Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa 12.11.2015 dan №21 nashr Yangi dovonlarga – mustahkam zamin

Yangi dovonlarga – mustahkam zamin

Har bir korxonaning o‘z tarixi bor. Zarafshon shahridan qirq kilometr janubda joylashgan oltin rudali «Dovgiztov» konini o‘zlashtirish Navoiy kon-metallurgiya kombinati rahbariyati qabul qilgan qarorga muvofiq 2000 yilda boshlandi va bu ish SHimoliy kon boshqarmasi jamoasi zimmasiga yuklandi. 

Ochiq usulda o‘zlashtiriladigan konda  texnologik transport vositasi sifatida avtomobil transporti tanlandi. Dastlab «Sharqiy» konining uchastkasi tashkil etilib, er osti boyliklarini qazib olish yuzasidan keng ko‘lamli ishlar olib borildi. Kondan qazib chiqarilgan ruda qayta ishlash uchun ilk bor 2001 yilning 22 avgustida 3-gidrometallurgiya zavodiga jo‘natildi. Kelgusi yilning martidan e’tiboran  Shimoliy kon boshqarmasining mustaqil ishlab chiqarish xo‘jalik bo‘linmasi sifatida faoliyat ko‘rsatayotgan kon jamoasi shundan buyon zavod yuksak marom bilan ishlashi uchun  ruda etkazib berishga munosib hissa qo‘shib kelmoqda. Korxonada mehnat qilayotgan 380 nafardan ortiqroq kishining aksariyati o‘z ishini yaxshi biladigan, yuqori malakali mutaxassislar, tajribali ishchilardir. Ularning g‘ayrat-shijoati tufayli kon jinslari va tarkibida oltin bo‘lgan rudani qazib chiqarish hajmi yil sayin oshib bormoqda. 

Ishlab chiqarishning texnologik darajasini muttasil oshira borish, asbob-uskunalar, texnika vositalaridan oqilona foydalanish, ularni o‘z vaqtida sifatli ta’mirlash barcha xodimlarning doimiy diqqat markazida bo‘layapti. Kon jinslarini avtoag‘dargichlarga yuklash Germaniya, Rossiya firmalarida ishlab chiqarilgan zamonaviy ekskavatorlar, portlatish quduqlarini parmalash ishlari  Shvetsiyaning «Atlas Copco» firmasida tayyorlangan burg‘ilash qurilmalari yordamida amalga oshirilayotganligi mehnat unumdorligi yuqori bo‘lishiga imkon yaratayapti. Ruda qazib chiqarish bo‘yicha joriy yilning o‘n oylik rejasi  105,9 foizga bajarildi. Ilg‘orlar haqida gap ketgudek bo‘lsa,  dispetcher Uchqun Suyarov, kon boshlig‘ining o‘rinbosari Isomiddin Murodov, chilangar Maqsud Rashidov, elektr chilangar Totliboy Mamaraximov, burg‘ilash qurilmasi mashinisti Erbol Seydullaev, ekskavator mashinistlari Tolib Mamatov, Yuriy Konovalov, Yasin Nasirov, muhandis-geolog Abdumurot Alimov,  uchastka marksheyderi Tolib Tog‘aevlarning  nomlari birinchilar qatorida tilga olinadi. Bosh muhandis o‘rinbosari, ikkinchi va uchinchi darajali «Konchilik shuhrati» ko‘krak nishoni sohibi Jabbor O‘roqov, uchinchi darajali «Konchilik shuhrati» ko‘krak nishoniga sazovor bo‘lganlar: kon boshlig‘i Sherzod Hamroev, bosh geolog o‘rinbosari Shaxobiddin Gadoev, ekskavator mashinistlari SHuhrat Rahmatov, SHavkat Toxirov, elektr chilangar Zarif Mullaevlar haqiqiy  ma’noda butun ahil jamoaning faxri hisoblanishadi. Konda ish besh kunlik vaxta usulida tashkil etilganligi, ishchi-xizmatchilar turli shahar va qishloqlardan kelib ishlashini hisobga olib, ular uchun zarur maishiy sharoitlarni yaratishga etarli e’tibor berilmoqda. Shu maqsadda mehmonxona tipidagi 84 o‘rinli yotoqxona qurib bitkazilib, foydalanishga topshirilgan. Barcha xonalar isitish va sovutish vositalari bilan ta’minlangan. Ta’mirlash maydoni yonida oshxona ishga tushirildi. Har yili korxona ishchi-xizmatchilari safi yosh mutaxassislar hisobiga kengaymoqda. Bu yil ham institut va kollej bitiruvchilaridan to‘qqiz nafar yosh konda ish joylariga ega bo‘ldi. 

Shimoliy kon boshqarmasining Avtomobil transporti boshqarmasiga qarashli transport sexi konni avtoag‘dargichlar, frontal yuklagichlar va boshqa texnika vositalari bilan ta’minlaydi. O‘z-o‘zidan ma’lumki, konchilar oldida turgan vazifalarning sharaf bilan uddalanishi sexda ishning uyushqoqlik bilan tashkil etilishiga bog‘liq. Transportchilar bunday mas’uliyatni chuqur anglagan holda mehnat qilmoqdalar. Bunda Navoiy kon-metallurgiya kombinati va kon boshqarmasi rahbariyatining qo‘llab-quvvatlashi, amaliy ko‘magida sexning moddiy-texnika bazasi mustahkamlanayotganligi muhim ahamiyat kasb etayapti. So‘nggi ikki yilda yuk ko‘tarish quvvati 55 tonna bo‘lgan 12 ta BelAZ  avtoag‘dargich va bitta KOMATSU rusumli frontal yuklagich olindi. Demakki, ish natijalarini yaxshilashga poydevor yaratilayapti. Sanjar Tog‘aev boshchilik qilayotgan jamoa  erishayotgan yutuqlarda avtoag‘dargich haydovchilari Lutfulla To‘raqulov, Hikmat Haydarov, Uyg‘un Tohirov, Tannaqul Sharipov, Abdug‘affor Rasulov, sex boshlig‘ining o‘rinbosarlari  Mehriddin Bo‘ronov, Zafar Avazov, joriy ta’mirlash uchastkasi boshlig‘i Nuriddin  Jo‘raev, chilangarlar Shuhrat Umarov, Nurmaxan Seydaliev, tokar Hamdam Toshtemirov, payvandchi Mashrab Jumaevlarning alohida xizmatlari bo‘layapti. Konchilar va transportchilarning o‘zaro hamjihatlikda ishlashi, shubhasiz, «Dovgiztov» konidan qazib chiqarilayotgan ruda hajmini yanada ko‘paytirish hamda  yuksak marralarni egallashga zamin yaratadi.

Nizomiddin SADRIDDINOV.

 Azamat Zaripov olgan suratlar.

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa 12.11.2015 dan №21 nashr Yangi dovonlarga – mustahkam zamin