Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №16 от 27.08.2018 ZIYOLILAR BILAN UCHRASHUV

ZIYOLILAR BILAN UCHRASHUV

Har yili mustaqillik bayrami yurtimizda o‘z shiori va g‘oyasi ostida katta tantanalar bilan nishonlanadi. Bu yilgi bayram shodiyonalari O‘zbekiston Respublikasi Prezidentining 2018 yil 28 iyundagi “O‘zbekiston Respublikasi davlat mustaqilligining yigirma yetti yillik bayramiga tayyorgarlik ko‘rish va uni o‘tkazish to‘g‘risida”gi qaroriga muvofiq, “Aziz va yagonamsan, jonajon O‘zbekistonim!” shiori ostida o‘tkazilmoqda.

Navoiy viloyatining shahar va tumanlarida ham turli madaniy-ma’rifiy va targ‘ibot-tashviqot tadbirlari, davra suhbatlari va uchrashuvlar yuksak saviyada tashkil etilmoqda. Joriy yilning 10 avgust kuni Navoiy shahridagi “Farhod” madaniyat saroyida ana shunday tadbir bo‘lib o‘tdi. Unda respublika Ma’naviyat va ma’rifat markazi bo‘lim boshlig‘i Azamat Kamolov, Toshkent davlat yuridik universiteti professori Omonullo Muhammadjonov, O‘zbekistonda xizmat ko‘rsatgan artist Madina To‘xtayeva, O‘zbek drama teatri aktyori Kamoliddin Rahimov, taniqli shoir va yozuvchilar Navoiy kon-metallurgiya kombinati ishchi-xodimlari va ularning oila a’zolari bilan uchrashdilar.

Tadbirda poytaxtlik mehmonlar mustaqillikning mazmun-mohiyati va ahamiyati, istiq­lol yillarida xalqimiz erishayotgan ulkan yutuq va marralar, ongu tafakkurimiz, hayotimizda ro‘y berayotgan o‘zgarish va yangilanishlar haqida so‘z yuritishdi. Targ‘ibot guruhi a’zolari milliy ma’naviyatimiz va qadriyatlarimizni asrab-avaylash va yosh avlod ongiga singdirish, jamiyatda ma’naviy-ma’rifiy ishlar samaradorligini oshirish, shuningdek, NKMK ko‘pming kishilik jamoasi viloyatimizda olib borilayotgan ulkan bunyodkorlik ishlariga ulkan hissa qo‘shayotganligi haqida to‘lqinlanib gapirdilar.

– Istiqlol bayrami arafasida joylarda aholi bilan uchrashuvlarda xalqimizning davlat mustaqilligiga erishish tarixi, uning bugungi hayotimizdagi o‘rni, erishilayotgan yutuqlar, aholi farovonligini yuksaltirishga­ qaratilayotgan doimiy e’tiborning jamiyat taraqqiyotidagi ahamiyati va boshqa dolzarb mavzulardagi ma’ruzalar qilinayotgani barchada katta taassurot qoldirayapti. Bunday tadbirlar aholi, ayniqsa, yoshlarni Vatanga muhabbat va milliy qadriyatlarimizga hurmat ruhida tarbiyalashda alohida ahamiyatga ega, – deydi respublika Ma’naviyat va ma’rifat markazi bo‘lim boshlig‘i A.Kamolov.

Tadbirda “Farhod” madaniyat saroyining ijodiy jamoalari tomonidan tayyorlangan konsert dasturi uning ishtirokchilariga ko‘tarinki kayfiyat bag‘ishladi.

Farrux NORQULOV.

 

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №16 от 27.08.2018 ZIYOLILAR BILAN UCHRASHUV