Zafarobodda bayram tantanalari

Eng ulug‘ va eng aziz bayram arafasida 5-Konboshqarmaning 2-Geotexnologik koniga qarashli Shimoliy Konimex konida joylashgan 5-mahalliy-sorbsion uskunaning ochilish tadbiri bo‘lib o‘tdi. Shuningdek, Zarafshon shahrida oldingi 3-bolalar bog‘chasi binosida rekonstruksiya ishlari yakunlanib, 42 nafar yosh mutaxassis va ularning oila-a’zolari uchun namunali uy-joylar yaratildi.

An’anaga ko‘ra, asosiy tantanalar «Yoshlik» madaniyat va sport markazi maydonida o‘tkazildi. Bayram dasturida turli tillarda yangragan kuy va qo‘shiqlar bugun yurtimizda hukm surayotgan tinchlik-hotirjamlik, saodatli hayot va baxtli bolalikni tarannum etdi.  Mana shunday shukuhli onlarda mustaqillik oliy ne’mat ekanligini, u tufayli farzandlarimizga xalqaro arenalarga katta yo‘llar ochilganini teranroq his etamiz.

Nafisa Sagatbaeva.