Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №17 от 14.09.2018 MAKTABGACHA TA’LIM MUASSASASI FOYDALANISHGA TOPSHIRILDI

MAKTABGACHA TA’LIM MUASSASASI FOYDALANISHGA TOPSHIRILDI

Mamlakatimizda ta’lim-tarbiya sohasining barcha bo‘g‘inlari – maktabgacha ta’lim, maktab, o‘rta maxsus va oliy ta’lim tizimini takomillashtirish, yangi muassasalar bunyod etish va mavjudlarini qayta ta’mirlash bo‘yicha olib borilayotgan ishlar yoshlar kamolotida o‘z samarasini bermoqda.

Zarafshon qurilish boshqarmasiga qarashli «Zarmitan» qurilish-montaj uchastkasi, Janubiy kon boshqarmasi Ta’mirlash-qurilish uchastkasi jamoalarining g‘ayrat-shijoati bilan Nurobod shahridagi 2-sonli «Ko‘zmunchoq» maktabgacha ta’lim muassasasi to‘la qayta rekonstruksiya qilindi. Muassasa hududini obodonlashtirish ishlarida Nurobod sanoat maydonidagi kon va bo‘linmalar jamoalari ham faol ishtirok etishdi. Ob’yektni to‘la rekonstruksiya qilish uchun qariyb 2 milliard so‘m mablag‘ sarflandi. Istiqlol bayrami arafasida ushbu muassasaning tantanali ochilish marosimi bo‘lib o‘tdi.

Muassasa hovlisi tartibga keltirilgan, bino peshtoqi  «Maktabgacha ta’lim – ertangi kunimizga zamin», «2018 yil – faol tadbirkorlik, innovatsion g‘oyalar va texnologiyalarni qo‘llab-quvvatlash yili» deb nomlangan shiorlar bilan bezatilgan. Tadbirda Navoiy kon-metallurgiya kombinati bosh direktorining o‘rinbosari N.Rahmonov, kombinat kasaba uyushmalar Kengashining raisi I.Rahmatov,  JKB direktori Ya.Shakarov, Samarqand viloyati hokimining birinchi o‘rinbosari Sh.Xudoyberdiyev, Samarqand viloyati maktabgacha ta’lim boshqarmasining boshlig‘i N.Sa’dinova, nuroniylar, shahar ahli, ishchi va xizmatchilar, ota-onalar ishtirok etishdi.

Bolalar qalbida quvonch, nuroniylar chehrasida mamnunlik balq etib turgan tadbir jajji bolajonlarimiz tayyorlagan badiiy dastur namoyishi bilan boshlandi. Muassasa binosini ta’mirlashda arzigulik hissa qo‘shgan quruvchilarga qimmatbaho sovg‘alar topshirildi. Nurobod tuman hokimligi tomonidan muassasaga televizor sovg‘a qilindi.

Viloyat hokimining birinchi o‘rinbosari Sh.Xudoyberdiyev va Janubiiy kon boshqarmasi direktori Ya.Shakarov hamrohligida jajji farzandlarimiz muassasa binosi eshigi oldida tortilgan ramziy lentani tantanali ravishda qirqishdi. Zamonaviy jihozlangan, to‘la va sifatli ta’mirlangan binoning tashqi va ichki ko‘rinishi hammada yaxshi taassurot qoldirdi.

Bugun qaysi sohani olmaylik, zamonaviy yetuk kadrlarni tarbiyalamasdan turib biron-bir o‘zgarishga, farovon hayotga erisha olmaymiz. Bunday kadrlarni tayyorlash, avvalo, maktabgacha ta’lim tizimidan boshlanadi. Shu ma’noda, Yurtboshimizning «Kelajak bog‘chadan boshlanadi» degan purma’no so‘zlari yanada muhim ahamiyat kasb etadi.

Sh.KENGBOYEV.

 

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №17 от 14.09.2018 MAKTABGACHA TA’LIM MUASSASASI FOYDALANISHGA TOPSHIRILDI