Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa 27.08.2015 dan №16 nashr Yuksalishning oydin yo‘lidan

Yuksalishning oydin yo‘lidan

Biz, odatda, Istiqlol bayrami arafasida ijtimoiy hayotimizning barcha jabhalarida ro‘y berayotgan mislsiz o‘zgarishlar, ulkan bunyodkorlik ishlari, mustaqillik yillarida foydalanishga topshirilgan korxonalar, ularda faoliyat ko‘rsatayotgan jamoalarning respublikamiz iqtisodiyoti rivojiga qo‘shayotgan hissasi, odamlarga g‘amxo‘rlik, mehnatkashlarga yaratilgan yashash, ish, dam olish sharoitlari haqida ommaviy axborot vositalarida yoritamiz, bu haqda atroflicha mulohaza yuritamiz. Zero, bunday tashviqot mustaqillikdek beqiyos ne’matni avaylab-asrashimiz, ozod va obod yurtimizning buyuk kelajagini yaratish yo‘lida fidokorona mehnat qilishimiz naqadar muhim insoniy burchimiz ekanligini yanada teran anglab etishimizga yordam beradi.


4-gidrometallurgiya zavodi ham mustaqillikning ulkan inshootlari sirasiga kiradi. Bugun Zarmitan sanoat maydoni er osti boyliklarini o‘zlashtirish va hudud ijtimoiy muammolarini hal etishda alohida o‘rin tutgan bu korxonada amalga oshirilayotgan ishlar ko‘lamini ko‘rib dilingiz yayraydi. Eng zamonaviy texnologiya bilan jihozlantirilgan hamda butun hududi ko‘rkam dov-daraxtlar, gulzorlarga aylantirilgan zavodning bundan atigi besh yil muqaddam foydalanishga topshirilganligiga dabdurustdan ishongisi kelmaydi, kishining. Lekin aslida xuddi shunday va bu Navoiy kon-metallurgiya kombinati mutaxassislari, ishchi-xizmatchilarining yuksak salohiyati, hamjihatligi, yagona maqsad sari har qanday murakkab vazifaning  uddasidan chiqa olishining yorqin namunasidir.


Zavod qurilishiga kombinat bosh direktori Q.Sanaqulov bevosita rahbarlik qildi. 4-oltin zavodi bunyod etilgan kunlarda bosh direktorning qurilish maydonida paydo bo‘lishi, quruvchi va montajchilar ishi bilan sidqidildan qiziqib, zarur ko‘rsatmalar berishi odatiy holga kirib qolgandi. Ulkan qurilish maydonida tunu kun qizg‘in davom etgan bunyodkorlik ishida kombinat barcha bo‘linmalari eng tajribali vakillarining ulushi bo‘ldi. Odamlar biror narsadan bo‘lsin nolishmasdi, aksincha ruhlari tetik, tarixiy voqea ishtirokchisi bo‘layotganliklaridan faxrlanishardi. Yaqinda xizmat safari bilan zavodda bo‘lganimda ahil jamoaga birlashgan turli kasb egalarida xuddi shunday kayfiyatni sezdim. Yutuqlar, yuksalishlar sirini kashf etgandek bo‘ldim. Yiliga 1,8 million tonna rudani qayta ishlash quvvatiga ega korxona sohada etarli tajriba to‘plagan «Ingiridmet» va «Intertech baetman»  hamda «O‘zgeorangmetliti» institutlari mutaxassislari hamkorligida loyihalashtirilib, g‘oyatda rekord muddatda – 11 oyda qurib bitkazildi. Mamlakatimiz mustaqilligining 19 yilligi tantanalari nishonlanishi arafasida foydalanishga topshirilgan zavodda avgust oyining oxirida dastlabki mahsulot ishlab chiqarildi. Texnologik jarayonda Hamdo‘stlik davlatlarida o‘xshashi bo‘lmagan eng zamonaviy texnologiya va jihozlar qo‘llanilganligi alohida ta’kidlab o‘tishga munosibdir. Maydalash, yanchilgan rudani saralash Finlyandiya va Germaniyaning jahonga mashhur kompaniyalarida ishlab chiqarilgan maydalagich hamda gidrotsiklonlarning avtomatlashtirilgan tizimida amalga oshirilmoqda. Mayda oltinlarni gravitatsion saralash, tarkibida oltin bo‘lgan eritmani katod oltiniga elektroliz qilish kabi texnologik jarayonlarda Kanada va Avstraliya davlatlari firmalarida tayyorlangan jihozlar qo‘llanilmoqda. Shunisi quvonchliki, bu erda Navoiy mashinasozlik zavodida ishlab chiqarilgan uskuna va jihozlardan ham keng foydalanildi. Kombinat konstruktorlarining taklifi asosida diametri 28 metr bo‘lgan quyuqlashtirgichning qurilishi 700 ming AQSH dollari miqdorida xorijiy valyutani tejash imkonini berdi. Korxona ishlab chiqarish quvvati kengayib bormoqda. Dastlabki uch yilda yirik maydalash bo‘limi, maydalash, quyultirish, sorbsiya bo‘limlarining ikkinchi nav¬batlari ishga tushirildi. 2014 yilda esa barcha texnologik jarayonlar va ishlab chiqarish ko‘rsatkichlarini yagona tizimga birlashtirilgan holda avtomatik boshqaruv tizimi ishlab chiqildi. Mahsulot hajmini oshirish, iqtisodiy samaradorlikka erishishga yo‘naltirilgan tadbirlar doimiy ravishda amalga oshirib kelinmoqda. Maydalash bo‘limi ikkinchi navbati  qurilishida maydalik darajasini yaxshilash uchun ikkinchi daraja toifalarga ajratish uskunalari, sorbsiya bo‘limi ohak, smola haydash nasoslari o‘rniga siqilgan havoda  ishlovchi aeroliftlar joriy etildi. Elektr energiyasi sarfini kamaytirish maqsadida 50 tadan ortiq elektr dvigatellarga chastota sozlagichlar o‘rnatildi, oddiy lampalar  to‘liq diod yoritgichlarga almashtirilmoqda. Mahalliylashtirish dasturini bajarish doirasida yuzdan ortiq ehtiyot qismlarni tayyorlash yo‘lga qo‘yildi.


Zavodda ijtimoiy masalalarni hal etish, mehnatkashlarning turmush tarzini yaxshilash, ularga har tomonlama qulay ish sharoitlarini yaratib berish, ko‘kalamzorlashtirish va obodonlashtirish borasida bajarilayotgan  ishlarga har qanday jamoa havas qilsa arziydi. Korxona ishchi-xizmatchilaridan 15 nafari Zarkent qo‘rg‘onida  O‘zbekiston Respublikasi Konstitutsiyasining yigirma yilligi arafasida foydalanishga topshirilgan ko‘p qavatli turar-joy binosidan uy egalari bo‘lishdi. Korxona atrofidan 7 gektar maydon o‘zlashtirilib bog‘ barpo etildi va tomchilatib sug‘orish tizimi ishga tushirildi. Zavod direktori R.Sidiqovning tashabbusi bilan korxona ma’muriy binosi oldida barpo etilgan favvora, sun’iy sharshara va uning atrofida o‘rnatilgan turli hayvonlarning haykallari maydonga o‘zgacha tarovat bag‘ishlab turibdi.


Ahil  jamoaning ishlab chiqarish sohasidagi yutuqlari yuksalish raqamlarini ifodalab, maqtovga arzigulik bo‘layapti. Rudani qayta ishlash va mahsulot ishlab chiqarish bo‘yicha bugungi ko‘rsatkichlarni korxona foydalanishga topshirilgan dastlabki davrga taqqoslaydigan bo‘lsak, o‘sish sur’atlari mos ravishda 250 va 267 foizni tashkil etayapti. Bu zalvorli raqamlar zamirida zavod ishchi-xizmatchilari va mutaxassislarining ona yurtga mehr-muhabbatlari, kasblariga cheksiz sadoqatlari, zahmatli mehnatlari mujassam. Jamoa mamlakatimiz mustaqilligining shonli 24 yilligi hamda zavod ishga tushirilganligining 5 yilligini munosib mehnat sovg‘alari bilan kutib olmoqda. Joriy yilning etti oyida rudani qayta ishlash rejasi 105,1; mahsulot ishlab chiqarish 104,1 foizdan oshirib bajarilgani shundan dalolat berib turibdi. Korxona shuhratini oshirish yo‘lida fidokorona mehnat qilayotgan ruda tayyorlash uchastkasi boshlig‘i Rabiddin Norqo‘ziev, bosh mexanik Dilshod Otamurodov, bosh energetik Uyg‘un Avazov, ichki maydonlar muhandislik tarmoqlari uchastkasi boshlig‘i Iskandar Toshpo‘latov, yirik maydalash uchastkasi bunkerchisi Aktam Yarbekov, maydalash uchastkasi konsentratorchisi Sherqo‘zi Islomov, sorbsiya bo‘limi apparatchisi Abdurashid G‘afforov, tayyor mahsulot uchastkasi apparatchisi Sayidmurod Namozov, zavod markaziy laboratoriyasi laboranti Inobat Aliqulova, muhandis-energetik Husniddin Sharipov, nazorat o‘lchov asboblari va avtomatika chilangari Farhod Toshmatov, texnik nazorat bo‘limi nazoratchisi Orif Berdiev, asosiy texnologik jihozlarni ta’mirlash uchastkasi ta’mirlovchisi Tolibjon Hasanovlar haqli ravishda jamoaning faxriga aylanishgan. Bunday fidoyi insonlar faoliyat ko‘rsatayotgan korxonaning ertasi yanada porloq ekanligiga shubha yo‘q.


Nizomiddin Sadriddinov.

Учредитель - трудовой коллектив НГМК

Полная или частичная перепечатка материалов из газеты допустима только с письменного разрешения пресс-центра. Редакция знакомится с письмами читателей, не вступая в переписку. Газета распространяется по подразделениям НГМК.

Газета зарегистрирована в Агентстве по печати и информации Навоийского облхокимията 29 июня 2015 года. Регистрационный номер - 07-070, ISSN 2010-5266.

Редакция

Джураев Абдумажид Ирисович
Начальник пресс-центра НГМК - пресс-секретарь генерального директора НГМК..
АДРЕС РЕДАКЦИИ: 210100, г.Навои, улица Навои 27, управление НГМК.
ТЕЛЕФОНЫ: 77-464(редактор), 77-363(техн.редактор), 77-366, 77-464(пресс-центр), 77-566(факс).

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa 27.08.2015 dan №16 nashr Yuksalishning oydin yo‘lidan