Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №16 от 24.08.2017 «Sharqiy» koni – mustaqillik farzandi

«Sharqiy» koni – mustaqillik farzandi

Yurtdoshlarimiz Vatanimiz mus­ta­qilligining 26 yilligini «Fidoying bo‘lgaymiz seni, O‘zbekiston!» shiori ostida shodu xurramlik, ko‘tarinki kayfiyatda kutib olmoqda. Mustaqil O‘zbekiston tarixan qisqa muddatda asrlarga tatigulik yutuq­larga erishdi. Buni birgina kon sanoati sohasida qo‘lga kiritilgan muvaffaqiyatlar misolida ko‘rish mumkin. Asriy barxanlar bag‘rida yastanib yotgan Qizilqum hududida o‘nlab yangi konlar o‘zlashtirildi, rangli metallar  zahirasini aniqlash va ularni qazib olish bo‘yicha dadil qadamlar qo‘yildi.

Shimoliy kon boshqarmasining «SHarqiy» ochiq usulda qazib olish koni mustaqillikning ilk kunlarida tashkil etilgan bo‘lib, bugungi kunda  u qazib olinayotgan ma’danlari bilan res­publikamiz iqtisodiga munosib hissa qo‘shib kelmoqda. 1991 yillarda jami maydonlarni ma’danlar olishga tayyorlash maqsadida burg‘ilash ishlariga 4 ta   burg‘ilash uskunalari, ma’danlarni yuk avtotransportlariga yuklash uchun 4 ta ekskavatorlar jalb etilgan bo‘lsa, 2016 yilga kelib, jami 21 ta burg‘ilash uskunalari va 16 ta zamonaviy ekskavatorlar tinimsiz ishlab turibdi.

Ishlab chikarish unumdorligini oshirish va mahsulot tannarxini kamaytirish maqsadida «Sharqiy» ochiq usulda qazib olish konida ishlab chiqarishga yangi innovatsion g‘oyalar tatbiq etilmoqda. Burg‘ilash maydonlarini portlatish uchun jahon standartlari bo‘yicha «ISKARA» elektr­lanmagan xavfsiz portlatish vositalaridan foydalanilmokda. «SKANIA» rusumli portlovchi moddalar qorishmasini burg‘ilangan quduqlarga joylashtiruvchi avtomashinalar joriy qilingan bo‘lib, ular kompyuterlar bilan boshqariladi va ulardan quduqlarni zaryadlashda foydalaniladi. Ma’danlarni maydalash va boyitish uchastkasida birlamchi boyitish jarayoni texnologiyasining qo‘llanilishi 3-gid­rometallurgiya zavodining texnologik shartlarini qondiradigan konsentratlar olingan xolda, tarkibida rangli metall miqdori kam  bo‘lgan  ma’danlarni qayta ishlashga jalb kilish imkonini bermokda. SHu tarzda kam tarkibli dastlabki ma’danlarning 60 foizi texnologik jarayonlardan chiqarib tashlanadi.

Bugungi kunda «Sharkiy» ochiq usulda qazish  konida  13 ta uchastkada  1100 nafar ishchi-xizmatchilar ikki smenada mehnat qilmoqdalar. 4-1-tog‘-kon qazish ishlari uchastkasiga yosh va talabchan rahbar Jamshid Fozilov rahbarlik qilmoqda.  Uchastka ishchi-xizmatchilaridan O‘zbekiston Qahramoni A.N.Panin, Jasur Toshev, SHerzod Bobokulovlarning mehnati har qancha e’tirofga sazovor.

Mehnat jamoalarni yangi istiqbollar sari safarbar etib kelayotgan jonkuyar rahbarlar Jamol Ebodullaev, Azamat Xalilov, Ruslan Mustafin, Vohid Mo‘minovlar yoshlarga har jihatdan o‘rnak bo‘lmoqdalar. Berilgan topshiriqlarni sidqidildan bajarib, hamkasblari orasida obro‘-e’tibor qozonib kelayotgan ishchi-xodimlar Maxmud Namozov, To‘lqin Ochilov, Iskandar Qurbonov, Salim Xudoyberdiev, Rasul Shoimov, Baxtiyor­ Nazarov, Jonibek Igisinov, Sanjar Sohibnazarov,  Xusen Rabbimov, Rimma Embergenova, «SHuhrat» medali sohibi Zafarjon Husenovlar ishlab chiqarish samaradorligini oshirish yo‘lida sidqi­dildan mehnat qilmoqdalar.

Xalkimizda «Mehnatdan kelsa boylik turmush bo‘lar chiroylik», degan ajoyib maqol bor. «Sharqiy» ochiq usulda qazib olish koni ishchi xizmatchilari va ularning farzandlari uchun kombinat rahbariyati tomonidan munosib shart-sharoitlar yaratilgan. Ular maxsus kiyim-kechak va davolash profilaktik oziq-ovqat mahsulotlari bilan to‘liq ta’minlanmokdalar. «Sharqiy» ochiq usulda qazib olish koni xududida oshxona tashkil etilgan.  Konga yo‘llanma bilan ishga kelgan yosh mutaxassislar turar-joylar bilan ta’minlanmoqdalar. «Qishloqqurilishbank» loyihasi asosida tashkil qilingan namunaviy turar joylar viloyatning turli hududlaridan ishchi-xizmatchilarimiz xohishiga qarab   ajratilmoqda. SHimoliy kon boshkarmasi tomonidan ishchilarga birlamchi to‘lovlar uchun uzoq muddatli ssudalar berilmoqda.

Oliy o‘quv yurtlari va kasb-hunar kolleji bitiruvchilarini ish bilan ta’minlash, ish davomida ularga tajribali ishchi va xizmatchilarni biriktirib qo‘yish asnosida «Ustoz-shogird» an’analarini davom ettirish yo‘lga qo‘yilgan.

«Sharqiy» ochiq usulda qazib olish konining ahil jamoasi Istiqlol shodiyonalarini munosib mehnat yutuqlari bilan qarshi olmoqda. Konchilik soha­sida erishgan muvaffaqiyatlarimiz bilan O‘zbekiston iqtisodiyotiga hissa qo‘shayotganimizdan mamnunmiz.

N.AMONOV,

SHKB «Sharqiy» ochiq usulda 

qazib olish koni boshlig‘i.

 

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №16 от 24.08.2017 «Sharqiy» koni – mustaqillik farzandi