Ishlab chiqarish ta’limining eng yaxshi ustasi

Markaziy kon boshqarmasining O‘quv markazida  birinchi marta “Yilning ishlab chiqarish ta’limi bo‘yicha eng yaxshi ustasi” tanlovi tashkil qilindi. Tanlov bir qancha qobiliyatli o‘qituvchilarni kashf qilish bilan birga, yosh pedagoglar uchun malaka oshirishning o‘ziga xos uslubi bo‘ldi.      

Ustalar tomonidan o‘tkazilgan ochiq darslarda ilg‘or texnologiyalardan faol foydalanilgan holda slaydlar va o‘quv filmlar ko‘rsatildi.  Shuningdek, ko‘rgazmali o‘quv qo‘llanmalar, pedagogik, ilmiy-texnik va uslubiy adabiyotlardan olingan materiallar  namoyish qilindi. Bularning barchasi mashg‘ulotlarni qiziqarli o‘tkazishga yordam berish bilan birga o‘quvchilarning zamonaviy yutuqlardan xabardor bo‘lishlariga imkoniyat yaratdi.

Tanlov yakunlariga ko‘ra I.Ya.Baxranov “Yilning ishlab chiqarish ta’limi bo‘yicha eng yaxshi ustasi” unvoniga ega bo‘lgan bo‘lsa, ikkinchi o‘rin K.X.Jumaevga, uchinchi o‘rin esa B.A.Akramovga nasib o‘tdi. 

S.GALIEVA,
Markaziy kon boshqarmasi Markaziy markazi kutubxonachi.