YOZ-2017 NATIJALARI YAKUNLANDI

Joriy yilning 8 sentyabr kuni “Farhod” madaniyat saroyida viloyatimizdagi shahar va shahar tashqarisidagi bolalar oromgohlarida yozgi sog‘lomlashtirish mavsumi natijalarining tantanali yakuni bo‘lib o‘tdi. 

Quvonarlisi, eng yaxshi deb topilgan oromgohlar ichida Navoiy kon-metallurgiya kombinati tasarrufidagi bolalar sog‘lomlashtirish oromgohlarining ham borligidir. “Eng g‘amho‘r tarbiyachi” nomiga Janubiy kon boshqarmasining “So‘g‘diyona” BSO tarbiyachisi  Lola Ibrohimova, “Eng mohir to‘garak rahbari” nomiga Markaziy kon boshqarmasi “Zarafshon” BSO ishchisi  Ziyoda O‘roqova, “Eng faol yetakchi” nomiga “So‘g‘diyona” BSO katta etakchisi Gulchehra Karshieva, “Eng yaxshi oromgoh rahbari” nomiga Zarafshon shahridagi “Tabassum” BSO boshlig‘i Zera  Jansыzovalar sazovor bo‘lishdi. 

“2017 yilning eng yaxshi oromgohi” nomini “Zarafshon” shahardan tashqaridagi BSO, “Bulbulcha” shahar BSO («NMZ» ICHB) va Zarafshon shahridagi “YOshlik” mehnat va dam olish oromgohlari qo‘lga kiritdilar. Barcha g‘oliblarga diplomlar va esdalik sovg‘alari topshirildi.  

 Nasiba SHAMURATOVA.