Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №3 от 08.02.2018 Kasb mas’uliyatini his qilib

Kasb mas’uliyatini his qilib

Navoiy kon-metallurgiya kombinati Yong‘in xavfsizligi boshqarmasi quyi tizimlari xodimlari korxonalarning xavfsizlik va yong‘in xavfsizligini ta’minlash, muhofazalanayotgan o‘ta muhim va toifalangan ob’ektlarda yong‘inni, sodir bo‘lishi mumkin bo‘lgan favqulodda hodisalarni oldini olish va ularni tezkorlik bilan bartaraf etish, ishchi-xizmatchilarning yong‘in xavfsizligi sohasidagi bilimlarini oshirish va ularni ogohlikka, sergaklikka da’vat etish, targ‘ibot-tashviqot ishlarini kuchaytirishborasida qator ishlar, amalga oshir­moqdalar.

O‘tgan 2017 yilda kon boshqarmalarida tashkil etilgan yong‘in texnik komissiyalari, ob’ekt rahbarlari va ob’ektlarning yong‘in xavfsizligi uchun javobgar xodimlari bilan hamkorlikda 1485 marotaba nazorat tartibida va 2408 marotaba kunduzgi hamda 1311 marotaba tungi tezkor tekshirishlar o‘tkazildi. Tekshiruvlar jarayonida yong‘in xavfsizligi qoidalarini buzgan 1031 nafar ishchi-xizmatchilar va mansabdor shaxslarga nisbatan 120 million 659 ming 306 so‘m miqdorida ma’muriy jarimalar qo‘llanildi, yong‘in chiqish xavfi bor deb topilgan 101 ta bino va inshootlarning ish faoliyati vaqtinchalik to‘xtatildi.

Ijro uchun taqdim qilingan Davlat yong‘in nazorati yozma ko‘rsatmalaridagi o‘z vaqtida bajarilmagan va bir necha yillardan buyon bajarilmasdan qolib kelayotgan tadbirlar bo‘yicha Navoiy kon-metallurgiya kombinati, joylardagi ob’ektlarning yong‘inga qarshi holatini yaxshilash borasida esa yuqori tashkilotlar, o‘ta muhim va toifalangan ob’ektlar rahbarlariga jami 463 marotaba axborotnoma va taqdimnomalar kiritildi. Yong‘in xavfsizligini ta’minlashda asosiy e’tibor ishchi-xizmatchilar orasida targ‘ibot-tashviqot ishlariga qaratilib, 25 ming 390 nafar ishchi va xizmatchilar bilan shu mavzuda 3492 marotaba suhbat va yo‘riqnomalar o‘tkazildi. Qo‘riqlanayotgan ob’ektlar ishchi va xizmatchilarining yong‘in xavfsizligi qoidalari borasidagi bilim saviyasini oshirish maqsadida 6512 nafar ishchi va xizmatchilar bilan 669 marotaba yong‘in-texnik minimumi das­turi asosida o‘quv mashg‘ulotlari, 6424 nafar ishchi xizmatchilar bilan 1681 marotaba birlamchi, 24778 nafari bilan qayta yo‘riqnomalar o‘tkazildi. Insonlar hayotini yong‘inlardan himoya etish maqsadida targ‘ibot-tashviqot va tushuntirish ishlarini olib borish borasida markaziy televideniyalar orqali 18 marotaba, viloyat, shahar va tuman televideniyalari orqali 159 marotaba, ob’ektlarda mavjud telestudiyalar orqali 47 marotaba ko‘rsatuv va roliklar, 45 marotaba titrlar, elektron reklama tablolarida 40 marotaba roliklar namoyish etildi.

NKMK Yong‘in xavfsizligi boshqarmasi kuch va vositalari yordamida nafaqat kombinatga qarashli maskanlar, balki chiqish hududlarda ham yong‘inlar bartaraf etilib, fuqarolarning mol-mulki, uy joylari hamda ularning xavfsizligi ta’minlanmoqda. O‘tgan yil mobaynida chiqish hududlarida 53 ta yong‘inlar sodir bo‘ldi. Kombinat yong‘in xavfsizligi qismlari yong‘in o‘chiruvchilari fuqarolar hamda ularning mol-mulkini sodir bo‘lgan yong‘indan saqlab qolishda o‘z kasbiga sodiq, mard va jasur o‘g‘lonlar ekanligini namoyish etdilar.

Kombinat rahbariyati tomonidan tasdiqlangan 2014-2017 yillarga mo‘ljallangan istiqbolli rejaga muvofiq 2017 yilda qiymati 870 million so‘mlik 2 ta ISUZU NOR 71 PL va 1 milliard 311million so‘mlik 1 dona MAN rusumli yong‘in o‘chirish avtomobillari, 2 milliard 112 million 500 ming so‘mlik 130 dona AP-2000 siqilgan havo apparatlari, 580 million 621 ming so‘mlik maxsus kiyim-kechaklar, 34 million 653 ming so‘mlik 9 dona aloqa pultlari, 591 million so‘mlik turli kesimdagi yong‘in o‘chirish  englari va boshqa asbob-uskunalar xarid qilinib, Yong‘in xavfsizligi boshqarmasi qismlariga etkazib berildi. Bularnig barchasi kombinat ob’ektlarida yong‘in xavfsizligini ta’minlash imkonini berayapti.

Ma’rufjon XAYITOV,

NKMK YOXB muhandisi, serjant.

 

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №3 от 08.02.2018 Kasb mas’uliyatini his qilib