Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №2 от 28.01.2016 Sardorning kashfiyoti

Sardorning kashfiyoti

Bugungi hayotimizni «zangori olov»siz tasavvur etib bo‘lmaydi. Ammo tabiatning bu ne’mati bitmas-tuganmas emas. Shu boisdan muqobil energiya manbalaridan foydalanish tobora dolzarb ahamiyat kasb etmoqda. Endigina 19 yoshni qarshi olgan Sardor Rahmonov biogaz olishning yangicha  usuli kashf etilishi yo‘lida jiddiy izlanishlar olib bormoqda.  Bu haqda u shunday deydi:

- Biologik gaz asosan organik chiqindilar, daraxt, o‘simliklar barglari, shox-shabba kabi chirindilardan olinadi. Men oziq-ovqat chiqindisidan biogaz olish ustida ishlayapman. Jahonda biogaz olish texnologiyasining 60 turi mavjud bo‘lsada, bu usulda gaz olish hali sinovdan o‘tkazilmagan. Respublikamiz aholisining ko‘pchiligi shaharda istiqomat qiladi va tabiiyki, ular oziq-ovqat qoldiqlarini tashlab yuborishadi. Mening tadqiqotimda ana shu chiqindilarni  har bir xonadonga tarqatilgan maxsus chelaklar yordamida yig‘ib olish mo‘ljallangan. Birgina Navoiy shahri chiqindilaridan mazkur usulda gaz ishlab chiqarib, aholiga sotish orqali 4 milliard 41 million so‘mlik sof foyda olish mumkinligi mutaxassislar tomonidan hisoblab chiqilgan. 

Mazkur innovatsion loyiha texnologiyasi judda oddiy va chiqindisizdir. Oziq-ovqat mahsulotlari qoldiqlarini yuqori haroratli suvga solib qaynatganimizda 100 foiz chiqindidan 64 foiz sof metan gazi ajraladi. Mazkur jarayonda 32 foiz karbonad angidrid gazi hosil bo‘ladi. Bu gazning tabiatga zarari katta bo‘lganligi sabab uni ohakli suvga ta’sir ettirib, ajralib chiqadigan cho‘kmadan qurilishda ishlatiladigan bo‘r mahsuloti hosil qilishimiz mumkin. Lekin bu hali hammasi emas. Chiqindilardan biogaz olish jarayonida hosil bo‘ladigan loyqadan organik o‘g‘it ham hosil bo‘lishi loyihaning ahamiyatini yanada oshiradi. Qishloq xo‘jaligida ishlatiladigan  organik o‘g‘itning 1 kilogrammi 100 kilogramm qoramol chiqindisiga teng ekanligi isbotlangan. Demak, Sardor Rahmonovning ko‘p tarmoqli mazkur loyihasi mutaxassislar e’tiboriga tushganligi bejizga emas.

Yosh tadqiqotchining mazkur loyihani shakllantirishida ustozlarining xizmati katta. U kimyo fanlari doktori, professor Bahodir Muhiddinov rahbarligida ko‘p yutuqlarga erishayapti. - Yaqinda respublika Savdo-sanoat palatasi tomonidan o‘tkazilgan «Vatanim taraqqiyotiga mening hissam» yosh tadbirkorlar tomonidan ishlab chiqarilgan mahsulotlar 3- respublika ko‘rgazmasida «Yilning eng namunali yosh tadbirkori» nominatsiyasida g‘olib bo‘ldim. Bu esa  menga yakka tartibdagi tadbirkor sifatida mazkur innovatsion loyihani hayotga tadbiq etib, bir qancha tashkilotlar bilan shartnoma imzolash imkoniyatini yaratdi, - deydi quvonchini yashira olmay S.Rahmonov. - 2015 yilda Navoiy konchilik kollejining «Foydali qazilmalarni ochiq usulda qazib olish bo‘yicha texnik-mexanik» yo‘nalishini tugatdim. Yo‘llanma bilan «1-gidrometallurgiya zavodi» kon boshqarmasiga ishga qabul qilindim. Yurtboshimizning «Har kim buyuk kuch sohibidir. Faqat o‘sha kuchni uyg‘ota bilish kerak» degan  so‘zlari mening hayot shiorimga aylangan. Men o‘zimda mana shu kuchni topa olganimdan baxtiyorman. Kelajakda mening loyiham jamiyatga oz bo‘lsada foyda keltirsa, bundan juda xursand bo‘lar edim. Bu, aholining gazga bo‘lgan ehtiyojini qondirishdan tashqari, ekologiyani yaxshilash, shahrimizni obodonlashtirishga ham xizmat qiladi. 

Nafisa VAXIDOVA.

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №2 от 28.01.2016 Sardorning kashfiyoti