lib, «Oltin yulduz» medalini ko‘ksiga taqqan ekskavator mashinistlari brigadiri A.N.Paninga yoshlar ko‘pincha «Qanday qilib qahramon bo‘lish mumkin», – degan  savol bilan murojaat qilishadi. Bu savolga uning tarjimai holi va mehnat faoliyati bilan tanishib chiqqan har bir kishi javob topishi mumkin. U 46 yildan buyon Shimoliy kon boshqarmasining «Sharqiy» konida ekskavator mashinisti vazifasida sidqidildan mehnat qilib kelmoqda. Halol mehnatlari uchun III darajali «Mehnat shuhrati» ordeni, «Eng yaxshi ekskavator mashinisti» va «NKMK veterani» unvonlariga sazovor bo‘ldi. A.N.Panin «Shaxtyorlik shuhrati» ko‘krak nishoni to‘la kavaleri sanaladi. U hech qachon oson yo‘l izlamaydi, har doim ishlab chiqarishning eng og‘ir uchastkalarida faoliyat yuritadi.