Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa 30.09.2015 dan №18 nashr Festival g‘oliblari safida

Festival g‘oliblari safida

Yaqinda Qozoqiston Respublikasi Astana shahrida Qozoq xonligi tashkil topganligining 550 yilligiga bag‘ishlab «Tarix va madaniyat» deb nomlangan 1-xalqaro festival bo‘lib o‘tdi. Osiyo va Evropa mintaqalaridagi 17 ta davlatdan vakillar ishtirok etgan ko‘rik-tanlovda O‘zbekiston sharafini Uchquduqdagi «Sovremennik» madaniyat uyi xonandasi Serejan Janaxmetov himoya qildi. Qatnashchilarning birgalikda «Quvonch valsi»ni ijro etishlari bilan boshlangan tanlov 2 turda tashkil etildi. Birinchi bosqichda xonandalar ma’lum mualliflarlar qo‘shiqlari, ikkinchi turda faqat xalq qo‘shiqlarini ijro etishdi. Festival ishtirokchilarining chiqishlarini qator xalqaro tanlovlar g‘oliblari, mashhur bastakor va qo‘shiqchilar baholab borishdi. S.Janaxmetov dastlab Abay Qo‘nanbaevning «Ko‘zimning qorasi» qo‘shig‘ini kuylab ko‘pchilikning olqishiga sazovor bo‘ldi va ikkinchi turga yo‘llanmani qo‘lga kiritdi. Keyingi bosqich ham hamyurtimiz uchun omadli kechdi. Unda Serejan qadimiy qozoq xalq qo‘shig‘i «Noz qo‘ng‘ir»ni ijro etdi. S.Janaxmetov o‘zining jarangdor ovozi va ijro mahorati bilan ikkinchi o‘rinni qo‘lga kiritdi va xalqaro festivalning 2-darajali diplomiga munosib ko‘rildi.

– Mening bu  yutug‘im mustaqilligimizning 24 yilligiga munosib sovg‘a deb o‘ylayman. Yaratilayotgan shart-sharoitlardan unumli foydalangan holda bundan keyin ham o‘z san’atim bilan O‘zbekistonimiz nomini dunyoga taratishga harakat qilaman, - deydi Serijan Janaxmetov. 

 Qozog‘istonlik Manapbek Kadirov festivalning Gran-pri sohibi bo‘ldi. Boshqordiston Respublikasida xizmat ko‘rsatgan artist Alfiya Karimova birinchi, vengriyalik Tomash Palcho va mongoliyalik Kumarxan Sattigul uchinchi o‘rinni egalladilar. Festival nihoyasida ishtirokchilar do‘stona kayfiyat bilan Astana shahrining barcha muzey  va yangi qurilgan inshootlariga sayohat uyushtirdilar.  

Shimoliy kon boshqarmasiga qarashli «Sovremennik» madaniyat saroyi «Eles» xalq vokal studiyasining xonandasi, «Shuhrat» medali sohibi S. Janaxmetovning kelgusi ijodiy faoliyatiga zafarlar tilaymiz.

Adolat MAHMUDOVA,

«Sovremennik» madaniyat uyi

badiiy rahbari.

 

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa 30.09.2015 dan №18 nashr Festival g‘oliblari safida