Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №24 от 28.12.2017 YUKSAK DOVONLAR SARI

YUKSAK DOVONLAR SARI

Navoiy kon-metallurgiya kombinatida uran ishlab chiqarish istiqboli ko‘p jihatdan 5-kon boshqarmasida tarkibida noyob metall bo‘lgan ma’danni qazib olish va uni qayta ishlash hajmining oshishi bilan chambarchas bog‘liqdir. Buni chuqur his qilgan kon boshqarmasi ahil jamoasi mavjud imkoniyatlar, yangi texnika va texnologiyalar, malakali mutaxassislar salohiyatidan samarali foydalanishga intilmoqda.

Shu maqsadda so‘nggi yil¬larda boy ma’dan zaxiralariga ega yangi konlarni¬ o‘zlashtirishga e’tibor beril¬moqda. Ayniqsa, kon bosh¬qarmasining yirik, pesh-qadam bo‘linmasi hisob¬langan 2-geotexnologik konda amalga oshirilayotgan ishlar maqtovga arzigulikdir. Korxonada sakkiz yuz nafarga yaqin turli kasb egalari yagona oila farzandlaridek mehnat qilib, yutuqlarni ko‘paytirmoqdalar hamda respublikamiz iqtiso¬diyotini rivojlantirishga munosib hissa qo‘shmoqdalar. Bunda kon boshlig‘i Kazbek Djalgasbekovning ishlab chi¬qa-rish uchastkalari ishini to‘g‘ri tashkil etish, odamlar bilan ishlash borasida to‘plagan boy tajribasi muhim omillardan biri bo‘lib xizmat qilayapti.

«Janubiy Bukinay», «Shimoliy Konimex» konlari negizida faoliyat ko‘rsatayotgan kon tasarrufiga yil boshida «Ketmonchi» koni tarkibidagi «Yog‘du» koni ham o‘tkazildi. Har uchchala kondan zamonaviy, ma’danni er ostida eritmaga o‘tkazish texnologiyasi asosida uran qazib olinmoqda. O‘tgan yilning may oyida 2 ta yangi «proVITA-1900» rusumli kislorod stansiyasi xarid qilinib, ulardan «SHimoliy Konimex» konida foydalanilayapti. Stansiya geotexnologik maydonlarda yuqori karbonatli ma’danni texnik kislorod yordamida oksidlash natijasida erosti ma’dan qatlamida fizikaviy-kimyoviy jarayonni tezlashtirishi va pirovardida mahsuldor eritma tarkibida metallning yuqori bo‘lishiga imkon yaratayapti. Bu usul kam xarajatligi hamda atrof-muhitga zararsizligi bilan ham ahamiyatlidir. Yangi yilda yana ikkita kislorod stansiyasi olinishi mo‘ljallanmoqda. Ulardan biri «Yog‘du» konida o‘rnatilib, bu erdan ma’dan qazib chiqarish ko‘paytiriladi. O‘z kasbining ustalari bo‘l¬gan chilangar-ta’mirlovchi Qah¬ramon Aslonov, kompressor uskunalari mashinisti Ebazer Abdulbarievlarning malaka va mahoratlari tufayli kislorod stansiyalari yuksak unum bilan ishlatilmoqda.

«Janubiy Bukinay» konida boshlangan mahsuldor eritma tarkibidan urandan tashqari birga uchrovchi elementlardan reniy noyob metallini ajratib olish texnologiyasi o‘tgan yilning fevral oyidan e’tiboran «SHimoliy Konimex» konida ham qo‘llanildi hamda ayni paytda bu metallni ajratib olish hajmini oshirish ustida jiddiy ish olib borilayapti. Yangi texnologiyaning samarali qo‘llanilishida kon qayta ishlash uchastkasi boshlig‘i Alisher Bobomurodov, smena ustasi Nurali Hosilov, noyob va nodir metallarni ajratib olish apparatchisi Sergey Bayrazyanlarning katta xizmatlari bo‘layapti. Keyingi ikki yilda 5- va 7- mahalliylashtirilgan sorbsion uskunalar qurilib, ishga tushirilishi tufayli konda metall qazib chiqarish hajmi sezilarli darajada oshdi. Erosti cho‘ktirma elektr nasoslarni montaj qilish uchastkasi boshlig‘i Alisher Beknazarov va elektr mexanik Akmal Ummatovlarning nasoslarning detallarini mahalliylashtirish hisobidan ta’mirlayotganligi tahsinga loyiq.

Aprel oyidan buyon konda quduq¬larga o‘rnatilgan, mahsuldor eritmalarni so‘rib olishga mo‘ljallangan cho‘k¬tirma elektr nasoslarning ishlashi radiomodem yordamida onlayn monitoring qilinmoqda. Bu usulning quduqlar to‘liq ishlatilishi, eritmani yuqo¬riga chiqarishni nazorat qi¬lish, quduqlarda nosozlik tug‘il¬sa, tezkorlik bilan ta’mirlash-tiklash ishlarini ba¬jarish imkoniyatini berishdagi afzalliklarini nazarda tutib, geotexnologik konlarda foydalaniladigan barcha quduqlar bosqichma-bosqich on¬layn monitoring usuliga o‘t¬kazilmoqda. Korxona moddiy-texnika bazasining doimiy ravishda mustahkamlanib borayotganligi mehnat unumdorligini oshirib, ishlab chiqarishning yuksak maromini ta’minlayapti. Kon avtotransport parki yangi avtotransport vositalari, jumladan buldozer, kajavali mototsikl, ekskavator, quduqlarda ta’mirlash-tiklash ishlarini bajarishga mo‘ljallangan «BA-15» o‘ziyurar burg‘ilash uskunasi, ikkita traktor, ikkita «MAN» rusumli avtomashina bilan to‘ldirildi.

Kon ishchi-xizmatchilari, muhandis-texnik xodimlari yangi 2018 yilni ertangi kunga ishonch, yorug‘ yuz, quvonchli natijalar bilan kutib olmoqdalar. Jamoa ma’dan qazib chiqarish, mah¬suldor eritmaning metall tarkibi bo‘yicha belgilangan yillik rejani muddatidan ancha ilgari – 15 dekabrda sharaf bilan bajardi. Barcha uchastkalarda tejamkorlik bosh shiorga aylanganligi bois 6 milliard 492 million 362 ming so‘mlikdan ko‘proq elektr energiya¬si, sulfat kislotasi, ammiakli suv, ammiakli selit¬ra, azot kislotasini iqtisod qilishga erishildi. Bunday ulkan yutuqlar zamirida geotexnologik quduqlarni burg‘ilash uskunasi mashinistlari Nazir O‘roqov, Nikolay Borodin, Savurbek Djalgasbekov, Barnoqul Eshnazarov, Hasanboy Ahmedov, geotexnologik quduqlar operatorlari Mereke Xadanov, Amon Tursunov, foydali qazilmani geofizik sinash operatori Haqberdi Berdiev, elektr montyorlar Zafar Xudoyberdiev, Qahramon Maxatov, elektrgazpayvandchi Yigitali Umarov, buldozer mashinistlari Ortiq Toshev, Eshpo‘lat Ravshanov, traktorchilar Tair Ashilov, Yarash Turdiev, kran mashinis¬ti Hasan Rajabovlarning zahmatli meh¬natlari mujassam.

Konning yangi ma’muriy-xo‘jalik va maishiy xizmat ko‘rsatish uyi binolari foydalanishga topshirilganiga ikki yil to‘ldi. Ma’muriy-xo‘jalik binosining 1- qavatidan tibbiyot xonalari, maishiy xizmat uyi binosidan erkaklar va ayollar echinish, kiyinish, yuvinish, korjomalarni tozalash, ta’mirlash, dazmollash xonalari o‘rin olgan. Ish kiyimlarini yuvish va ta’mirlash mashinistlari Marina Ro‘zieva, Mehrixon Boboqulovalar xizmatidan konchilar behad minnatdor. Ishchi-xizmatchilar uchun qulay ish sharoitlari yaratish, mehnat ta’tilida yaxshi dam olib, sog‘liklarini mustahkamlashlari uchun g‘am¬xo‘rlik ko‘rsatish kon kasaba uyushma qo‘mitasining doimiy diqqat markazida bo‘layapti. Joriy yilda kon mehnat ahlidan 79 nafar kishiga res¬publikamizning turli sanatoriy va profilaktoriyal¬ariga yo‘llanmalar berildi.

Ayni kunlarda mehnat kalenda¬rida 2018 yil zarva¬raqlarini och¬gan ¬¬hamda yangi yilda yanada yuksak¬ do¬von¬¬larni ko‘zlagan konning fidoyi mehnatkashlariga «Niyatingiz yo‘l¬do¬shingiz bo‘lsin!» deymiz.

 

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №24 от 28.12.2017 YUKSAK DOVONLAR SARI