Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №4 от 25.02.2016 Islohotlar izchilligi – yutuqlar garovi

Islohotlar izchilligi – yutuqlar garovi

«Biz uchun asosiy vazifa – ishlab chiqarishni texnik va texnologik jihatdan uzluksiz yangilab borish, doimiy ravishda ichki imkoniyat va zaxiralarni izlab topish, iqtisodiyotda chuqur tarkibiy o‘zgarishlarni amalga oshirish, sanoatni modernizatsiya va diversifikatsiya qilishni izchil davom ettirishdan iborat bo‘lishi zarur. Ana shunday yangicha qarash va harakatlar butun faoliyatimizning negizini tashkil etishi shart», -deya ta’kidladi O‘zbekiston Respublikasi Prezidenti Islom Karimov Vazirlar Mahkamasining mamlakatimizni 2015­yilda ijtimoiy-iqtisodiy rivojlantirish yakunlari va 2016 yilga mo‘ljallangan iqtisodiy dasturning eng muhim ustuvor yo‘nalishlariga bag‘ishlangan majlisidagi «Bosh maqsadimiz – mavjud qiyinchiliklarga qaramasdan olib borayotgan islohotlarni, iqtisodiyotimizda tarkibiy o‘zgarishlarni izchil davom ettirish, xususiy mulkchilik, kichik biznes va tadbirkorlikka yanada keng yo‘l ochib berish hisobidan oldinga yurishdir» nomli ma’ruzasida. Ma’ruzadan kelib chiqib belgilab berilgan ustuvor vazifalar ijrosi Navoiy kon-metallurgiya kombinati tizimidagi ishlab chiqarish korxonalarida o‘z isbotini topmoqda.

Barcha bo‘linmalarda zamonaviy texnologiyalarni joriy etish, modernizatsiyalash, innovatsion loyihalarni qo‘llanishga etarli ahamiyat berilayapti. Ulkan korxonada oltin va uran singari asosiy mahsulotlardan tashqari fosforit, sulfat kislotasi, polietilen va polivinxlorid quvurlar, emulsiyali portlatish moddalari ishlab chiqarilmoqda. Shuningdek, yuk ko‘tarish quvvati yuqori bo‘lgan qudratli transport vositalariga xizmat ko‘rsatish, zamonaviy stanoklar, qurilish metall konstruksiyalari, payvandlovchi elektrodlar, oziq-ovqat, ustki trikotaj mollari va xalq iste’moli mollari ishlab chiqarish ham gigant korxonaning faoliyat turlariga aylandi. Bir so‘z bilan aytganda, NKMKning innovatsion siyosati ishlab chiqarish bazasini yanada mustahkamlash, texnik qayta jihozlash va ilg‘or ilmiy ishlarni amalda tadbiq etishga yo‘naltirilgan.


Shimoliy kon boshqarmasiga qarashli 3-gidrometallurgiya zavodida ana shunday izlanishlar samaralari namoyon bo‘lmoqda. Korxonani zarur miqdorda ruda bilan ta’minlashni ko‘zlab texnologik jarayonlar takomillashtirilayotganligi tufayli tog‘ jinslarini qayta ishlash va mahsulot ishlab chiqarish hajmi yil sayin oshib borayapti. 2015 yilda rudani qayta ishlash, asbob-uskunalardan foydalanish koeffitsienti, tayyor mahsulot hosil qilish bo‘yicha 2014 yilgi ko‘rsatkichlarga nisbatan o‘sish sur’ati ta’minlandi. Zavodning eng yosh va zamonaviy bo‘linmasi hisoblangan biooksidlash sexi qurilishi «Ko‘kpatas» va «Dovgiztov» konlarining oltin sulfidli rudasini qayta ishlash loyihasini amalga oshirish doirasida 2005 yilda boshlanib, 2008 yilda birinchi navbati ishga tushirilgandi. Keyingi uch yilda «BIOX» texnologiyasi asosida  ishlaydigan va unumdorligi jihatidan dunyoda yirik mazkur sexning ikkinchi navbati foydalanishga topshirildi. Ayni paytda bu erda boyitish murakkab bo‘lgan xom ashyoni qayta ishlashda eng so‘nggi ilmiy-texnik yutuqlar, resurslarni tejash imkonini beradigan zamonaviy texnologiyalar qo‘llanilmoqda. O‘tgan yili «BIOX» majmuasida unumdorlik va mahsulotni keyingi jarayonga uzatish yuzasidan belgilangan rejalar ortig‘i bilan uddalandi. Ishda yaxshi, quvonchli natijaga erishish uchun mehnat intizomiga qat’iy rioya etish, oddiy ishchidan tortib, muhandis-texnik xodimgacha o‘z ustida ishlashi, kasbiga mas’uliyat va fidoyilik bilan yondashishi talab etiladi. Darvoqe, 140 nafar ishchi-xizmatchilar, muhandis-texnik xodimlar yagona oiladek birlashgan jamoada o‘zaro ahillik yutuqlarga zamin yaratayapti. Tajribali faxriylar hamda yosh ishchi-xodimlar ishlab chiqarishning o‘zagini tashkil qiladigan sexda ustoz-shogird an’anasi yaxshi yo‘lga qo‘yilgan. Biooksidlash uchastkasi boshlig‘i Matyoqub Ro‘ziev, apparatchi O‘ktam Ikromov, sex boshlig‘ining o‘rinbosari Bobur Eshpo‘latov, mexanigi Farhod Mamayusupov, energetigi Qahramon Tilavov, chilangar – ta’mirlovchi Muksud Sunnatov, yuvish va neytrallashtirish uchastkasi apparatchisi Nurpeys Kurakov, nazorat-o‘lchov asboblari va avtomatika chilangari Suxrob Yuldashev kabi ishlab chiqarish jonkuyarlarining nomlari doimo faxr bilan tilga olinadi. Bunday ilg‘orlar mehnat qilayotgan sexda muvaffaqiyatlar yanada ko‘payishiga shubha yo‘q.

Nizomiddin SADRIDDINOV, Isroil XOLBOEV.
Suratlar muallifi
Jumamurot MIRZAEV.

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №4 от 25.02.2016 Islohotlar izchilligi – yutuqlar garovi