Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №15 от 09.08.2018 BAYRAM SHUKUHI

BAYRAM SHUKUHI

2017 yil 2 avgustdagi “O‘zbekiston Respublikasi temir yo‘l transporti xodimlari kunini nishonlash to‘g‘risida”gi farmoniga muvofiq, o‘tgan yildan boshlab avgust oyining birinchi yakshanbasi temir yo‘l transporti xodimlarining kasb bayrami sifatida nishonlanadigan bo‘ldi.

Zarafshon shahrida temiryo‘lchilar kuniga bag‘ishlangan tadbir o‘zgacha shukuhda o‘tdi. “Oltin vodiy” madaniyat uyi Markaziy kon boshqarmasi Temir yo‘l transporti boshqarmasi ishchi-xodimlari hamda tadbirga tashrif buyurgan mehmonlar bilan gavjum bo‘ldi. Navoiy kon-metallurgiya kombinati kasaba uyushmalari Kengashi raisi I.Rahmatov soha xodimlarini bayram munosabati bilan muborakbod etdi va jamoaga kasaba uyushmalari tomonidan 15 ta televizorni sovg‘a sifatida topshirdi.

Temir yo‘l transporti boshqarmasi jamoasining mamlakatimiz iqtisodiyotini rivojlantirishdagi xizmatlari maqtovga arzigulikdir. Bayram tantanalarida erishilayotgan yutuqlarga munosib hissa qo‘shayotgan temiryo‘lchilar vakillari – Nasim Odilov 3-darajali “Konchilik shuhrati” nishoni, Saxob Tursunov “NKMK faxriysi” unvoni, Nodirjon Xudoynazarov NKMK Faxriy yorlig‘i hamda Bobir Ashurov, Sherzod Xoliqulov, Husniddin Shodiyev, Jamshid Kanaatov, Mehriddin Safarovlar MKB Faxriy yorliqlari bilan taqdirlandilar. “Oltin vodiy” madaniyat saroyi ijodiy jamoalari tomonidan tayyorlangan konsert yig‘ilganlarga shodiyona kayfiyat ulashdi. Temir yo‘l transporti boshqarmasi yosh ishchi-xodimlaridan tashkil topgan “Lokomotiv” qiziqchilar guruhi yigitlarining chiqishlari ham bayramning esda qolarli lahzalari bo‘ldi.

Kezi kelganda shuni alohida ta’kidlash kerakki, so‘nggi yillarda kombinat rahbariyati sa’y-harakatlari bilan temir yo‘l transporti tizimini tubdan takomillashtirish, temir yo‘llarni rekonstruksiya qilish, moddiy-texnik bazasini mustahkamlash, harakatlanuvchi tarkibni modernizatsiya qilish, sohaga innovatsion loyihalarni joriy etish borasida keng ko‘lamli ishlar amalga oshirilayotgani quvonarli hol, albatta. Boshqarma bo‘linmalarida mahalliylashtirish dasturi ijrosi doirasida bajarilayotgan ishlar ayniqsa, diqqatga sazovordir. 2018 yildan e’tiboran vagonlarni korxonaning o‘zida kapital va joriy ta’mirlash ishlari yo‘lga qo‘yildi. Malakali mutaxassislar, ilg‘or ishchilar, ratsionalizator yoshlardan tashkil topgan mazkur jamoada 1 120 nafar xodim mehnat qilayapti. Korxonada kon massasini 2-gidrometallurgiya zavodiga yetkazib berish yuzasidan joriy yilning olti oylik rejasi 101,4 foizga, qo‘shimcha yuklarni tashish rejasi 128,6 foizga bajarildi. O‘tgan davrda 361 ming 850 nafar kishi o‘z manzillariga yetkazildi. Ish natijalariga daxldor bunday yaxshi ko‘rsatkichlar har bir temiryo‘lchiga faxru iftixor bag‘ishlashi tabiiy. Bu esa soha xodimlarini yanada unumliroq mehnat qilishga ruhlantiradi.

Dildora KARIMOVA.

 

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №15 от 09.08.2018 BAYRAM SHUKUHI