Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №21 от 10.11.2016 Qish imtihon so‘raydi

Qish imtihon so‘raydi

Kuzning quyoshli, issiq damlari ortda qolib, salqin, tunlari hatto biroz sovuq kunlari boshlandi. Kuz-qish mavsumi kommunal xizmat ko‘rsatish korxonalari jamoalari uchun o‘ziga xos sinov davri hisoblanadi. Chunki turar-joy binolari, ijtimoiy soha va ishlab chiqarish ob’ektlarini mas’uliyatli mavsumga har tomonlama tayyorlash muhim vazifadir.

Bu borada Navoiy kon-metallurgiya kombinati Uy-joy kommunal boshqarmasida boy va ibratli tajriba to‘plangan. Korxonada kuz-qish mavsumiga tayyorgarlik ko‘rishning yaxshi tizimi yaratilgan bo‘lib, bu ishlar izchil tarzda olib boriladi. Kombinat rahbariyati tomonidan belgilangan tadbirlar rejasiga muvofiq, Navoiy shahridagi 511 ta uy-joy fondidan 419 ta ko‘p qavatli uylar,  ijtimoiy soha va ishlab chiqarish ob’ektlarini 2016-2017 yillar kuz-qish muvsumida barqaror ishlashga tayyorlash yuzasidan qator ishlar amalga oshirildi. O‘tgan yilning sovuq va yomg‘irli kunlarida kelib chiqqan muammolar takrorlanmasligini nazarda tutib, uylarning tomlari, erto‘lalaridagi isitish tizimi, kirish yo‘laklarini ta’mirlash, yaroqsiz holga kelib qolgan quvurlarni almashtirish, issiqlik foydasiz sarflanishining oldini olish uchun ularni izolyasiyalash kabi zarur yumushlar tez va soz ado etilishiga e’tibor berildi. Xalqlar do‘stligi ko‘chasidagi 102, 130, 130A, 148, 150-, Nurafshon ko‘chasidagi 9-uylarning umumiy maydoni 7,9 ming kvadrat metr bo‘lgan tom qismlari mukammal ta’mirlandi. 419 ta ko‘p qavatli uyning erto‘lasidagi santexnik tizimi sozlanib, 351 ta uyning temir issiqlik quvurlari metaloplastik quvurlarga almashtirildi. Qizilqum ko‘chasidagi 4, 11-, Ibn Sino ko‘chasidagi 5-, Xalqlar do‘stligi ko‘chasidagi 61-uylarda bu ish nihoyasiga etkazildi. Uch ming uch yuz pogon metr hajmdagi isitish tizimi quvurlari izolyasiya qilinib, reja oshirib uddalandi. Uylarga kirish yo‘laklarining 69 tasida joriy ta’mirlash ishlari tugallandi.

Uy-joy kommunal boshqarmasi ishchi-xizmatchilari, muhandis-texnik xodimlari Istiqlolning chorak asrlik bayramiga hozirlik ko‘rish jarayonida viloyatimiz markazidagi ko‘plab uylar, madaniy-maishiy binolarning tashqi tomonini oqlab, obodonlashtirishdi. Korxonaning uy-joydan foydalanish idoralari, avariya-dispetcherlik xizmati, ko‘kalamzorlashtirish sexi, avtotransport tashkiloti, «Delfin» suzish xavzasi, «So‘g‘diyona» jismoniy tarbiya va sport majmuasi, Amir Temur ko‘chasining 1, 10, 12, 36-, Navoiy ko‘chasining 38, 40, 42-, Me’morlar ko‘chasining 14, 16, 20-, G‘alaba shoh ko‘chasining 139-, Tarobiy ko‘chasining 127, 129-, O‘zbekiston ko‘chasining 2, 8-, SHodlik ko‘chasining 11-, Janubiy ko‘chasining 8,10-, Xalqlar do‘stligi ko‘chasining 92, 94- uylari shular jumlasidandir. Boshqarmaga qarashli yotoqxonalarning tomi, umumiy foydalanish joylari, tashqi qismlari ta’mirlandi. Bolalar maydonchalari tartibga keltirilib, qo‘shimcha o‘yin elementlari qo‘yildi, borlari ranglandi.

Shuni alohida ta’kidlash kerakki, Uy-joy kommunal boshqarmasi bo‘yicha   2016-2017 yillar kuz-qish mavsumiga tayyorgarlik ko‘rish ishlariga 2,7 milliard so‘m sarflandi. Bu raqam ish ko‘lami naqadar kengligini aks ettirib turibdi. Boshqarma ishchi-xodimlari to‘la safarbar etilgan ishlarda ta’mirlash-qurilish uchastkasi, uy-joydan foydalanish idoralari, avariya- dispetcherlik xizmati jamoalari, bosh muhandis SHahriddin Gapparov , uning o‘rinbosari Soxib Payziev, korxona bo‘linmalarida mehnat qilayotgan payvandchilar Habibullo Abdullaev, Eson Xudayberdiev, Lutfullo Pirimov, Kamol Elmonov, sozlovchi-chilangarlar Arslon Zikirov, Nasimjon Arziqulov, Najmiddin Abdullaevlar jonbozlik ko‘rsatishayapti. Kuz-qish mavsumiga tayyorgarlik yumushlarining talab darajasida bajarilganligini nazoratdan o‘tkazish, uy-joylardagi haqiqiy ahvolni o‘rganishni ko‘zlab, mahallalar, mas’ul idoralar vakillaridan iborat jamoatchilik komissiyalari faoliyat ko‘rsatmoqda. Ishlar bevosita komissiya dalolatnomalari asosida qabul qilinayapti. Avariya-dispetcherlik xizmatida kechayu kunduz navbatchilik tashkil etilgan. Xizmat transport vositasi va zarur jihozlar bilan ta’minlangan. Navoiy shahar aholisining har bir murojaati joyida o‘rganilib, hal etilmoqda. Darvoqe, aholining NKMK uy-joy fondi va ijtimoiy ob’ektlarini kuz-qish mavsumiga tayyorligi, mavjud kamchilik va muammolarga oid murojaatlarini tezkor hal etish maqsadida kombinat boshqarmasida 22-77-622; Uy-joy kommunal boshqarmasida 223-15-72 raqamli «Ishonch telefonlari» ish boshladi. Demak, mavsum ko‘ngildagidek, namunali o‘tadi, deyishga asos bor.

Nizomiddin SADRIDDINOV.

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №21 от 10.11.2016 Qish imtihon so‘raydi