Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №4 от 22.02.2018 SHAMOL – ENERGIYA MANBAI

SHAMOL – ENERGIYA MANBAI

O‘zbekiston Respublikasi Prezidentining «2015-2019 yillarda iqtisodiyot tarmoqlari va ijtimoiy sohada energiya sig‘imini qisqartirish, energiya tejaydigan texnologiyalarni joriy etish chora-tadbirlari dasturi to‘g‘risida»gi qarori ijrosini ta’minlash yuzasidan SHimoliy kon boshqarmasida dastur ishlab chiqilgan va bu borada qator loyihalar amalga oshirilmoqda.

Yiliga 716 million kilovatt-soat energiya sarflaydigan bu korxona uchun muqobil va arzon energiya turidan foydalanish koni foyda. – YOzning jazirama kuni boshlig‘imiz Bahriddin Bozorovning xonasiga kirsam, chiroqlar o‘chirilgan, konditsioner yoqilmagan. Hayron bo‘ldim. Tokda uzilish bo‘lganmi, desam kompyuter ishlayapti. Suhbat jarayonida bildimki,­ ular elektr energiyasini shu yo‘l bilan tejayotgan ekan. SHunda men o‘z kashfiyotim – shamol generatorini tezroq hayotga tadbiq etishim kerakligini tushundim, - deydi SHimoliy kon boshqarmasi Axborot-kommunikatsion texnologiyalar markazi elektromexanigi Elbek Xolboev.

Ma’lumki, shamol energetikasi barcha energiya manbalari ichida eng arzoni hisoblanadi. SHu boisdan dunyoning rivojlangan  davlatlarida unga qiziqish ortib bormoqda. Hozirgacha jahonning ellikdan ortiq mamlakatida shamol yordamida elektr energiyasi hosil qilish yo‘lga qo‘yilgan. Buyuk Britaniya, Fransiya, Germaniya, umuman dengiz bilan chegaradosh ko‘pgina mamlakatlar sohillarida minglab kilometrga cho‘zilgan shamol generatorlari qurilmoqda. Uchquduqda tabiatning bu ne’mati juda serob. Agar mavjud resurslardan unumli foydalanilsa, kon boshqarmasining elektr energiyaga bo‘lgan ehtiyojining yarmini shamol energiyasi yordamida qondirish mumkin. CHunki, hududda erdan o‘n metr balandlikda shamol energetikasi potensiali ancha yuqori.

E.Xolboev kashf etgan shamol generatorining ishlash quvvati – 2 kilovatt. Bu, yigirmata 100 voltli elektr lampochkasi quvvatiga teng. Mitti generator shamolning tezligi sekundiga uch metrga etganda elektr energiyasi ishlab chiqara boshlaydi. SHamol tezligi qancha yuqori bo‘lsa, elektr energiyasi ajratish shuncha oshib boraveradi. To‘g‘ri, Elbekning generator gigant korxona uchun juda kichik. Ammo har qanday olamshumul kashfiyotlarning debochasi xuddi shunday kichik ixtirolardan boshlangan.

Laylo KARIMOVA.

Suratda: E.Xolboev (o‘rtada) AKTM boshlig‘i B.Bozorov (o‘ngda)

va boshliq o‘rinbosari J.Rahmatov.

 

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №4 от 22.02.2018 SHAMOL – ENERGIYA MANBAI