Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa 26.02.2015 dan №4 nashr G‘AMXO‘RLIK OG‘USHIDA

G‘AMXO‘RLIK OG‘USHIDA

Farzand-ota-onaning umid yulduzi. Ular bilan bag‘rimiz butun. Bolalar kulgusi yang­ragan har bir go‘sha ezgulik, beg‘uborlik qo‘rg‘onidir.

Ma’lumki, maktabgacha ta’lim muassasasida bolaning fikrlash doirasi, salohiyati rivojlanadi, ilk hayotiy ko‘nikmalari shakllanadi. SHu boisdan MTM xodimlari zimmasiga katta mas’uliyat yuklanadi5-kon boshqarmasiga qarashli «Zolotinka» bolalar bog‘chasida o‘z ishining jonkuyarlari yig‘ilgan. Muassasada 13 guruh bo‘lib, 317 nafar tarbiyalanuvchilarga 76 nafar tarbiyachi, enaga va bolalar bilan ishlashning hadisini olgan boshqa xodimlar parvona. Bog‘chaga kiraverishdayoq atrofdagi obodonchilik ko‘zni quvnatadi. Har bir guruh xodimlarning qo‘l ishlari va ijodkorliklari bilan ajoyib tarzda bezangan. Biz o‘rta guruhda tajribali tarbiyachi Zulxumor Hamraeva bolalarga mashg‘ulot o‘tayotganiga guvoh bo‘ldik. Jajjilarko‘zidagi hayrat, qiziqishdan bog‘cha opalari bu ishni yaxshi uddalayotganliklari sezilib turardi. «28 yildan buyon shu maskanda ishlayman. Beg‘ubor bolalar bi­lan ishlashning o‘ziga yarasha zavqi, shavqi bor»,-deydi Zulxumor opa. Guruhdan chiqib musiqa sadolari yangrab turgan xonaga kirdik.Musiqa rahbari Sati Vaitova tarbiyalanuvchilarga qo‘­shiq o‘rgatayotgan edi. 2014 yilda Navoiy madaniyat va san’at kollejini tugatib, bog‘chada endigina ish boshlagan bu yosh qiz «Bolalar bilan bunchalik tez til topishib ketishimga ishonmagandim. Hozir shunchalik xursandmanki, ishning ko‘pligi, qiyinchiliklari sezilmayapti ham»,-deydi hayajon bilan.

Jismoniy tarbiya mashg‘u­lotlari ketayotgan qo‘shni guruhda o‘g‘il-qizlar Matluba Djamuratovaning bolalarning jismonan o‘sish jarayonini inobatga olgan holda tanlangan salomatlik mashqlarini qiziqish bilan bajarishardi. 11 yillik ish tajribasiga ega ustoz o‘z shogirdlarini sportga oshno bo‘lib voyaga etishlari uchun bor bilim va tajribasini ayamayotganligi ko‘rinib turardi.

Bog‘chada tarbiyalanuvchilarning ruhiy holatiga alohida e’tibor qaratilmoqda. Ruh­shunos xonasi maxsus, kerakli jihoz­lar va turli yoshdagi bolalarga mo‘ljallangan o‘yinchoqlar vositasida did bilan bezatilgan. Psixolog Sanobar Djuzbaeva bolalar bilan psixologik o‘yinlar o‘tkazadi. «Reja asosida har bir guruhda haftasiga bir bora o‘yin tarzida tashkil etadigan darslarimiz bolalarga ma’qul kelmoqda. Bolaning ruhiyatini yaxshi bilish, u bilan shunga yarasha muomalada bo‘lish o‘g‘il-qizlarimizni kelajakda barkamol insonlar bo‘lib voyaga etishlarida juda muhim deb o‘ylayman», – deydi S.Djuzbaeva.

Tayyorlov guruhi tarbiyachisi Larisa Ashurova, yordamchi tarbiyachi Lola Ahmedovaning bolajonlarga o‘z farzandlaridek munosabatda bo‘lishga intilayotgani bizni quvontirdi. Tarbiyalanuvchilarning ba’zilarinisuhbatga tortdik. «Biz har kuni shirin ovqatlar eymiz. Menga palov, bo‘tqalar juda yoqadi», – deydi6 yoshli Jasur. «Bog‘chamizni yaxshi ko‘raman, gulqog‘ozdan uycha, plastilindan quyoncha, mushukcha yasadik», – deya suhbatimizga qo‘shiladi jajji Ulyana.

Maktabgacha ta’lim muassasasi kichkintoylarining kiy­im javoni, yuvinish xonasi ozoda. Guruhlarda bolalarning dunyoqarashini kengaytirish, nutqini rivojlantirish uchun rang-barang ko‘rgazmali vositalar mavjud. Turli-tuman o‘yinchoqlar bilan vaqtini maz­munli o‘tkazayotgan jajjilarning yuzu ko‘zidagi tabassum muassasada mehnat qilayotgan shirinso‘z tarbiyachilarning o‘z kasbiga sidqidildan yondashayotganidan nishona. Bog‘chada qishki bog‘tashkil etilgan. Dizayner Liliya Sobirovatomonidan gul­lar, daraxtlar, mevayu soylarning xuddi o‘zidek yaratilgan eksponatlarini tomosha qilib qo‘li gul mutaxassisning ijodkorligiga qoyil qolmay iloj yo‘q. Bog‘da bolalar tabiatni sevishga o‘rganadilar.Bog‘ning yonginasidagima’naviyat xonasi bugungi kun talablari darajasida bezatilgan. Bu erda MTM xodimlari yutuq va kamchilik­larini muhokama etib, rejalarini tuzishadi. O‘tgan yil ma’naviyat targ‘iboti bo‘yicha kon boshqarmasi bo‘linmalari o‘rtasida o‘tkazilgan tanlovda bog‘cha jamoasi faxrli birinchi o‘rinni qo‘lga kiritdi. Bog‘chada yana bir an’ana yo‘lga qo‘yilgan. Maskandagi har bir guruhga kon boshqarmasining ma’lum bir bo‘linmasi homiylik yordami ko‘rsatadi.Zarur jihozlar va sharoitning mavjudligi samarali faoliyatga imkon berayapti.

«MTMda olib borilayotgan ishlar va yaratilgan sharoitlarning barchasi bolajonlarning sog‘lom ulg‘ayishiga yo‘naltiritgan. Tarbiyalanuv­chilarga xushta’m, si­fatli ovqatlar tayyorlashdan tashqari, bolajonlarimizni dasturxon atrofida o‘zini odobli tutishi va ularda estetik didni shakllantirishga ham alohida e’tibor qaratilmoqda», – deydi bog‘cha mudirasi M.Rahimzyanova.

«Umr fasllari ichida hech biri bolaligu keksalik kabi e’zoz va mehr-muhabbatga muhtoj emas» deb bekorga aytilmagan. YOsh avlodga ko‘rsatilayotgan e’tibor kelajakda, albatta, o‘z mevasini berishi aniq.

Dilafro‘z BEKNAZAROVA.

Surat muallifi

Janibek SAGATBAEV.

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa 26.02.2015 dan №4 nashr G‘AMXO‘RLIK OG‘USHIDA