Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №22 от 25.11.2016 Ilm-fan va amaliyot integratsiyasi

Ilm-fan va amaliyot integratsiyasi

Joriy yilning 15-16 noyabr kunlari Navoiy davlat konchilik  institutida «Kon-metallurgiya majmuasi: yutuqlar, muammolar va innovatsion rivojlanish istiqbollari» mavzusida respublika ilmiy-texnikaviy anjumani bo‘lib o‘tdi. O‘zbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qo‘mitasi hamda Navoiy davlat konchilik instituti hamkorligida tashkil etilgan mazkur tadbirda olimlar, ilmiy izlanuvchilar va mutaxassislar ishtirok etdilar.

Ma’ruzachilar anjumanning birinchi kungi chiqishlarida kon-metallurgiya sanoatini rivojlantirish, yangi texnologiyalarni joriy etish, mahsulot sifatini yaxshilash, soha uchun etuk kadrlar tayyorlash masalalariga alohida to‘xtaldilar. Jumladan, Navoiy kon-metallurgiya kombinatining bosh direktori, Navoiy davlat konchilik institutining rektori, texnika fanlari doktori Q.Sanaqulov «Fan, ta’lim va ishlab chiqarish integ­ratsiyasi – malakali mutaxassislar tayyorlash garovi» mavzusida ma’ruza qildi. Notiq ta’kidlaganidek, Navoiy davlat konchilik instituti respublikadagi oliy ta’lim muassasalari o‘rtasida o‘z nufuzi, mavqeiga ega. Institut ichki imkoniyatlarini yuzaga chiqarish, ta’lim va amaliyot uyg‘unligini ta’minlash, institut ilmiy-amaliy potensialini yanada oshirish maqsadida tegishli korxona va tashkilotlar bilan samarali hamkorlik yo‘lga qo‘yilgan. Zero, O‘zbekiston Respublikasi Prezidentining  «Kon-metallurgiya sanoati uchun yuqori malakali mutaxassislar tayyorlashni tashkil qilishni takomillashtirish chora-tadbirlari to‘g‘risida»gi qarori talabi ham shuni taqazo etayapti. Fan, ta’lim va ishlab chiqarish orasidagi integratsiyani rivojlantirishni ko‘zlab, Navoiy kon-metallurgiya kombinati sanoat maydonlarida «Metallurgiya», «Noyob va radioaktiv metallar rudalarini qazish va qayta ishlash», «Mashinasozlik texnologiyasi», «Konchilik elektromexanikasi», «Avtomatlashtirish va boshqaruv», Navoiy elektr tarmoqlari korxonasi va Navoiy davlat issiqlik elektr stansiyasida «Elektr energetika», «Navoiyazot» aksionerlik jamiyatida va Navoiy elektrokimyo zavodida «Kimyoviy texnologiya», Olmaliq kon-metallurgiya kombinatida Olmaliq kon-metallurgiya fakultetining «Konchilik ishi» va «Konchilik elektromexanikasi» kafedralarining filiallari tashkil etildi. Bugungi kunda institutda 21 ta fundamental, amaliy va innovatsion loyihalar bajarilmoqda. Davlat grandlari va xo‘jalik shart­nomalarining umumiy hajmi 1 milliard so‘mdan ortiqni tashkil etadi. Mintaqadagi 22 ta korxona bilan innovatsion hamkorlik o‘rnatilgan. 8 ta kafedra qoshida faoliyat ko‘rsatayotgan 8 ta innovatsion guruhlarning umumiy tarkibi 2015-2016 o‘quv yilida 243 nafar kishidan iborat bo‘lib, ularning 90 nafari professor-o‘qituvchilar, 7 nafari katta ilmiy xodim izlanuvchilar, qolganlari esa magistratura, bakalavriatura talabalari va korxona vakillaridan iboratdir. Joriy yilda institut Ilmiy kengashida «Geotexnologiya» ixtisosligi bo‘yicha 3 ta, «Foydali qazilmalarni boyi­tish» ixtisosligi bo‘yicha 2 ta, «Umumiy va mintaqaviy geologiya» ixtisosligi bo‘yicha 2 ta doktorlik dissertatsiyasining himoyasi amalga oshirildi. Innovatsion hamkorlik korxona mutaxassislarini institutga, murabbiylarni esa korxona va tashkilotlar hayotiga olib kirayapti. O‘quv jarayonining ishlab chiqarish bilan uzviy bog‘langanligi respublikamiz tog‘-kon, kimyo, mashinasozlik sanoati uchun malakali va etuk kadrlarni tarbiyalashda muhim ahamiyat kasb etmoqda.

Toshkent davlat texnika universitetidan akademik N.YUsupbekov, ukrainalik professor P.Jarkov va O‘zbekiston Respublikasi Fanlar akademiyasi umumiy va noorganik kimyo institutining direktori, professor B.Zakirovlarning ilmiy anjumandagi chiqishlari ham ishtirokchilar tomonidan qiziqish bilan kutib olindi.

Tushdan so‘ng konferensiya ishi foydali qazilmalar konlarini  o‘zlashtirishning  zamonaviy an’anaviy va noan’anaviy texnologiyalari, metallurgiya ishlab chiqarishi, mineral xom ashyolarni boyitish va qayta ishlash, mashinasozlik va elektr ta’minoti sohasidagi ilg‘or texnologiyalar, ekologik muammolar va iqtisod, kimyo va kimyoviy texnologiyaning aktual muammolari, kon-metallurgiya ob’ektlari texnologik jarayonlarini modellashtirish va avtomatlashtirish va boshqa  dolzarb masalalarga bag‘ishlangan 6 ta seksiyada davom ettirilib, qator ma’ruzalar tinglandi.

– Bugungi anjumanimizda olim va yosh tadqiqotchilar o‘z ishlanmalari, innovatsion g‘oyalari bilan chiqishlar qildilar. Ularni amaliyotda qo‘llanish ishlab chiqaruvchilar va tadqiqotchilar o‘rtasidagi hamkorlikni yanada mustahkamlash imkonini beradi, - deydi Navoiy davlat konchilik instituti prorektori B.Muhiddinov.
Respublika ilmiy-texnikaviy konferensiyasi qatnashchilari anjumanning ikkinchi kunida «Navoiy» erkin iqtisodiy zonasida bo‘lishdi.

Azamat ZARIPOV,
Nizomiddin SADRIDDINOV.

Учредитель - трудовой коллектив НГМК

Полная или частичная перепечатка материалов из газеты допустима только с письменного разрешения пресс-центра. Редакция знакомится с письмами читателей, не вступая в переписку. Газета распространяется по подразделениям НГМК.

Газета зарегистрирована в Агентстве по печати и информации Навоийского облхокимията 29 июня 2015 года. Регистрационный номер - 07-070, ISSN 2010-5266.

Редакция

Джураев Абдумажид Ирисович
Начальник пресс-центра НГМК - пресс-секретарь генерального директора НГМК..
АДРЕС РЕДАКЦИИ: 210100, г.Навои, улица Навои 27, управление НГМК.
ТЕЛЕФОНЫ: 77-464(редактор), 77-363(техн.редактор), 77-366, 77-464(пресс-центр), 77-566(факс).

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №22 от 25.11.2016 Ilm-fan va amaliyot integratsiyasi