Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Выпуск №5 от 03.03.2016 Davr bilan hamnafas

Davr bilan hamnafas

1999 yil 12 yanvarda O‘zbekiston Respublikasi Vazirlar Mahkamasining «Ijro intizomini mustahkamlash chora-tadbirlari to‘g‘risida» gi qarori e’lon qilindi. Unga ko‘ra korxonalarda davlat tashkilotlarining yuqori organlaridan kelayotgan hujjatlarni rasmiylashtirish va ijro intizomini mustahkamlash maqsadida umumiy bo‘lim tashkil etish belgilangan edi. Shunga muvofiq Navoiy kon-metallurgiya kombinati boshqarma va bo‘linmalarida umumiy bo‘limlar faoliyati yo‘lga qo‘yildi.


Birgina tabassumlari ularni eslab qolish uchun etarli bo‘ladi. Navoiy kon-metallurgiya kombinati boshqarmasi umumiy bo‘limi xotin-qizlari chehralarida hamisha ochiqlik, muomalasida samimiyat, ishlarida  natija va unum bor. Ish yuzasidan deyarli har kuni uchrashadiganlarga bo‘lim xodimlarining maslahatlari juda qo‘l kelayapti.
Bilimli, ma’suliyatli, o‘z kasbini sevuvchi xotin-qizlar bilan ishlash, bilmaganlarini o‘rgatish, garchand tajribali bo‘lsada, nimalarnidir o‘rganish bo‘lim boshlig‘i Natalya Alfyorovaga zavq bag‘ishlaydi. U xodimlarning yaqin do‘sti, ustozi ekanligidan hamkasblarining mehrini qozongan. Natalya Alfyorova bilan ilk suhbatdayoq ishidagi tartib-intizomni fikr-mulohazalari, xatti-harakatlaridan darhol sezib olasiz.
– Zimmamizdagi mas’uliyat bo‘limimizning nomidayoq to‘la aks etgan. Xodimlarimiz kombinatning barcha bo‘linmalari bilan ishlaydi. Ish yurituvchilik shunchaki bir hujjatni egasiga etkazish emas, uni o‘qish, o‘rganish, mohiyatini anglab etib, kerak bo‘lsa, mutaxassisga tushuntira bera olish demakdir. Bu, insondan o‘tkir zehn, bilim va xushmuomalalikni talab qiladi. Ancha yillardan buyon shu sohada faoliyat yuritib, bu kasbning qirralari ko‘pligiga amin bo‘layapman. Foydali va qiziqarli ish bilan shug‘ullanganim sari ishlashga bo‘lgan ishtiyoqim oshadi, -deydi Natalya Alfyorova.
Har bir hujjat bilan tartibli va ijro intizomiga amal qilgan holda ishlash ish yurituvchilik kasbining eng muhim qoidalaridan. Bunda, yuqori tashkilotlardan kelgan hujjatlar sanasi, ijro muddatini yodda saqlash juda muhim. Bo‘lim boshlig‘i o‘rinbosari Lola Boboqulova, shubhasiz buni yaxshi tushunadi. – Kombinatga murojaat qiluvchilar ko‘p, hujjatlar oqimi katta. Maqtanchoqlikka yo‘ymangu, biz boshqa tashkilotlardan tezkorligimiz bilan  ajralib turamiz. Har bir hujjatga e’tiborli bo‘lish lozim. Kombinat direktori va bosh muhandisining ijro intizomini o‘z nazoratiga olishlari ishimizga katta yordam berayapti. Shu boisdan murojaat yoki xatlar muddatida tayyor bo‘lib, egasiga etkaziladi, -deydi Lola Boboqulova.
Bo‘limda har bir ish kuni qizg‘in boshlanadi. Xodimlar kun oxirigacha telefonda yoki yuzma-yuz ko‘plab insonlar bilan muloqotda bo‘lishadi. Kasbning eng nozik jihatlaridan biri bu hissiyotga berilmaslikdir. Mobodo biror sababga ko‘ra kayfiyatingiz ko‘ngildagidek bo‘lmasa, buni atrofdagilar payqamasligi kerak. Bo‘lim xodimi Nargiza Ahmedova ishda shu qoidaga amal qiladi. Bo‘limga malaka oshirish uchun kelgan yosh kadrlar Nargiza Ahmedovadan ko‘p narsa o‘rganib qaytadilar.
– Ilgarilari barcha hujjatlar qo‘lda rasmiylashtirilar, biror hujjat kerak bo‘lib qolsa, soatlab axtarardik. Hujjatlarni kerakli manzilga etkazish kamida bir kunga cho‘zilardi. Hozir tezkor zamonda yashayapmiz. Muhim hujjatlar elektron shaklda soniyalar ichida egasiga etkaziladi. Bu, yangi imkoniyatlarning eng yaxshisi bo‘lib, ortiqcha qog‘ozbozlikka ham barham berayapti, -deydi bo‘limning jonkuyar xodimlaridan biri Muhabbat Qalandarova.
Bo‘limda fidoyi xodimlar ko‘p. Dilnaz Rasulova, Gulhayo Saitova shular jumlasidan. Sohada uzoq yillik tajribaga ega Lyudmila Muravyova, Irina Mixelson, Nazira Sanaqulovalarning ish uslubidan kombinat barcha bo‘linmalari ish yurituvchilari o‘rnak olsa arziydi. Malakali tarjimon Marhabo Xamedova turli mazmundagi xatlarni rus va o‘zbek tillariga malakali tarjima qiladi. Bo‘limning kasbiga mehr qo‘ygan xotin-qizlari barcha jabhada davr bilan hamnafas qadam tashlamoqdalar.


Nafisa VAXIDOVA.

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Выпуск №5 от 03.03.2016 Davr bilan hamnafas