Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №15 от 11.08.2016 Asrlarga tatigulik chorak asr

Asrlarga tatigulik chorak asr

Aziz do‘stlar!
Qadrli hamkasblar!

Serquyosh O‘zbekiston tarixiy voqea arafasida turibdi. Yana sanoqli kunlardan so‘ng O‘zbekiston Respublikasi mustaqilligining shonli 25 yilligini ko‘tarinki ruhda kutib olamiz. SHuni alohida mamnuniyat bilan ta’kidlash kerakki, 1991 yilning 1 sentyabri xalqimizning azaliy orzu – umidlari ro‘yobga chiqqan kun sifatida tarix sahifalarida abadiy bitilib qoladi. Mamlakatimizda davlat mustaqilligi e’lon qilingan ana shu sanada eng aziz, eng ulug‘ bayramimiz keng nishonlanadi.

Yurtimiz shahar va qishloqlarida, mehnat jamoalarida Istiqlol ayyomiga qizg‘in hozirlik ko‘rilmoqda. Qutlug‘ bayram arafasida bunyodkorlik va obodonlashtirish ishlari har qachongidan ham avj olmoqda. Barcha tashkiliy, ma’naviy-targ‘ibot ishlari O‘zbekiston Respublikasi Prezidentining «O‘zbekiston Respublikasi davlat mustaqilligining 25 yillik bayramiga tayyorgarlik ko‘rish va uni o‘tkazish to‘g‘risida»gi qarori asosida «Go‘zal va betakrorimsan, muqaddas Vatanim, jonim senga fido, O‘zbekistonim!» shiori ostida tashkil etilayapti. Fuqarolar, ayniqsa yoshlar faolligida o‘tayotgan bunday tadbirlarda targ‘ibotchilar mamlakatimizda 25 yilda turli sohalarda asrlarga tatigulik ishlar amalga oshirilganligini baralla ta’kidlamoqdalar.

Istiqlol yillarida ijtimoiy hayotimizning turli jabhalarida olamshumul o‘zgarishlar ro‘y berdi va bu jarayon davom etmoqda. Bu, O‘zbekistonda istiqomat qilayotgan har bir fuqaro turmushida, kundalik hayotida to‘la aks etayapti. Xorijiy siyosatchilar va iqtisodchilar ham chuqur tan olayotgan yutuqlar, avvalo, mustaqillik bergan keng imkoniyatlar natijasi, muhtaram Prezidentimiz I.A.Karimovning dono siyosati, el-yurt manfaatini ko‘zlab mamlakatimizda bosqichma-bosqich ro‘yobga chiqarilayotgan iqtisodiy islohotlarning samarasidir. Shu o‘rinda yaqindagina sodir bo‘lgan muhim bir voqeaga e’tiboringizni jalb qilmoqchiman. Braziliyaning Rio-de-Janeyro shahrida ikki haftadan ko‘proq davom etgan va tantanali yopilish marosimi 21 avgust kuni bo‘lib o‘tgan XXXI yozgi Olimpiada o‘yinlarida yurtimiz sportchilari muvaffaqiyatli ishtirok etib, O‘zbekiston 207 ta davlat orasida yigirma birinchi o‘rinni egallaganligi har birimizning qalbimizda cheksiz g‘urur va iftixor tuyg‘ularini uyg‘otmoqda. Yigitlarimiz hech kimdan aslo kam emasliklarini namoyish etib, Olimpiada o‘yinlarining oltin, kumush, bronza medallarini qo‘lga kiritganlarida ularning g‘alabalari sharafiga olis qit’ada bir necha bor davlatimiz bayrog‘i ko‘tarilib, madhiyamiz yangradi. O‘zbekistonning dovrug‘i dunyoga taralayotganining yorqin misoli bo‘lgan bu hol, shubhasiz, mustaqillik sharofatidir.

Mamlakatimiz sanoatining yirik va etakchi korxonalaridan hisoblangan Navoiy kon-metallurgiya kombinati jamoasi o‘zining fidokorona mehnati bilan O‘zbekiston iqtisodiyotini rivojlantirishga ulkan hissa qo‘shib kelmoqda. Ayni paytda qariyb 60 ming nafar kishi hamjihatlikda mehnat qilayotgan kombinatda istiqlol yillarida ishlab chiqarishni kengaytirish, mahsulot hajmini oshirish, yangi texnika va texnologiyalarni qo‘llanish, mehnatkashlarning ish, yashash va dam olish sharoitlarini yaxshilashga qaratilgan keng ko‘lamli ishlar bajarildi. Buning natijasida rudani qayta ishlash, tayyor mahsulot ishlab chiqarish, mahsulotni eksport qilish hajmini, pirovardida mehnatkashlarning daromadlarini muttasil oshirishga erishilmoqda. Mustaqillik yillarida qator ishlab chiqarish va ijtimoiy ob’ektlar foydalanishga topshirilib, yangi ish o‘rinlari yaratilganligi yanada quvonarlidir.

To‘yga to‘yona bilan borish xalqimizning azaliy odati. Har bir mehnat jamoasi singari Navoiy kon-metallurgiya kombinati ishchi-xizmatchilari, muhandis-texnik xodimlari Mustaqillik bayramining chorak asrlik shodiyonalarini yorug‘ yuz bilan qarshi olmoqdalar. Kombinatda asosiy mahsulotlar ishlab chiqarish yuzasidan etti oylik rejalar oshirib bajarildi. O‘tgan davrda 3 milliard 127,7 million so‘mlik xalq iste’moli mollari tayyorlandi. Mahsulot tannarxini arzonlashtirish bo‘yicha belgilangan topshiriq 102,3 foizga ado etildi. Erishilayotgan yutuqlarda barcha bo‘linmalar jamoalarining arzigulik ulushi bo‘layapti.

Mehnat kishilari va ularning farzandlari haqida g‘amxo‘rlik ko‘rsatish kombinat rahbariyatining asosiy vazifalaridan biri bo‘lgan va shunday bo‘lib qoladi. SHu boisdan bayramlar, tarixiy sanalarda turli ob’ektlarni ishga tushirish an’anaga aylangan. Istiqlol ayyomi kunlarida Karmana tumanidagi «Metallurg» profilaktoriysining davolash korpusi,  Nuroboddagi suv bilan davolash profilaktoriysi, Zarkent qo‘rg‘onida esa bolajonlar uchun akvabog‘ foydalanishga topshiriladi. Bo‘linmalarda dam olish, ma’naviy-ma’rifiy, sport tadbirlari bo‘lib o‘tadi. Ishlab chiqarish ilg‘orlari moddiy va ma’naviy rag‘batlantiriladilar.
Kombinatda «2016 – Sog‘lom ona va bola yili» davlat dasturida belgilangan  tadbirlar muvaffaqiyatli ijro etilmoqda. Korxonada mehnat qilayotgan 150 nafar turli kasb egalariga namunaviy loyihalar asosida qishloq joylarida bunyod etilayotgan uy-joylar qurilishi boshlang‘ich badalini to‘lash uchun 6 milliard 85 million so‘m ssuda berildi. Hozirgacha yil davlat dasturi  ijrosini ta’minlash maqsadida 20 milliard 417 million so‘mdan ortiqroq mablag‘ sarflandi. Mehnatkashlarni ijtimoiy himoyalashga yo‘naltirilgan bunday tabirlar izchil davom ettirilaveradi.

Qadrli hamkasblar!

Barchalaringizni tobora yaqinlashib kelayotgan eng aziz, eng ulug‘ bayramimiz – O‘zbekiston mustaqilligining 25 yilligi bilan qizg‘in muborakbod etaman. Sizlarga mustahkam sog‘liq, xonadonlaringizga fayzu baraka tilayman. Ona-yurtimiz yanada gullab-yashnayversin!

Quvondiq SANAQULOV,
Navoiy kon-metallurgiya
kombinati bosh direktori,
O‘zbekiston qahramoni.

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №15 от 11.08.2016 Asrlarga tatigulik chorak asr